Astudiaethau Addysg Gynradd - Gradd BA (Anrh)

Mae’r radd ddwyieithog yn canolbwyntio ar ddatblygu eich dealltwriaeth academaidd ac ymarferol o astudiaethau addysg gynradd mewn cyd-destun dwyieithog.

Tra bydd y rhan fwyaf o’r rhaglen yn cael ei darparu trwy gyfrwng y Saesneg, mae 40 credyd y flwyddyn o’r cwrs dwyieithog ar gael trwy gyfrwng y Gymraeg. Mae cymorth tiwtor personol sy’n siarad Cymraeg a chyfleoedd am leoliadau cyfrwng Cymraeg hefyd yn rhan o’r ddarpariaeth cyfrwng Cymraeg ar y rhaglen ddwyieithog.

Gellir cyflwyno asesiadau yn Gymraeg neu Saesneg. Mae’r cwrs wedi’i gynllunio i ateb y galw cynyddol am raddedigion sydd â galluoedd a chymwysterau dwyieithog.

Er mwyn graddio gyda’r wobr ddwyieithog, rhaid i fyfyrwyr gymryd o leiaf 40 credyd (33%) ym mhob blwyddyn trwy gyfrwng y Gymraeg. Bydd myfyrwyr sy’n dilyn y llwybr hwn hefyd yn gymwys ar gyfer Ysgoloriaeth Cymhelliant y Coleg Cymraeg Cenedlaethol sydd werth hyd at £1500 dros y tair blynedd.

Blwyddyn Un

Hanes Addysg: Systemau sy'n Esblygu

Mae'r modiwl hwn yn datblygu eich gwybodaeth am ddatblygiadau hanesyddol ym maes addysg ers 1870, gan hwyluso eich dealltwriaeth o system gyfoes y DU. Drwy hyn, byddwch yn dod yn ymwybodol o'r cysylltiadau rhwng addysg, y gymdeithas, gwleidyddiaeth a'r unigolyn.

Cyflwyniad i Lythrennedd Academaidd Addysg Uwch*

Nod y modiwl hwn yw datblygu eich ymwybyddiaeth o'r sgiliau hanfodol sydd eu hangen i lwyddo mewn addysg uwch, gan wella eich gwybodaeth a'ch gallu i gymhwyso dulliau a thechnegau academaidd mewn perthynas â thasgau a osodir. Yn ystod y modiwl hwn, byddwch yn cael eich tywys tuag at fod yn ddysgwr annibynnol a'ch annog i ymgymryd â hunanasesiad ac i osod nodau personol ar gyfer datblygiad academaidd pellach.

Chwarae, Creadigrwydd a Datblygiad Plant Ifanc

Mae'r modiwl hwn yn eich cyflwyno i rôl chwarae yn natblygiad plant ifanc, gan gynnwys eu datblygiad gwybyddol, emosiynol, ieithyddol, corfforol a chreadigol. Gan ddatblygu eu gwybodaeth a'u dealltwriaeth o theorïau datblygiad a chreadigrwydd, yn ogystal â chysyniadau ac egwyddorion sylfaenol cynhwysiant ac amrywiaeth, byddwch yn archwilio ffyrdd y gellir cymhwyso'r wybodaeth hon yn ymarferol i gefnogi a gwella profiadau plant.

Astudiaethau Proffesiynol a Datblygiad Seiliedig ar Waith*

Fel rhan o'r modiwl hwn, byddwch yn cael profiad mewn lleoliad amgen (e.e., sefydliadau elusennol, darpariaethau ADY, ysgolion uwchradd, meithrinfeydd). Yn ystod y lleoliad, byddwch yn cydweithio â rhanddeiliaid i nodi a mynd i'r afael â maes i'w ddatblygu o fewn y lleoliad, gan gymhwyso gwybodaeth a sgiliau yng nghyd-destun cynllunio prosiectau. Mae'r broses o werthuso eu profiadau mewn lleoliad ac ymgysylltu â'r Gwasanaeth Gyrfaoedd yn eich cefnogi i ddatblygu hunaniaeth broffesiynol a mapio llwybr eich gyrfa barhaus.

Dadleuon a Phynciau Llosg mewn Addysg

Mae'r modiwl hwn yn datblygu eich gwybodaeth am ddadleuon a phynciau llosg cyfoes, gan ddyfnhau eich dealltwriaeth o'r themâu a'r llinynnau allweddol sy'n nodweddu maes astudiaethau addysg. Mae'r modiwl yn archwilio'r cysylltiadau rhwng addysg, cymdeithas, gwleidyddiaeth a'r unigolyn, gan eich gwneud yn gyfarwydd â'r ffactorau sy'n nodweddu dadl gyfoes. Gan ddod yn ymwybodol o natur gylchol materion allweddol, byddwch yn myfyrio ar y rhesymau sylfaenol pam bod patrymau penodol yn parhau.

Cyflwyniad i Ddysgu Trawsgwricwlaidd

Yn ystod y modiwl hwn, mae myfyrwyr yn archwilio'r cysyniad o 'ddysgu trawsgwricwlaidd', gan werthuso eu potensial i gefnogi plant i ddysgu'n fwy effeithiol yng nghyd-destun addysg gynradd. Bydd mewnwelediad ymarferol i sut i wneud cysylltiadau rhwng meysydd pwnc o fewn cwricwla addysg gynradd yn datblygu eich gwybodaeth am sut i gymhwyso egwyddorion sylfaenol dulliau trawsgwricwlaidd yng nghyd-destun ymarfer a darpariaeth.

Blwyddyn Dau

Archwilio Addysgeg ar gyfer Ymarfer a Darpariaeth

Mae'r modiwl hwn yn eich cyflwyno i safbwyntiau lluosog a dadleuon rhyngwladol ynghylch addysgeg, ac yn eich galluogi i gymhwyso'ch gwybodaeth mewn perthynas ag ymarfer a darpariaeth. Byddwch yn archwilio amrywiaeth o ddulliau addysgeg, fydd yn eich arfogi i nodi cysylltiadau rhyngddynt a'u seiliau damcaniaethol cyfatebol. Byddwch hefyd yn datblygu eich gwybodaeth am sut mae egwyddorion sylfaenol allweddol dulliau addysgeg gwahanol yn effeithio ar brofiadau plant mewn gwahanol gyfnodau o fewn amrywiaeth o leoliadau addysgol, cyd-destunau ac amgylcheddau.

