Myfyrwyr Met Caerdydd 2025 yn dathlu graddio yng Nghanolfan Mileniwm Cymru

Yr wythnos hon, bydd myfyrwyr o Brifysgol Metropolitan Caerdydd yn graddio yng Nghanolfan Mileniwm Cymru.

Bydd dros 3,200 o fyfyrwyr o fwy na 90 o wledydd yn mynychu seremonïau graddio Gorffennaf sy'n cael eu cynnal o ddydd Llun 14 Gorffennaf tan ddydd Iau 17 Gorffennaf.

Dywedodd yr Athro Rachael Langford, Is-Ganghellor a Llywydd Met Caerdydd: “Mae’r wythnos raddio yn foment pwysig yng nghalendr ein Prifysgol - amser arbennig i ddathlu cyflawniadau ein myfyrwyr. Mae'n gyfle i ni groesawu graddedigion, ynghyd â'u teuluoedd, ffrindiau a'u cefnogwyr sydd wedi bod wrth eu hochr drwy gydol eu taith academaidd.

“Ar ran cymuned gyfan y Brifysgol, rydym yn estyn llongyfarchiadau o waelod calon i bawb sy'n graddio'r wythnos hon. Mae eich llwyddiant yn ganlyniad i’r blynyddoedd o ymroddiad a dyfalbarhad, ac rydym yn hynod falch. Wrth i chi gamu i'r bennod newydd gyffrous hon, dymunwn bob llwyddiant i chi ac edrychwn ymlaen at eich croesawu i’n teulu o gyn-fyfyrwyr Met Caerdydd. “

Mae seremonïau graddio Met Caerdydd ym mis Gorffennaf yn dod â myfyrwyr israddedig ac ôl-raddedig o'r DU a thramor at ei gilydd, o bob un o'r pum Ysgol academaidd (Ysgol Celf a Dylunio, Ysgol Addysg a Pholisi Cymdeithasol, Ysgol Reoli, Ysgol Chwaraeon a Gwyddorau Iechyd, a'r Ysgol Dechnolegau) yn graddio gyda graddau a gwobrau o’r 299 rhaglen astudio israddedig ac ôl-raddedig y Brifysgol.

Mae rhagor o wybodaeth am wythnos raddio ar gael ar wefan Met Caerdydd.