Achrediadau Ysgol Reoli Caerdydd

Siarter Busnesau Bach

Ni oedd yr ysgol fusnes gyntaf yng Nghymru i gael ei hachredu gan y Siarter Busnesau Bach. Mae'r wobr fawreddog hon yn cydnabod ein cefnogaeth ragorol yn genedlaethol i fusnesau bach ac entrepreneuriaid, yn ogystal â'n ffocws cryf ar gyflogadwyedd myfyrwyr drwy addysg ac arweiniad o ansawdd uchel, wedi'u teilwra. 

System Effaith Ysgol Fusnes (BSIS)

Ni hefyd oedd y brifysgol gyntaf yng Nghymru, a'r drydedd yn y DU, i ennill label System Effaith Ysgol Fusnes (BSIS) gan y Sefydliad Ewropeaidd ar gyfer Datblygu Rheoli (EFMD) am ein heffaith economaidd gadarnhaol ar Brifddinas-Ranbarth Caerdydd. 

Sefydliad Siartredig Personél a Datblygu (CIPD)

Mae Ysgol Reoli Caerdydd yn ganolfan gymeradwy broffesiynol gan y Sefydliad Siartredig Personél a Datblygu (CIPD). Mae ein MSc Rheoli Adnoddau Dynol wedi'i achredu gan CIPD, a byddwch yn gymwys ar gyfer Aelodaeth Gysylltiol ar ôl graddio. 

Sefydliad Siartredig Marchnata (CMI)

Mae ein holl raddau Marchnata israddedig ac ôl-raddedig wedi'u hachredu gan y corff marchnata proffesiynol blaenllaw, sef y Sefydliad Siartredig Marchnata (CIM). Bydd cyfle gennych i gael eithriadau o gymwysterau proffesiynol CIM ar ôl graddio. Mae gan ein gradd BA (Anrh) Rheoli Marchnata statws 'Rhaglen Cyflogadwyedd' CIM hefyd.

Sefydliad Rheoli Siartredig (CMI)

Mae ein Meistr Gweithredol mewn Gweinyddu Busnes (MBA) wedi'i ddatblygu gyda'r Sefydliad Rheoli Siartredig (CMI) ac mae'n cynnig Aelodaeth Gysylltiol i chi ar ôl graddio. Mae ein cwrs Arweinyddiaeth a Rheolaeth 20Twenty hefyd yn cynnig cyfleoedd i ennill amrywiaeth o gymwysterau CMI.

Y Sefydliad Lletygarwch

Mae ein holl raddau israddedig Twristiaeth, Lletygarwch a Rheoli Digwyddiadau wedi'u hachredu'n broffesiynol gan y Sefydliad Lletygarwch (IOH), gan gydnabod eu bod yn bodloni safonau diwydiant byd-eang a byddant yn eich arfogi â'r sgiliau a'r wybodaeth i ffynnu ledled y byd.

Y Sefydliad Rheoli Twristiaeth

Mae ein gradd Rheoli Twristiaeth Ryngwladol wedi'i hachredu gan y Sefydliad Rheoli Twristiaeth (TMI) a gallwch elwa o aelodaeth myfyrwyr TMI am bris gostyngol.

ACCA, CIMA, ICAEW

Mae ein graddau Cyfrifeg israddedig wedi'u hachredu gan ACCA, CIMA ac ICAEW. Dechreuwch eich taith i statws Cyfrifydd Siartredig gydag eithriadau sylweddol ar gael o arholiadau proffesiynol.

Y Gymdeithas Awyrenneg Frenhinol (RAeS)

Mae ein gradd Rheoli Hedfan yn un o'r unig raddau israddedig Rheoli Hedfan yn y byd sydd wedi'u cymeradwyo gan y Gymdeithas Awyrenneg Frenhinol (RAeS) a gallwch elwa o aelodaeth myfyrwyr RAeS am ddim. Hefyd gallwch gael fynediad at ysgoloriaethau, bwrsariaethau a chyfleoedd datblygiad proffesiynol.

Y Sefydliad Marchnata Digidol (DMI)

Mae ein gradd Rheoli Marchnata Digidol hefyd wedi'i hachredu gan y Sefydliad Marchnata Digidol (DMI) a byddwch yn dod yn aelod o DMI ac yn cael cymhwyster Cymrawd Marchnata Digidol Ardystiedig DMI (CDMA) ar ôl graddio. 

Y Sefydliad Logisteg a Thrafnidiaeth (CILT)

Mae ein MSc Rheoli Cadwyn Gyflenwi a Logisteg Rhyngwladol wedi'i achredu gan y Sefydliad Siartredig Logisteg a Thrafnidiaeth (CILT) ac mae'n cynnig eithriad o'r gofynion addysg ar gyfer Aelodaeth (MILT) neu Aelodaeth Siartredig (CMILT) ar ôl graddio.