Dylunio Profiadau Ymwelwyr Cynhwysol: Dulliau Ymarferol ar gyfer Lletygarwch, Twristiaeth a Digwyddiadau

Cwrs byr proffesiynol, 1 diwrnod o hyd, wyneb yn wyneb

Nod y Cwrs

Bydd y cwrs ymarferol hwn yn rhoi'r wybodaeth, yr hyder a'r strategaethau ymarferol i weithwyr proffesiynol twristiaeth, lletygarwch a digwyddiadau i ddarparu profiadau mwy cynhwysol a hygyrch i ymwelwyr. Bydd cyfranogwyr yn dysgu sut i adnabod rhwystrau ar draws mannau ffisegol, rhyngweithiadau gwasanaeth, a phwyntiau cyswllt digidol, a sut i fynd i'r afael â nhw i greu amgylcheddau croesawgar a chynhwysol sy'n diwallu anghenion pob ymwelydd.

I bwy mae’r cwrs?

Mae'r cwrs hwn wedi'i gynllunio ar gyfer gweithwyr proffesiynol sy'n gweithio'n uniongyrchol gyda phrofiad gwesteion, gan gynnwys:

• Rheolwyr a goruchwylwyr lefel ganol
• Staff rheng flaen
• Cydlynwyr lleoliadau a digwyddiadau

Mae'n arbennig o berthnasol i'r rhai sy'n gweithio yn y canlynol:

• Gwestai, atyniadau, a safleoedd treftadaeth
• Gwyliau a digwyddiadau byw
• Bwytai a gwasanaeth bwyd
• Lleoliadau cynadleddau a chyfarfodydd
• Busnesau bach sy'n seiliedig ar gyrchfannau

Nid oes angen arbenigedd blaenorol mewn polisi na hygyrchedd; mae'r cwrs hwn wedi'i deilwra ar gyfer gweithwyr proffesiynol ymarferol sydd eisiau gwneud effaith wirioneddol.

Beth fyddwch yn ei gwmpasu

Dros gyfnod y dydd, bydd y cyfranogwyr yn archwilio:

• Deall anghenion a chymhellion mynediad gwesteion, gan gynnwys anableddau cudd
• Nodi ble mae rhwystrau’n codi ar draws taith yr ymwelydd
• Dylunio amgylcheddau cynhwysol (ffactorau ffisegol, digidol a dynol)
• Arfer gorau mewn gwasanaeth a chyfathrebu cynhwysol
• Astudiaethau achos yn dangos arfer da o enghreifftiau yn y DU ac yn rhyngwladol
• Datblygu camau realistig, ymarferol i integreiddio cynhwysiant i arferion busnes

Dull dysgu

Drwy gymysgedd o weithgareddau rhyngweithiol, astudiaethau achos, trafodaethau grŵp ac ymarferion ymarferol, bydd cyfranogwyr yn meithrin hyder a chynlluniau ymarferol ar gyfer eu gweithle eu hunain. Bydd pob cyfranogwr yn gadael gyda chynllun gweithredu personol yn nodi newidiadau allweddol y gallant eu gwneud.

Gwybodaeth allweddol am y cwrs

Dyddiad y cwrs: Dydd Iau 22 Ionawr 2026. Wyneb yn wyneb, 1 diwrnod (09:30–16:00)

Lleoliad: Ysgol Reoli Caerdydd, Prifysgol Metropolitan Caerdydd, Campws Llandaf, Caerdydd, CF5 2YB

Cost: £250*

*Mae’n bosib y bydd sefydliadau yng Nghymru yn gymwys i gael 50% o gyllid i gefnogi cyfranogiad. Mae cymhwysedd yn amodol ar Raglen Sgiliau Hyblyg Llywodraeth Cymru.

Darperir lletygarwch drwy gydol y dydd a rhoddir tystysgrif presenoldeb ar ôl cwblhau.

Am ymholiadau penodol am gyrsiau, anfonwch e-bost at Dr Emmet McLoughlin: emcloughlin@cardiffmet.ac.uk

I gofrestru ar y cwrs hwn, ewch i'n siop ar-lein neu cysylltwch â csm-enterprise@cardiffmet.ac.uk i gael rhagor o wybodaeth ynghylch cofrestru a dulliau talu.