Amrywiaeth, Hunaniaeth a Chydraddoldeb mewn Addysg

O fewn y modiwl hwn, byddwch yn datblygu dealltwriaeth feirniadol a systematig o theorïau a chysyniadau sefydledig mewn perthynas â dulliau cyfoes o ymdrin ag addysg a chydraddoldeb. Bydd hyn yn eich cyfarparu i gymryd rhan mewn dadl ar amrywiaeth, cynhwysiant a chydraddoldeb o fewn addysg, a dangos gwybodaeth am bolisi, deddfwriaeth, materion allweddol, heriau a safbwyntiau cystadleuol. Bydd y modiwl hwn yn eich galluogi i gymhwyso dealltwriaeth feirniadol o ymchwil gyfoes ar amrywiaeth, hunaniaeth a chydraddoldeb, gan ystyried hyn mewn perthynas ag ymarfer a darpariaeth.

Chwarae a Dysgu yn yr Awyr Agored ac yn y byd Naturiol

Yn ystod y modiwl hwn, byddwch yn cael cipolwg ymarferol ar ystod o ddulliau addysgeg sy'n cynnwys ymgysylltu â'r byd naturiol. Wrth wneud hynny, byddwch yn ystyried y safbwyntiau athronyddol cysylltiedig o wahanol ddulliau, gan werthuso'r effaith ar brofiadau plant (gan gynnwys y rhai ag anghenion ychwanegol a chymhleth). Bydd y modiwl hwn yn datblygu eich gwybodaeth am fforddiadwyedd yr amgylchedd yng nghyd-destun chwarae a dysgu awyr agored plant, a thrwy hynny byddwch yn nodi ac yn gwerthuso materion allweddol sy'n ymwneud â phrofiadau yn, gyda, ac am y byd naturiol. Bydd y modiwl hwn yn datblygu eich gallu i gynllunio, hwyluso a gwerthuso profiadau chwarae a dysgu yn yr awyr agored mewn perthynas â'u sail ddamcaniaethol.

Datblygu Hunaniaethau Proffesiynol*

Mae'r modiwl hwn yn rhoi profiad i chi mewn lleoliad ysgol gynradd lle byddwch yn nodi ac yn cynnig sut i fynd i'r afael â maes i'w wella / datblygu o fewn eich lleoliad ysgol gynradd. Mae profiad y lleoliad yn rhoi cyfle i chi wella ystod o sgiliau cyflogadwyedd ac i ddangos arloesedd.

Iaith, Llythrennedd ac Addysg Plant

Yn ystod y modiwl hwn, byddwch yn archwilio cysyniadau llythrennedd, gan ymgysylltu â safbwyntiau, diffiniadau a dadleuon rhyngwladol lluosog. Byddant yn cael cipolwg beirniadol ar theori, polisi ac ymarfer mewn perthynas â datblygiad iaith a llythrennedd plant. Drwy eich ymgysylltiad â llenyddiaeth plant ac arferion addysgeg, byddwch yn datblygu eich gallu i greu adnoddau a deunyddiau i gefnogi caffael iaith a datblygiad llythrennedd plant.

Datblygu Eich Sgiliau Ymchwil*

Yn ystod y modiwl hwn, byddwch yn archwilio ystod o fethodolegau, offer ymchwil a ffynonellau data, gan ddatblygu eich dealltwriaeth feirniadol o ymchwil ac ymarfer cyfoes o fewn maes diddordeb dewisol. Bydd cynnwys y modiwl yn eich cefnogi i ystyried materion hollbwysig wrth gynnal ymchwil gyda chyfranogwyr, gan gynnwys materion moesegol ac uniondeb ymchwilwyr. Gan ddewis maes o ddiddordeb, byddwch yn dysgu sut i gymhwyso offer ymchwil ac ymgysylltu â thystiolaeth i wella gwybodaeth a'i chymhwyso mewn perthynas â pholisi, ymarfer a/neu ddarpariaeth.

Blwyddyn Tri

Prosiect Annibynnol*

Mae'r Prosiect Annibynnol yn gyfle i chi gymhwyso eich diddordebau a'ch sgiliau personol yng nghyd-destun prosiect eich hun. Gallwch ddewis o allbwn creadigol, prosiect menter, prosiect sy'n seiliedig ar lenyddiaeth neu ymchwil sy'n cynnwys cyfranogwyr dynol. Mae'r prosiect yn ddarn o waith annibynnol i raddau helaeth a byddwch yn derbyn arweiniad gan oruchwyliwr academaidd ar ei gyfer.

Cynllunio’r Cwricwlwm: Theori, Ymarfer a Gwleidyddiaeth

Drwy’r modiwl hwn, byddwch yn cael cipolwg beirniadol ar gysyniad cynllunio’r cwricwlwm, gan ei archwilio mewn perthynas â theori, gwleidyddiaeth ac ymarfer. Byddwch yn myfyrio'n feirniadol ar gwricwla o safbwyntiau cynllunio a gweithredu, gan fynegi egwyddorion a gwerthoedd allweddol. Bydd cynnwys a chyflwyniad y modiwl hefyd yn eich arfogi i ddatblygu cwricwlwm mewn cyd-destun / maes pwnc penodol sydd â theori a thystiolaeth yn sail iddo.

Addysg Fyd-eang a Chymharol

Mae'r modiwl hwn yn eich cyflwyno i faterion a dadleuon allweddol o safbwyntiau cystadleuol, gan ddatblygu eich gallu i werthuso tystiolaeth o faes amlddisgyblaethol addysg gymharol. Gan ddatblygu dealltwriaeth feirniadol a systematig o gysyniadau allweddol, safbwyntiau damcaniaethol a thrafodaethau polisi addysgol ym maes addysg gymharol, a'r cysylltiadau rhyngddynt, byddwch yn gallu cymhwyso gwybodaeth, cyfuno syniadau a gwybodaeth i lunio dadleuon argyhoeddiadol a gwybodus mewn perthynas â dulliau ac arferion addysgeg.

Symud Tuag at Ddyfodol Iach a Chynaliadwy mewn Addysg

Mae cynnwys y modiwl yn eich annog i ddatblygu ymdeimlad cryf o foeseg bersonol a phroffesiynol wrth i chi archwilio, er enghraifft, iechyd a llesiant yn y cwricwlwm a rôl addysg ar gyfer datblygu cynaliadwy. Bydd y modiwl hwn yn eich annog i werthuso gwybodaeth yn feirniadol, gan ei defnyddio i wneud penderfyniadau rhesymegol ar gamau gweithredu ar gyfer dyfodol iach a chynaliadwy ym maes addysg.

Archwilio Amgylcheddau Addysgol

Mae'r modiwl hwn yn datblygu eich gwybodaeth ryngddisgyblaethol am amgylcheddau addysgol, gan ddod ag athroniaeth, addysgeg, ac agendâu gwahanol ynghyd. Byddwch yn archwilio ac yn gwerthuso'n feirniadol fforddiadwyedd amgylcheddau addysgol, gan dynnu ar eich gwybodaeth am ystod o safbwyntiau, athroniaethau ac arferion. Mae cynnwys, profiadau ac asesiad y modiwl yn eich cyfarparu i ddylunio, datblygu ac addasu amgylcheddau addysgol, gan eu halinio ag egwyddorion ac arferion addysgeg.

Mae'r holl fodiwlau sydd wedi'u marcio * hefyd ar gael i'w hastudio trwy gyfrwng y Gymraeg.

Rydym yn mabwysiadu dulliau addysgu arloesol a gafaelgarl sydd wedi'u cynllunio i ddarparu ar gyfer ystod o anghenion dysgu. Mae Darlithoedd Arweiniol yn eich cyflwyno i gynnwys modiwlau allweddol, mae seminarau'n darparu cyfleoedd i gymryd rhan mewn dysgu mewn grwpiau bach ac mae gweithdai'n darparu profiadau ymarferol, gan roi cipolwg ymarferol ar gysyniadau a dulliau allweddol wrth eich cefnogi i wneud cysylltiadau rhwng damcaniaeth ac ymarfer mewn ffyrdd pleserus a dilys.  Mae amgylcheddau dysgu rhithwir yn darparu mynediad hyblyg at ddeunyddiau ac adnoddau. Mae cyfleoedd ar gyfer dysgu dan arweiniad annibynnol yn caniatáu ichi gymryd rhan mewn darllen ac ymchwil ychwanegol sy'n gysylltiedig â modiwlau ac yn darparu amser wedi'i ddyrannu i baratoi ar gyfer aseiniadau a'u cwblhau. Mae cyfleoedd a strategaethau wedi'u hymgorffori mewn modiwlau i'ch cefnogi i ddatblygu eich hunaniaeth broffesiynol, gan eich grymuso i lunio'ch gyrfa barhaus yn weithredol. 

Mae dau leoliad gwaith sydd wedi'u hymgorffori yn y rhaglen ac amrywiaeth o deithiau maes yn rhoi cipolwg ymarferol ar yrfaoedd o fewn a thu allan i addysg gynradd. Mae pob myfyriwr yn cael profiadau dysgu dan do ac yn yr awyr agored trwy dreulio amser mewn ystafelloedd dosbarth a mannau arbenigol, gan gynnwys Canolfan Ddysgu Awyr Agored y brifysgol a Thŷ Froebel.

Mae ein dulliau addysgu a dysgu yn ymgorffori sgiliau 'EDGE' (Moesegol, Byd-eang, Digidol ac Entrepreneuraidd) Met Caerdydd a bydd gennych chi’r gall i ddangos y priodoleddau graddedig a ddisgwylir gennych mewn byd gwaith cynyddol gystadleuol. Ein nod yw eich helpu chi i ddatblygu'n weithwyr proffesiynol myfyriol ac yn ysgolheigion beirniadol.

Mae gan dîm y cwrs ystod eang o ddiddordebau ymchwil gan gynnwys addysg awyr agored, celfyddydau mynegiannol, addysgeg, datblygu cwricwlwm, chwaraeon mewn addysg, cydweithio rhyngwladol, technolegau o fewn addysg, addysg gymharol, addysg ecolegol, hawliau plant, hunaniaethau plentyndod, a bywydau a phrofiadau plant agored i niwed ac sydd wedi'u hymylu. Mae ein hymchwil yn sail i ac yn llunio profiadau ar y radd Addysg Gynradd, gan arwain at gynnwys a phrofiadau'r modiwlau yn cael eu llywio gan feddwl ac ymchwil gyfoes.

Caiff addysg cyfrwng Cymraeg ei hwyluso lle bynnag y bo modd i alluogi pob myfyriwr i ddefnyddio'r iaith Gymraeg i gyd-fynd â'u lefel o hyder a gallu. Gall myfyrwyr hefyd ddewis bod yn rhan o grŵp tiwtor iaith Gymraeg.

Darperir cefnogaeth fugeiliol a thiwtorial a'i hintegreiddio drwy gydol darpariaeth y cwrs. Mae gan bob myfyriwr diwtor personol, ac mae gan bob lefel astudio Diwtor Blwyddyn penodedig.  

Rydym wedi ymrwymo i arferion asesu arloesol sy'n cyd-fynd â chanlyniadau dysgu a nodwyd ar gyfer eich modiwl a'ch gradd. Rydym yn defnyddio amrywiaeth eang o ddulliau asesu, gan roi pwyslais ar eu dilysrwydd a rhoi cyfleoedd i chi fyfyrio, gwneud dewisiadau, datrys problemau, bod yn greadigol a gweithio ar y cyd â rhanddeiliaid.

Mae asesiadau'n cynnwys aseiniadau ymarferol, gwaith ysgrifenedig, portffolios, gwahanol fathau o gyflwyniadau, a phrosiectau. Mae'r cwrs hefyd yn defnyddio llwyfannau ar-lein (e.e. blogiau, fideo-gynadledda, fforymau) i wella eich profiadau dysgu ymhellach.

Yn eich blwyddyn olaf, byddwch yn cwblhau prosiect annibynnol, gan roi cyfle i chi gymhwyso eich diddordebau a'ch sgiliau personol yng nghyd-destun prosiect o'ch dyluniad eich hun. Gall y prosiect annibynnol fod ar ffurf un o'r canlynol:

• Adroddiad gwerthuso yn seiliedig ar faes ymchwil a ddewiswyd.
• Allbwn creadigol sy'n cynnwys integreiddio sgiliau/gwybodaeth arbenigol (e.e. cerddoriaeth, celf, drama, chwaraeon)
• Datblygu a gweithredu Prosiect Menter (e.e. prosiect cymunedol, menter ymgysylltu â theuluoedd, prosiect sy'n seiliedig ar dechnoleg)

Byddwch yn derbyn cefnogaeth ar gyfer asesu mewn amrywiaeth o ffyrdd, gan gynnwys asesu ffurfiannol ar gyfer gwaith sydd ar y gweill, asesu gan gymheiriaid yn y dosbarth, ac adborth ymlaen llaw gyda'r bwriad o'ch helpu mewn asesiadau yn y dyfodol. Mae cymorth ar gyfer asesiadau ar gael hefyd gan y Gwasanaethau Llyfrgell a Gwybodaeth.

Mae'r radd Astudiaethau Addysg Gynradd wedi'i chynllunio i'ch cefnogi wrth ddilyn gyrfa ym maes addysg gynradd, gan gynnwys ond heb fod yn gyfyngedig i addysgu. Yn ystod eich astudiaethau, byddwch yn cael eich cyflwyno i amrywiaeth o lwybrau gyrfa, gan gynnwys swyddi mewn darpariaeth AAA, swyddi yn y trydydd sector, darpariaeth dysgu awyr agored, addysg gymunedol ac amgen, addysg a gofal blynyddoedd cynnar, a Swyddogion Llesiant Addysg, gyda thîm y rhaglen yn defnyddio eu cysylltiadau eang â rhanddeiliaid.

Mae dau leoliad gwaith yn rhoi cyfleoedd i chi ennill profiad mewn amgylcheddau proffesiynol ac yn creu cyfleoedd i chi ddangos sgiliau mewn entrepreneuriaeth, arweinyddiaeth a rheolaeth wrth i chi ddatblygu ffyrdd o fynd i'r afael â materion, heriau a meysydd datblygu'r byd go iawn mewn polisi, ymarfer a darpariaeth. Mae'r cyfleoedd hyn, ynghyd â chynnwys y cwrs, yn eich annog i ystyried a bod yn rhagweithiol yn eich cynllunio gyrfa.

Mae ehangder y ffocws o fewn y rhaglen a'n hymrwymiad i ddatblygu eich sgiliau cyflogadwyedd yn creu cyfle i chi ddatblygu proffil proffesiynol fel rhan o'ch astudiaethau, gan eich galluogi i nodi a chymhwyso'r wybodaeth, y sgiliau a'r profiadau a gafwyd o'ch gradd, gan eu defnyddio fel sylfaen ar gyfer astudiaeth bellach, hyfforddiant neu gyflogaeth/hunangyflogaeth yn y dyfodol.

Bydd y cwrs hwn yn eich cefnogi i ddilyn gyrfaoedd mewn amrywiaeth o farchnadoedd swyddi a diwydiannau, gan gynnwys:

• Addysg gynradd
• Swyddi’r trydydd sector
• Addysg gymunedol
• Y Cyfryngau a gwasanaethau cyfathrebu
• Cyhoeddi
• Iechyd a llesiant
• Gweinyddiaeth y llywodraeth
• Y celfyddydau
• Twristiaeth a hamdden

Gallwch hefyd ddewis gwneud cais i astudio ym Met Caerdydd ar lefel ôl-raddedig ar ein cyrsiau MA, MPhil a PhD.

Noder: Nid yw'r radd israddedig hon yn dyfarnu 'Statws Athro Cymwysedig' (SAC).

Dilyniant i Hyfforddiant Athrawon TAR

Rydym yn falch o warantu cyfweliad ar gyfer y Cwrs Cynradd TAR ym Met Caerdydd ar gyfer holl raddedigion y rhaglen hon (ar yr amod bod y cwrs ar agor gydag UCAS). Mae angen dosbarthiad gradd Anrhydedd o 2:2 neu'n uwch ar hyn o bryd, a rhaid cwrdd â'r gofynion mynediad statudol ar gyfer hyfforddiant yng Nghymru (gan gynnwys gradd C / gradd 4 neu gyfwerth mewn TGAU ar gyfer Saesneg Iaith neu Cymraeg Iaith Gyntaf, Mathemateg neu Mathamateg - Rhifedd a Gwyddoniaeth)​.

Cynigion Nodweddiadol

• Pwyntiau tariff: 104
• Cynnig cyd-destunol: Gweler ein tudalen cynigion cyd-destunol.
• TGAU: Yn ddelfrydol, pum TGAU ar Radd C / 4 neu uwch, gan gynnwys Saesneg Iaith / Cymraeg Iaith Gyntaf a Mathemateg / Mathemateg – Rhifedd
• Gofyniad Iaith Saesneg: IELTS Academaidd 6.0 yn gyffredinol gydag o leiaf 5.5 ym mhob elfen, neu gyfwerth.
• Pynciau Safon Uwch: O leiaf tair Safon Uwch i gynnwys Graddau CCC. Does dim angen pynciau penodol. Ystyrir Bagloriaeth Sgiliau Uwch Cymru fel trydydd pwnc.
• Diploma Cenedlaethol BTEC / Diploma Estynedig Technegol Caergrawnt: MMM
• Lefel T: Teilyngdod.
• Diploma Mynediad i Addysg Uwch: Does dim angen pynciau penodol.
• Diploma Bagloriaeth Ryngwladol (IB): Does dim angen pynciau penodol.
• Tystysgrif Gadael Iwerddon: 2 x H2. Does dim angen pynciau penodol. Ystyrir pynciau lefel uwch yn unig gydag isafswm gradd H4.
• Advanced Highers yr Alban: Graddau DD. Does dim angen pynciau penodol. Ystyrir Highers yr Alban hefyd, naill ai ar eu pennau eu hunain neu ar y cyd ag Advanced Highers.
• Gofynion eraill: Gwiriad DBS.

Derbynnir cyfuniadau o’r cymwysterau uchod os ydyn nhw’n cwrdd â’n gofynion lleiaf. Os nad yw eich cymwysterau wedi’u rhestru, cysylltwch â Derbyniadau neu cyfeiriwch at Chwiliad Cwrs UCAS.

Mae rhagor o wybodaeth ar gymwysterau Tramor i’w gweld yma.

Os ydych yn ymgeisydd hŷn, mae gennych brofiad perthnasol neu RPL yr hoffech i ni ei ystyried, cysylltwch â Derbyniadau.

Sut i Ymgeisio

Mae rhagor o wybodaeth ar sut i ymgeisio i’w gweld yma.

Os oes gennych ymholiadau cyffredinol, cysylltwch â'r Tîm Derbyniadau ar 029 2041 6044 neu e-bostiwch holiderbyniadau@metcaerdydd.ac.uk.

