Canolfan ar gyfer Gwyddor a Meddygaeth Chwaraeon Cymhwysol

Mae'r Grŵp Ymchwil Datblygiad Corfforol Pobl Ifanc yn dwyn ynghyd grŵp mawr o ymchwilwyr, hyfforddwyr a myfyrwyr ôl-raddedig i gynhyrchu ymchwil o ansawdd uchel sy'n archwilio datblygiad athletaidd hirdymor ymhlith plant a phobl ifanc.

Mae'n canolbwyntio ar dri maes ymchwil ac arloesi:

• Archwilio a gwella ffitrwydd corfforol
• Lleihau'r risg o anaf
• Gwella iechyd a lles

Mae'r grŵp ymchwil yn gweithio ochr yn ochr â'r Ganolfan Datblygiad Corfforol Pobl Ifanc, sy'n cynnig cefnogaeth cryfder a chyflyru ar ôl yr ysgol i oddeutu 200 o blant sy'n ymwneud â chwaraeon ieuenctid neu sy'n syml eisiau gwella eu hiechyd a'u ffitrwydd.

Gyda 12 aelod o staff academaidd, staff technegol ychwanegol a myfyrwyr ymchwil ôl-raddedig, y Grŵp Ymchwil Dadansoddi Perfformiad Chwaraeon yw'r mwyaf o'i fath yn y DU.

Mae diddordebau ymchwil y grŵp yn cynnwys:

• dadansoddi’r risgiau o anafiadau
• gwneud penderfyniadau, momentwm, dadansoddi technegau
• tactegau a dadansoddi cyfraddau gwaith
• effeithiolrwydd cefnogaeth dadansoddi perfformiad yn ymarferol
• dadansoddi perfformiad mewn cyd-destunau cyfryngau a beirniadu
• problemau mesur ym maes perfformiad chwaraeon
• ymarfer proffesiynol mewn dadansoddi perfformiad chwaraeon

Mae'r grŵp yn cynnig cyfleoedd i fyfyrwyr israddedig ar y radd BSc (Anrh) Dadansoddi Perfformiad Chwaraeon i ennill profiad ymarferol, yn y byd go iawn.

Y tu allan i Brifysgol Met Caerdydd, mae'r grŵp yn darparu ystod o wasanaethau ymgynghori ar gyfer timau chwaraeon lleol sy'n awyddus i wella eu perfformiad. Cysylltwch â Dr Gemma Robinson i gael gwybod mwy.

Mae aelodau'r grŵp hefyd ar fwrdd golygyddol y Cyfnodolyn Rhyngwladol Dadansoddi Perfformiad Chwaraeon, gyda Dr Gemma Robinson wedi'i phenodi'n Olygydd Cyswllt yn ddiweddar.

Mae'r Grŵp Ymchwil ac Arloesi Gwyddor Chwaraeon Perfformiad Uchel yn cynnwys ymchwilwyr, ymarferwyr a myfyrwyr ôl-raddedig o ystod amrywiol o ddisgyblaethau chwaraeon, gan gynnwys ffisioleg, biomecaneg a seicoleg.

Nod y grŵp yw gwella sut mae athletwyr yn hyfforddi ac yn perfformio mewn chwaraeon elitaidd, ym Met Caerdydd ac o gwmpas y byd.

Mae'r cyfleuster blaenllaw hwn yn gartref i bum labordy cyfrifiaduron sydd â systemau Cyfrifiaduron Personol a Chyfrifaduron Mac perfformiad uchel ac offer golygu fideo uwch.

Mae campws Cyncoed hefyd yn cynnwys rhwydwaith camerâu IP dan do ac awyr agored sy'n dal athletwyr yn symud, gan gynnig golwg agosach ar eu perfformiad. Wedi'i reoli gan fyfyrwyr yn y labordy, mae'r rhwydwaith camerâu cymhleth hwn yn brin ymhlith sefydliadau chwaraeon a hyd yn oed yn fwy prin ymhlith prifysgolion.

Yn cynnwys dau labordy addysgu sydd wedi'u cyfarparu â’r offer sydd eu hangen i gynnal asesiadau penodol i chwaraeon – gan gynnwys rhedeg, beicio, nofio a rhwyfo – mae'r labordy hwn yn darparu profiad ymarferol gydag offer gwyddor chwaraeon arbenigol i wella dysgu ymarferol.

Mae'r cyfleuster ymchwil arloesol hwn yn cynnig y dechnoleg ddiweddaraf, gan gynnwys gofod labordy pwrpasol, dwy ardal casglu data ac ystafell ddadansoddi hybrid sy'n cefnogi ymchwil gwyddor chwaraeon uwch.

Mae'r gampfa hon yn cynnwys 14 platfform codi pwysau gyda raciau cyrcydu integredig, sy'n caniatáu i fyfyrwyr ymarfer amrywiaeth o godiadau allweddol a gwella eu sgiliau hyfforddi.

Mae gan y gofod hwn un adran wedi'i chyfarparu ar gyfer datblygu cryfder corff uchaf gyda meinciau a raciau codi pwysau, ac un arall wedi'i ddynodi ar gyfer sesiynau ymarferol cynhesu ac adsefydlu.