Cynllunio eich Treuliau
Mae cynllunio eich cyllid yn rhan bwysig o baratoi ar gyfer bywyd prifysgol. Mae'r canllaw hwn yn rhoi trosolwg o gostau byw cyfartalog i helpu myfyrwyr newydd i amcangyfrif eu treuliau a chreu cyllideb realistig ar gyfer eu hamser yn y brifysgol.
Rydym yn cynghori pob myfyriwr i gynllunio ar gyfer eu costau disgwyliedig eu hunain, a sicrhau bod ganddynt ddigon o arian i dalu eu costau byw. Am ragor o wybodaeth neu gyngor ar gostau byw yng Nghaerdydd a chyllidebu ar gyfer bywyd myfyrwyr, cysylltwch â'r tîm cyngor ariannol drwy moneyadvice@cardiffmet.ac.uk
Treth y Cyngor
Mae myfyrwyr llawn amser mewn Addysg Uwch wedi'u heithrio rhag talu Treth y Cyngor. Os ydych chi'n byw gyda rhywun sy'n gymwys i dalu Treth y Cyngor, bydd eich Cyngor lleol yn cadarnhau'r taliadau blynyddol sy'n berthnasol.
Enghreifftiau o gostau amcangyfrifedig
Defnyddiwyd amcangyfrifon cenedlaethol a lleol yn yr enghreifftiau darluniadol isod i'ch helpu i gynllunio'ch costau amcangyfrifedig fel myfyriwr israddedig ar gyfer blwyddyn academaidd 2025/26.
Dylid defnyddio'r ffigurau a ddarperir fel canllaw i'ch helpu i gynllunio'ch cyllideb bersonol eich hun, yn seiliedig ar amcangyfrifon cenedlaethol a lleol. Bydd eich costau yn dibynnu ar y math o lety a ddewiswch, i ba raddau y byddwch yn dibynnu ar drafnidiaeth, a faint a ble rydych yn bwriadu cymdeithasu tra yn y brifysgol.
| Math o lety | Tâl misol arferol | Hyd daliadaeth arferol | Cost dros hyd y ddaliadaeth |
|---|---|---|---|
|
Neuaddau Met Caerdydd - arlwyo [1] |
£988.00 | 42 wythnos | £9,576.00 |
|
Neuaddau Met Caerdydd – hunanarlwyo [2] |
£879.67 | 42 wythnos | £8,526.00 |
|
Neuaddau preifat eraill (ystod is) [3] |
£693.33 | 44 wythnos | £7,040.00 |
|
Neuaddau preifat eraill (ystod uwch) [4] |
£1,382.33 | 51 wythnos | £16,269.00 |
|
Rhannu tŷ preifat gan gynnwys biliau [5] |
£650.00 | 51 wythnos | £7,800.00 |
| Costau 'hanfodol' eraill* | Cost fisol arferol | Cost Flynyddol (yn seiliedig ar 39 wythnos) |
|---|---|---|
|
Teithio o gwmpas Caerdydd [6] |
£50.00 |
£500.00 |
|
Ffôn symudol – ystod is [7] |
£16.00 |
£160.00 |
|
Bwydydd a nwyddau ymolchi [7] |
£144.00 |
£1,440.00 |
|
Argraffu a deunyddiau cwrs [8] |
£42.00 |
£420.00 |
|
Trwydded deledu [9] |
£14.54 |
£174.50 |
|
Golchi Dillad [10] |
£28.00 |
£273.00 |
|
Costau 'anhanfodol'* |
Cost fisol arferol |
Cost Flynyddol (yn seiliedig ar 39 wythnos) |
|
Tanysgrifiadau – ystod is (fesul tanysgrifiad) [11] |
£9.99 |
£99.90 |
|
Cymdeithasu yng Nghaerdydd [7] |
£51.00 |
£1,989.00 |
|
Bwyd o siopau cludfwyd a bwyta allan [7] |
£48.00 |
£480.00 |
|
Gwyliau a digwyddiadau [7] |
£29.00 |
£290.00 |
- Costau ar gyfer Neuaddau Met Caerdydd – yn seiliedig ar ystafell arlwyo ‘classic’ (contract 42 wythnos)
- Costau ar gyfer Neuaddau Met Caerdydd - yn seiliedig ar ystafell hunanarlwyo en-suite ‘premium’ (contract 42 wythnos).
- Yn seiliedig ar ystafell hunanarlwyo ‘classic’yn Blackweir Lodge. Gall ffioedd, symiau blaendal a hyd gontractau amrywio'n sylweddol rhwng darparwyr llety preifat. Costau enghreifftiol yn unig yw'r rhain: cyfeiriwch at wefan y darparwr neuaddau preifat am y ffigurau cywir.
- Yn seiliedig ar ystafell en-suite ‘platinwm’ glyd (hunanarlwyo ar gyfer un person) yn Bridge Street Exchange. Gall ffioedd, symiau blaendal a hyd gontractau amrywio'n sylweddol rhwng darparwyr llety preifat. Costau enghreifftiol yn unig yw'r rhain: cyfeiriwch at wefan y darparwr neuaddau preifat am y ffigurau cywir.
- Yn seiliedig ar rent rhannu tŷ amcangyfrifedig arferol, yn ogystal â £100 y mis ar gyfer biliau – gall ffioedd amrywio
- Yn seiliedig ar wybodaeth gan BwsCaerdydd, y tocynnau Metwibiwr sydd ar gael ac adborth gan fyfyrwyr. Rydym yn argymell yn gryf bod myfyrwyr yn defnyddio trafnidiaeth gyhoeddus lle bynnag y bo modd yn hytrach na mynd â cheir i'r brifysgol. I fyfyrwyr sy'n byw y tu allan i Gaerdydd ac sy'n bwriadu teithio i Gaerdydd, mae rhagor o fanylion am gysylltiadau trafnidiaeth leol ar gael ar wefannau National Rail, National Express a BwsCaerdydd.
- Yn seiliedig ar yr Arolwg Arian Cenedlaethol o Fyfyrwyr diweddaraf ar gyfer 2025 a gyhoeddwyd gan Save the Student
- Gall costau argraffu a deunyddiau cwrs amrywio – bydd eich Cyfarwyddwr Rhaglen a gwybodaeth am eich cwrs yn cadarnhau a oes angen prynu unrhyw beth. Mae ein canolfannau dysgu wedi'u stocio'n llawn gyda llyfrau a chyfnodolion, felly rydym yn cynghori peidio â phrynu deunyddiau ymlaen llaw oni bai eu bod yn cael eu hystyried yn hanfodol. Efallai y byddwch chi'n gallu prynu eitemau hanfodol am gost is trwy brynu rhai ail law.
- Y gost lawn flynyddol ar gyfer 2025 yw £174.50 – dysgwch fwy am drwydded teledu i fyfyrwyr ar wefan Trwydded Teledu. Gellir talu'r ffi yn fisol gyda 6 rhandaliad o £29.10 yna taliadau o £14.54 y mis.
- Yn seiliedig ar un llwyth golchi a sychu yr wythnos yng ngolchdy Neuaddau Cyncoed