Os oes gennych ymholiadau penodol am gwrs, cysylltwch â Sian Sarwar:

• E-bost: ssarwar@cardiffmet.ac.uk
• Ffôn: 029 2020 5599

Mae’r radd ddwyieithog yn canolbwyntio ar ddatblygu eich dealltwriaeth academaidd ac ymarferol o astudiaethau addysg gynradd mewn cyd-destun dwyieithog.

Tra bydd y rhan fwyaf o’r rhaglen yn cael ei darparu trwy gyfrwng y Saesneg, mae 40 credyd y flwyddyn o’r cwrs dwyieithog ar gael trwy gyfrwng y Gymraeg. Mae cymorth tiwtor personol sy’n siarad Cymraeg a chyfleoedd am leoliadau cyfrwng Cymraeg hefyd yn rhan o’r ddarpariaeth cyfrwng Cymraeg ar y rhaglen ddwyieithog.

Gellir cyflwyno asesiadau yn Gymraeg neu Saesneg. Mae’r cwrs wedi’i gynllunio i ateb y galw cynyddol am raddedigion sydd â galluoedd a chymwysterau dwyieithog.

Er mwyn graddio gyda’r wobr ddwyieithog, rhaid i fyfyrwyr gymryd o leiaf 40 credyd (33%) ym mhob blwyddyn trwy gyfrwng y Gymraeg. Bydd myfyrwyr sy’n dilyn y llwybr hwn hefyd yn gymwys ar gyfer Ysgoloriaeth Cymhelliant y Coleg Cymraeg Cenedlaethol sydd werth hyd at £1500 dros y tair blynedd.

Blwyddyn Un

Hanes Addysg: Systemau sy'n Esblygu

Mae'r modiwl hwn yn datblygu eich gwybodaeth am ddatblygiadau hanesyddol ym maes addysg ers 1870, gan hwyluso eich dealltwriaeth o system gyfoes y DU. Drwy hyn, byddwch yn dod yn ymwybodol o'r cysylltiadau rhwng addysg, y gymdeithas, gwleidyddiaeth a'r unigolyn.

Cyflwyniad i Lythrennedd Academaidd Addysg Uwch*

Nod y modiwl hwn yw datblygu eich ymwybyddiaeth o'r sgiliau hanfodol sydd eu hangen i lwyddo mewn addysg uwch, gan wella eich gwybodaeth a'ch gallu i gymhwyso dulliau a thechnegau academaidd mewn perthynas â thasgau a osodir. Yn ystod y modiwl hwn, byddwch yn cael eich tywys tuag at fod yn ddysgwr annibynnol a'ch annog i ymgymryd â hunanasesiad ac i osod nodau personol ar gyfer datblygiad academaidd pellach.

Chwarae, Creadigrwydd a Datblygiad Plant Ifanc

Mae'r modiwl hwn yn eich cyflwyno i rôl chwarae yn natblygiad plant ifanc, gan gynnwys eu datblygiad gwybyddol, emosiynol, ieithyddol, corfforol a chreadigol. Gan ddatblygu eu gwybodaeth a'u dealltwriaeth o theorïau datblygiad a chreadigrwydd, yn ogystal â chysyniadau ac egwyddorion sylfaenol cynhwysiant ac amrywiaeth, byddwch yn archwilio ffyrdd y gellir cymhwyso'r wybodaeth hon yn ymarferol i gefnogi a gwella profiadau plant.

Astudiaethau Proffesiynol a Datblygiad Seiliedig ar Waith*

Fel rhan o'r modiwl hwn, byddwch yn cael profiad mewn lleoliad amgen (e.e., sefydliadau elusennol, darpariaethau ADY, ysgolion uwchradd, meithrinfeydd). Yn ystod y lleoliad, byddwch yn cydweithio â rhanddeiliaid i nodi a mynd i'r afael â maes i'w ddatblygu o fewn y lleoliad, gan gymhwyso gwybodaeth a sgiliau yng nghyd-destun cynllunio prosiectau. Mae'r broses o werthuso eu profiadau mewn lleoliad ac ymgysylltu â'r Gwasanaeth Gyrfaoedd yn eich cefnogi i ddatblygu hunaniaeth broffesiynol a mapio llwybr eich gyrfa barhaus.

Dadleuon a Phynciau Llosg mewn Addysg

Mae'r modiwl hwn yn datblygu eich gwybodaeth am ddadleuon a phynciau llosg cyfoes, gan ddyfnhau eich dealltwriaeth o'r themâu a'r llinynnau allweddol sy'n nodweddu maes astudiaethau addysg. Mae'r modiwl yn archwilio'r cysylltiadau rhwng addysg, cymdeithas, gwleidyddiaeth a'r unigolyn, gan eich gwneud yn gyfarwydd â'r ffactorau sy'n nodweddu dadl gyfoes. Gan ddod yn ymwybodol o natur gylchol materion allweddol, byddwch yn myfyrio ar y rhesymau sylfaenol pam bod patrymau penodol yn parhau.

Cyflwyniad i Ddysgu Trawsgwricwlaidd

Yn ystod y modiwl hwn, mae myfyrwyr yn archwilio'r cysyniad o 'ddysgu trawsgwricwlaidd', gan werthuso eu potensial i gefnogi plant i ddysgu'n fwy effeithiol yng nghyd-destun addysg gynradd. Bydd mewnwelediad ymarferol i sut i wneud cysylltiadau rhwng meysydd pwnc o fewn cwricwla addysg gynradd yn datblygu eich gwybodaeth am sut i gymhwyso egwyddorion sylfaenol dulliau trawsgwricwlaidd yng nghyd-destun ymarfer a darpariaeth.

Blwyddyn Dau

Archwilio Addysgeg ar gyfer Ymarfer a Darpariaeth

Mae'r modiwl hwn yn eich cyflwyno i safbwyntiau lluosog a dadleuon rhyngwladol ynghylch addysgeg, ac yn eich galluogi i gymhwyso'ch gwybodaeth mewn perthynas ag ymarfer a darpariaeth. Byddwch yn archwilio amrywiaeth o ddulliau addysgeg, fydd yn eich arfogi i nodi cysylltiadau rhyngddynt a'u seiliau damcaniaethol cyfatebol. Byddwch hefyd yn datblygu eich gwybodaeth am sut mae egwyddorion sylfaenol allweddol dulliau addysgeg gwahanol yn effeithio ar brofiadau plant mewn gwahanol gyfnodau o fewn amrywiaeth o leoliadau addysgol, cyd-destunau ac amgylcheddau.

