Diwrnodau i Ymgeiswyr Met Caerdydd

Mae ein Diwrnodau i Ymgeiswyr yn gyfle perffaith i chi ymgolli ym mywyd Met Caerdydd. Byddwch yn cael rhagflas o’r cwrs yr ydych wedi gwneud cais amdano, yn cael profiad o’n haddysgu a’n cyfleusterau o ansawdd uchel, yn ogystal â chwrdd â staff a myfyrwyr i sgwrsio am bopeth yn ymwneud â Met Caerdydd.

Bydd ystod o wasanaethau cymorth o bob rhan o’r Brifysgol hefyd wrth law i sgwrsio â nhw, gan gynnwys llety, chwaraeon perfformio, astudio trwy gyfrwng y Gymraeg, a mwy.

Wrth i ddyddiadau gael eu cadarnhau, bydd ein Tîm Derbyniadau yn cysylltu â chi gyda’r holl fanylion sydd eu hangen arnoch i gofrestru eich lle.

Noder: gall rhai Diwrnodau i Ymgeiswyr amrywio yn dibynnu ar y cwrs y gwneir cais amdano. Bydd pob gwahoddiad yn amlinellu’r rhaglen benodol y gallwch ei disgwyl ar y diwrnod.

Awgrymiadau i wneud y gorau o’ch diwrnod:

• Cymerwch ran yn eich sesiwn ymarferol. Manteisiwch i’r eithaf ar ddysgu sut beth yw astudio’r cwrs y gwnaethoch gais amdano.
• Sgwrsiwch gyda’n myfyrwyr. Gyda phwy well i siarad na rhywun sydd eisoes yn astudio gyda ni? Bydd ein llysgenhadon myfyrwyr o gwmpas drwy’r dydd i ateb unrhyw gwestiynau sydd gennych.
• Sgwrsiwch gyda’n staff. Oes gennych chi gwestiwn penodol am eich cwrs? Mae ein timau addysgu yma i helpu.
• Cymerwch y daith. Peidiwch ag anghofio mynd ar daith campws i weld ein cyfleusterau, a mannau astudio a chymdeithasol.
• Dim o’r ardal leol? Treuliwch ychydig o amser yn crwydro ein prifddinas wych – gofod bach a hawdd ei lywio, a lle rydyn ni’n gobeithio y byddwch chi eisiau ei alw’n gartref.
• Ac yn olaf, cipiwch bicau ar y maen am ddim!

Wedi mynychu Diwrnod Agored yn barod?

Os ydych chi eisoes wedi mynychu Diwrnod Agored Met Caerdydd, dyma restr o’r pethau ychwanegol y byddwch chi’n eu profi trwy fynychu’ch Diwrnod i Ymgeiswyr ym Met Caerdydd: