Mentrau Chwaraeon Ysgol

Mae Chwaraeon Met Caerdydd wedi sefydlu cysylltiadau cryf ag ysgolion cynradd ac uwchradd yng Nghaerdydd ac yn croesawu llawer o'r ysgolion hyn ac eraill o du allan i'r ardal ar gyfer eu diwrnod chwaraeon ysgol.

Yn ogystal, rydym yn darparu rhaglen nofio i ysgolion lleol ac yn cynnig cyfle i bob ysgol uwchradd ychwanegu at eu cyrsiau Chwaraeon ac Addysg Gorfforol 'Safon Uwch' a 'TGAU' gyda'r bwriad o roi profiad ymarferol o brofion ffitrwydd maes a labordy.

Diwrnodau Chwaraeon Ysgol

Ydych chi wedi dewis dyddiad ond yn poeni am y tywydd? Oes gennych chi'r holl offer sydd eu hangen arnoch i sicrhau fod y diwrnod yn rhedeg yn esmwyth? Wel, efallai y gallwn ni helpu. Mae'r Ganolfan Athletau Dan Do Genedlaethol yn lleoliad delfrydol gyda thrac 200m 4 lôn, lle syth i sbrintio, ardaloedd taflu a mannau cystadlu ar gyfer yr holl neidiau, ac i'w wneud yn wirioneddol broffesiynol mae gennym system PA ragorol. Rydym yn cynnig naill ai sesiwn rhwng 9 am-12 canol dydd neu sesiwn rhwng 12.30pm-3.30pm. Gallwn hefyd gynnig diwrnod llawn.

Diwrnodau Nofio Ysgol

Er mwyn helpu ysgolion i gyflawni eu gofynion nofio rydym yn cynnig defnydd unigryw o'n pwll nofio dan do.

Yr hyn rydyn ni'n ei gynnig

• Pwll nofio 25 metr x 4 lôn gyda phen bas a dwfn.
• Achubwyr bywyd cwbl gymwys.
• Hyfforddiant nofio.
• Amrywiaeth o gymhorthion dysgu - gan gynnwys fflôtiau, bandiau braich, cylchoedd deifio.
• Cyfleoedd i weithio tuag at wobrau hyfedredd (os ydych chi'n archebu nifer o sesiynau).
• Prisiau cystadleuol​.

Os hoffech chi gymryd rhan yn unrhyw un o'r uchod neu os hoffech chi gael rhagor o wybodaeth, e-bostiwch metcommunity@cardiffmet.ac.uk.