Amrywiaeth, Hunaniaeth a Chydraddoldeb mewn Addysg

O fewn y modiwl hwn, byddwch yn datblygu dealltwriaeth feirniadol a systematig o theorïau a chysyniadau sefydledig mewn perthynas â dulliau cyfoes o ymdrin ag addysg a chydraddoldeb. Bydd hyn yn eich cyfarparu i gymryd rhan mewn dadl ar amrywiaeth, cynhwysiant a chydraddoldeb o fewn addysg, a dangos gwybodaeth am bolisi, deddfwriaeth, materion allweddol, heriau a safbwyntiau cystadleuol. Bydd y modiwl hwn yn eich galluogi i gymhwyso dealltwriaeth feirniadol o ymchwil gyfoes ar amrywiaeth, hunaniaeth a chydraddoldeb, gan ystyried hyn mewn perthynas ag ymarfer a darpariaeth.

Chwarae a Dysgu yn yr Awyr Agored ac yn y byd Naturiol

Yn ystod y modiwl hwn, byddwch yn cael cipolwg ymarferol ar ystod o ddulliau addysgeg sy'n cynnwys ymgysylltu â'r byd naturiol. Wrth wneud hynny, byddwch yn ystyried y safbwyntiau athronyddol cysylltiedig o wahanol ddulliau, gan werthuso'r effaith ar brofiadau plant (gan gynnwys y rhai ag anghenion ychwanegol a chymhleth). Bydd y modiwl hwn yn datblygu eich gwybodaeth am fforddiadwyedd yr amgylchedd yng nghyd-destun chwarae a dysgu awyr agored plant, a thrwy hynny byddwch yn nodi ac yn gwerthuso materion allweddol sy'n ymwneud â phrofiadau yn, gyda, ac am y byd naturiol. Bydd y modiwl hwn yn datblygu eich gallu i gynllunio, hwyluso a gwerthuso profiadau chwarae a dysgu yn yr awyr agored mewn perthynas â'u sail ddamcaniaethol.

Datblygu Hunaniaethau Proffesiynol*

Mae'r modiwl hwn yn rhoi profiad i chi mewn lleoliad ysgol gynradd lle byddwch yn nodi ac yn cynnig sut i fynd i'r afael â maes i'w wella / datblygu o fewn eich lleoliad ysgol gynradd. Mae profiad y lleoliad yn rhoi cyfle i chi wella ystod o sgiliau cyflogadwyedd ac i ddangos arloesedd.

Iaith, Llythrennedd ac Addysg Plant

Yn ystod y modiwl hwn, byddwch yn archwilio cysyniadau llythrennedd, gan ymgysylltu â safbwyntiau, diffiniadau a dadleuon rhyngwladol lluosog. Byddant yn cael cipolwg beirniadol ar theori, polisi ac ymarfer mewn perthynas â datblygiad iaith a llythrennedd plant. Drwy eich ymgysylltiad â llenyddiaeth plant ac arferion addysgeg, byddwch yn datblygu eich gallu i greu adnoddau a deunyddiau i gefnogi caffael iaith a datblygiad llythrennedd plant.

Datblygu Eich Sgiliau Ymchwil*

Yn ystod y modiwl hwn, byddwch yn archwilio ystod o fethodolegau, offer ymchwil a ffynonellau data, gan ddatblygu eich dealltwriaeth feirniadol o ymchwil ac ymarfer cyfoes o fewn maes diddordeb dewisol. Bydd cynnwys y modiwl yn eich cefnogi i ystyried materion hollbwysig wrth gynnal ymchwil gyda chyfranogwyr, gan gynnwys materion moesegol ac uniondeb ymchwilwyr. Gan ddewis maes o ddiddordeb, byddwch yn dysgu sut i gymhwyso offer ymchwil ac ymgysylltu â thystiolaeth i wella gwybodaeth a'i chymhwyso mewn perthynas â pholisi, ymarfer a/neu ddarpariaeth.

Blwyddyn Tri

Prosiect Annibynnol*

Mae'r Prosiect Annibynnol yn gyfle i chi gymhwyso eich diddordebau a'ch sgiliau personol yng nghyd-destun prosiect eich hun. Gallwch ddewis o allbwn creadigol, prosiect menter, prosiect sy'n seiliedig ar lenyddiaeth neu ymchwil sy'n cynnwys cyfranogwyr dynol. Mae'r prosiect yn ddarn o waith annibynnol i raddau helaeth a byddwch yn derbyn arweiniad gan oruchwyliwr academaidd ar ei gyfer.

Cynllunio’r Cwricwlwm: Theori, Ymarfer a Gwleidyddiaeth

Drwy’r modiwl hwn, byddwch yn cael cipolwg beirniadol ar gysyniad cynllunio’r cwricwlwm, gan ei archwilio mewn perthynas â theori, gwleidyddiaeth ac ymarfer. Byddwch yn myfyrio'n feirniadol ar gwricwla o safbwyntiau cynllunio a gweithredu, gan fynegi egwyddorion a gwerthoedd allweddol. Bydd cynnwys a chyflwyniad y modiwl hefyd yn eich arfogi i ddatblygu cwricwlwm mewn cyd-destun / maes pwnc penodol sydd â theori a thystiolaeth yn sail iddo.

Addysg Fyd-eang a Chymharol

Mae'r modiwl hwn yn eich cyflwyno i faterion a dadleuon allweddol o safbwyntiau cystadleuol, gan ddatblygu eich gallu i werthuso tystiolaeth o faes amlddisgyblaethol addysg gymharol. Gan ddatblygu dealltwriaeth feirniadol a systematig o gysyniadau allweddol, safbwyntiau damcaniaethol a thrafodaethau polisi addysgol ym maes addysg gymharol, a'r cysylltiadau rhyngddynt, byddwch yn gallu cymhwyso gwybodaeth, cyfuno syniadau a gwybodaeth i lunio dadleuon argyhoeddiadol a gwybodus mewn perthynas â dulliau ac arferion addysgeg.

Symud Tuag at Ddyfodol Iach a Chynaliadwy mewn Addysg

Mae cynnwys y modiwl yn eich annog i ddatblygu ymdeimlad cryf o foeseg bersonol a phroffesiynol wrth i chi archwilio, er enghraifft, iechyd a llesiant yn y cwricwlwm a rôl addysg ar gyfer datblygu cynaliadwy. Bydd y modiwl hwn yn eich annog i werthuso gwybodaeth yn feirniadol, gan ei defnyddio i wneud penderfyniadau rhesymegol ar gamau gweithredu ar gyfer dyfodol iach a chynaliadwy ym maes addysg.

Archwilio Amgylcheddau Addysgol

Mae'r modiwl hwn yn datblygu eich gwybodaeth ryngddisgyblaethol am amgylcheddau addysgol, gan ddod ag athroniaeth, addysgeg, ac agendâu gwahanol ynghyd. Byddwch yn archwilio ac yn gwerthuso'n feirniadol fforddiadwyedd amgylcheddau addysgol, gan dynnu ar eich gwybodaeth am ystod o safbwyntiau, athroniaethau ac arferion. Mae cynnwys, profiadau ac asesiad y modiwl yn eich cyfarparu i ddylunio, datblygu ac addasu amgylcheddau addysgol, gan eu halinio ag egwyddorion ac arferion addysgeg.

Mae'r holl fodiwlau sydd wedi'u marcio * hefyd ar gael i'w hastudio trwy gyfrwng y Gymraeg.

Rydym yn mabwysiadu dulliau addysgu arloesol a gafaelgarl sydd wedi'u cynllunio i ddarparu ar gyfer ystod o anghenion dysgu. Mae Darlithoedd Arweiniol yn eich cyflwyno i gynnwys modiwlau allweddol, mae seminarau'n darparu cyfleoedd i gymryd rhan mewn dysgu mewn grwpiau bach ac mae gweithdai'n darparu profiadau ymarferol, gan roi cipolwg ymarferol ar gysyniadau a dulliau allweddol wrth eich cefnogi i wneud cysylltiadau rhwng damcaniaeth ac ymarfer mewn ffyrdd pleserus a dilys.  Mae amgylcheddau dysgu rhithwir yn darparu mynediad hyblyg at ddeunyddiau ac adnoddau. Mae cyfleoedd ar gyfer dysgu dan arweiniad annibynnol yn caniatáu ichi gymryd rhan mewn darllen ac ymchwil ychwanegol sy'n gysylltiedig â modiwlau ac yn darparu amser wedi'i ddyrannu i baratoi ar gyfer aseiniadau a'u cwblhau. Mae cyfleoedd a strategaethau wedi'u hymgorffori mewn modiwlau i'ch cefnogi i ddatblygu eich hunaniaeth broffesiynol, gan eich grymuso i lunio'ch gyrfa barhaus yn weithredol. 

Mae dau leoliad gwaith sydd wedi'u hymgorffori yn y rhaglen ac amrywiaeth o deithiau maes yn rhoi cipolwg ymarferol ar yrfaoedd o fewn a thu allan i addysg gynradd. Mae pob myfyriwr yn cael profiadau dysgu dan do ac yn yr awyr agored trwy dreulio amser mewn ystafelloedd dosbarth a mannau arbenigol, gan gynnwys Canolfan Ddysgu Awyr Agored y brifysgol a Thŷ Froebel.

Mae ein dulliau addysgu a dysgu yn ymgorffori sgiliau 'EDGE' (Moesegol, Byd-eang, Digidol ac Entrepreneuraidd) Met Caerdydd a bydd gennych chi’r gall i ddangos y priodoleddau graddedig a ddisgwylir gennych mewn byd gwaith cynyddol gystadleuol. Ein nod yw eich helpu chi i ddatblygu'n weithwyr proffesiynol myfyriol ac yn ysgolheigion beirniadol.

Mae gan dîm y cwrs ystod eang o ddiddordebau ymchwil gan gynnwys addysg awyr agored, celfyddydau mynegiannol, addysgeg, datblygu cwricwlwm, chwaraeon mewn addysg, cydweithio rhyngwladol, technolegau o fewn addysg, addysg gymharol, addysg ecolegol, hawliau plant, hunaniaethau plentyndod, a bywydau a phrofiadau plant agored i niwed ac sydd wedi'u hymylu. Mae ein hymchwil yn sail i ac yn llunio profiadau ar y radd Addysg Gynradd, gan arwain at gynnwys a phrofiadau'r modiwlau yn cael eu llywio gan feddwl ac ymchwil gyfoes.

Caiff addysg cyfrwng Cymraeg ei hwyluso lle bynnag y bo modd i alluogi pob myfyriwr i ddefnyddio'r iaith Gymraeg i gyd-fynd â'u lefel o hyder a gallu. Gall myfyrwyr hefyd ddewis bod yn rhan o grŵp tiwtor iaith Gymraeg.

Darperir cefnogaeth fugeiliol a thiwtorial a'i hintegreiddio drwy gydol darpariaeth y cwrs. Mae gan bob myfyriwr diwtor personol, ac mae gan bob lefel astudio Diwtor Blwyddyn penodedig.  

Rydym wedi ymrwymo i arferion asesu arloesol sy'n cyd-fynd â chanlyniadau dysgu a nodwyd ar gyfer eich modiwl a'ch gradd. Rydym yn defnyddio amrywiaeth eang o ddulliau asesu, gan roi pwyslais ar eu dilysrwydd a rhoi cyfleoedd i chi fyfyrio, gwneud dewisiadau, datrys problemau, bod yn greadigol a gweithio ar y cyd â rhanddeiliaid.

Mae asesiadau'n cynnwys aseiniadau ymarferol, gwaith ysgrifenedig, portffolios, gwahanol fathau o gyflwyniadau, a phrosiectau. Mae'r cwrs hefyd yn defnyddio llwyfannau ar-lein (e.e. blogiau, fideo-gynadledda, fforymau) i wella eich profiadau dysgu ymhellach.

Yn eich blwyddyn olaf, byddwch yn cwblhau prosiect annibynnol, gan roi cyfle i chi gymhwyso eich diddordebau a'ch sgiliau personol yng nghyd-destun prosiect o'ch dyluniad eich hun. Gall y prosiect annibynnol fod ar ffurf un o'r canlynol:

• Adroddiad gwerthuso yn seiliedig ar faes ymchwil a ddewiswyd.
• Allbwn creadigol sy'n cynnwys integreiddio sgiliau/gwybodaeth arbenigol (e.e. cerddoriaeth, celf, drama, chwaraeon)
• Datblygu a gweithredu Prosiect Menter (e.e. prosiect cymunedol, menter ymgysylltu â theuluoedd, prosiect sy'n seiliedig ar dechnoleg)

Byddwch yn derbyn cefnogaeth ar gyfer asesu mewn amrywiaeth o ffyrdd, gan gynnwys asesu ffurfiannol ar gyfer gwaith sydd ar y gweill, asesu gan gymheiriaid yn y dosbarth, ac adborth ymlaen llaw gyda'r bwriad o'ch helpu mewn asesiadau yn y dyfodol. Mae cymorth ar gyfer asesiadau ar gael hefyd gan y Gwasanaethau Llyfrgell a Gwybodaeth.

Mae'r radd Astudiaethau Addysg Gynradd wedi'i chynllunio i'ch cefnogi wrth ddilyn gyrfa ym maes addysg gynradd, gan gynnwys ond heb fod yn gyfyngedig i addysgu. Yn ystod eich astudiaethau, byddwch yn cael eich cyflwyno i amrywiaeth o lwybrau gyrfa, gan gynnwys swyddi mewn darpariaeth AAA, swyddi yn y trydydd sector, darpariaeth dysgu awyr agored, addysg gymunedol ac amgen, addysg a gofal blynyddoedd cynnar, a Swyddogion Llesiant Addysg, gyda thîm y rhaglen yn defnyddio eu cysylltiadau eang â rhanddeiliaid.

Mae dau leoliad gwaith yn rhoi cyfleoedd i chi ennill profiad mewn amgylcheddau proffesiynol ac yn creu cyfleoedd i chi ddangos sgiliau mewn entrepreneuriaeth, arweinyddiaeth a rheolaeth wrth i chi ddatblygu ffyrdd o fynd i'r afael â materion, heriau a meysydd datblygu'r byd go iawn mewn polisi, ymarfer a darpariaeth. Mae'r cyfleoedd hyn, ynghyd â chynnwys y cwrs, yn eich annog i ystyried a bod yn rhagweithiol yn eich cynllunio gyrfa.

Mae ehangder y ffocws o fewn y rhaglen a'n hymrwymiad i ddatblygu eich sgiliau cyflogadwyedd yn creu cyfle i chi ddatblygu proffil proffesiynol fel rhan o'ch astudiaethau, gan eich galluogi i nodi a chymhwyso'r wybodaeth, y sgiliau a'r profiadau a gafwyd o'ch gradd, gan eu defnyddio fel sylfaen ar gyfer astudiaeth bellach, hyfforddiant neu gyflogaeth/hunangyflogaeth yn y dyfodol.

Bydd y cwrs hwn yn eich cefnogi i ddilyn gyrfaoedd mewn amrywiaeth o farchnadoedd swyddi a diwydiannau, gan gynnwys:

• Addysg gynradd
• Swyddi’r trydydd sector
• Addysg gymunedol
• Y Cyfryngau a gwasanaethau cyfathrebu
• Cyhoeddi
• Iechyd a llesiant
• Gweinyddiaeth y llywodraeth
• Y celfyddydau
• Twristiaeth a hamdden

Gallwch hefyd ddewis gwneud cais i astudio ym Met Caerdydd ar lefel ôl-raddedig ar ein cyrsiau MA, MPhil a PhD.

Noder: Nid yw'r radd israddedig hon yn dyfarnu 'Statws Athro Cymwysedig' (SAC).

Dilyniant i Hyfforddiant Athrawon TAR

Rydym yn falch o warantu cyfweliad ar gyfer y Cwrs Cynradd TAR ym Met Caerdydd ar gyfer holl raddedigion y rhaglen hon (ar yr amod bod y cwrs ar agor gydag UCAS). Mae angen dosbarthiad gradd Anrhydedd o 2:2 neu'n uwch ar hyn o bryd, a rhaid cwrdd â'r gofynion mynediad statudol ar gyfer hyfforddiant yng Nghymru (gan gynnwys gradd C / gradd 4 neu gyfwerth mewn TGAU ar gyfer Saesneg Iaith neu Cymraeg Iaith Gyntaf, Mathemateg neu Mathamateg - Rhifedd a Gwyddoniaeth)​.

Cynigion Nodweddiadol

• Pwyntiau tariff: 104
• Cynnig cyd-destunol: Gweler ein tudalen cynigion cyd-destunol.
• TGAU: Yn ddelfrydol, pum TGAU ar Radd C / 4 neu uwch, gan gynnwys Saesneg Iaith / Cymraeg Iaith Gyntaf a Mathemateg / Mathemateg – Rhifedd
• Gofyniad Iaith Saesneg: IELTS Academaidd 6.0 yn gyffredinol gydag o leiaf 5.5 ym mhob elfen, neu gyfwerth.
• Pynciau Safon Uwch: O leiaf tair Safon Uwch i gynnwys Graddau CCC. Does dim angen pynciau penodol. Ystyrir Bagloriaeth Sgiliau Uwch Cymru fel trydydd pwnc.
• Diploma Cenedlaethol BTEC / Diploma Estynedig Technegol Caergrawnt: MMM
• Lefel T: Teilyngdod.
• Diploma Mynediad i Addysg Uwch: Does dim angen pynciau penodol.
• Diploma Bagloriaeth Ryngwladol (IB): Does dim angen pynciau penodol.
• Tystysgrif Gadael Iwerddon: 2 x H2. Does dim angen pynciau penodol. Ystyrir pynciau lefel uwch yn unig gydag isafswm gradd H4.
• Advanced Highers yr Alban: Graddau DD. Does dim angen pynciau penodol. Ystyrir Highers yr Alban hefyd, naill ai ar eu pennau eu hunain neu ar y cyd ag Advanced Highers.
• Gofynion eraill: Gwiriad DBS.

Derbynnir cyfuniadau o’r cymwysterau uchod os ydyn nhw’n cwrdd â’n gofynion lleiaf. Os nad yw eich cymwysterau wedi’u rhestru, cysylltwch â Derbyniadau neu cyfeiriwch at Chwiliad Cwrs UCAS.

Mae rhagor o wybodaeth ar gymwysterau Tramor i’w gweld yma.

Os ydych yn ymgeisydd hŷn, mae gennych brofiad perthnasol neu RPL yr hoffech i ni ei ystyried, cysylltwch â Derbyniadau.

Sut i Ymgeisio

Mae rhagor o wybodaeth ar sut i ymgeisio i’w gweld yma.

Os oes gennych ymholiadau cyffredinol, cysylltwch â'r Tîm Derbyniadau ar 029 2041 6044 neu e-bostiwch holiderbyniadau@metcaerdydd.ac.uk.

Os oes gennych ymholiadau penodol am gwrs, cysylltwch â Sian Sarwar:

• E-bost: ssarwar@cardiffmet.ac.uk
• Ffôn: 029 2020 5599