Economeg a Chyllid - Gradd BA (Anrh)

Gellir astudio’r radd hon fel gradd amser llawn tair blynedd neu radd pedair blynedd sy’n cynnwys blwyddyn o astudio sylfaenol. Bwriad ein blwyddyn sylfaen yw eich paratoi ar gyfer eich blynyddoedd dilynol o astudio, gan gynnig cyfle i chi gryfhau eich sgiliau, eich gwybodaeth a’ch hyder.

Bydd y flwyddyn sylfaen yn berthnasol i:

1. Myfyrwyr nad ydynt wedi cael y nifer gofynnol o bwyntiau Safon Uwch (neu gyfwerth) i ddechrau ar flwyddyn gyntaf y rhaglen radd.
2. Myfyrwyr hŷn sydd wedi bod allan o’r system addysg ffurfiol ers peth amser.

Darganfyddwch fwy am y flwyddyn sylfaen.

Nodwch: Bydd angen i chi wneud cais gan ddefnyddio cod UCAS penodol os ydych yn dymuno ymgymryd â’r 4 blynedd gan gynnwys sylfaen.

Blwyddyn Un (Lefel 4)

Yn eich blwyddyn gyntaf, mae pob un o’r chwe modiwl (120 credyd) yn orfodol ac wedi’u cynllunio i roi cyflwyniad cadarn i chi i Economeg a Chyllid.

Addysgir yr holl fodiwlau yn Saesneg a gellir astudio nifer o fodiwlau drwy gyfrwng y Gymraeg. Nodir y rhain isod gyda seren (*).

Modiwlau gorfodol (20 credyd yr un)

• Gwasanaethau Ariannol Byd-eang*
• Yr Economi: Microeconomeg
• Syniadau Economaidd trwy’r Oesoedd
• Yr Economi: Macroeconomeg
• Dulliau Meintiol ar gyfer Dadansoddi Data
• Rheoli Arian yn Gynaliadwy*

Blwyddyn Dau (Lefel 5)

Yn eich ail flwyddyn, mae pum modiwl (100 credyd) yn orfodol, a byddwch yn dewis un modiwl dewisol (20 credyd).

Modiwlau gorfodol (20 credyd yr un)

• Dulliau Meintiol Canolradd
• Theori Micro-economaidd Ganolradd
• Gwaith trwy Brofiad neu Gyfleoedd Gwirfoddoli*
• Macroeconomeg Canolradd
• Arian a Marchnadoedd

Dewiswch UN modiwl dewisol (20 credyd yr un)

• Cyfrifo ar gyfer Rheolwyr Cyfrifol*
• Theori Gemau a Gwybodaeth
• Rheolaeth Ariannol

Blwyddyn mewn Diwydiant

Mae gennych yr opsiwn i dreulio blwyddyn mewn diwydiant ar leoliad gwaith ar ôl cwblhau eich ail flwyddyn o astudio yn llwyddiannus. Mae gennym dîm lleoliad gwaith pwrpasol i’ch cefnogi i sicrhau lleoliad. Gall lleoliad blwyddyn o hyd roi hwb i’ch rhagolygon gyrfa a rhoi mantais i chi wrth wneud cais am swyddi ar ôl graddio.

Blwyddyn Tri (Lefel 6)

Yn eich trydedd flwyddyn, mae pedwar modiwl (80 credyd) yn orfodol, a byddwch yn dewis dau fodiwl dewisol (40 credyd).

Modiwlau gorfodol (20 credyd yr un)

• Macroeconomeg: Theori a Chymhwysiad
• Rheoli Buddsoddi
• Economeg Llafur ac Economeg Iechyd
• Cyllid Cyfoes*

Dewiswch DAU fodiwl dewisol (20 credyd yr un)

• Econometreg
• Rheolaeth Ariannol Uwch
• Marchnadoedd Cyfalaf a Deilliadau
• Economeg Ymddygiadol
• Economeg Ariannol
• Strategaeth Weithredu*
• Profiad Gwaith Diwydiannol ^

Bydd modiwlau dewisol ar gael yn amodol ar alw ac argaeledd.

^ Os ydych yn cymryd lleoliad gwaith blwyddyn o hyd yn y diwydiant rhwng blwyddyn dau a thri, mae gennych yr opsiwn i ddewis ‘Profiad Gwaith Diwydiannol’ fel eich modiwl dewisol. Os na, dewiswch fodiwl dewisol arall.

Cewch eich addysgu drwy gyfuniad o ddarlithoedd, seminarau a gweithdai ymarferol. Byddwch hefyd yn gwella eich gwybodaeth a’ch dealltwriaeth a ddatblygwyd yn ystod darlithoedd trwy astudiaeth annibynnol dan arweiniad.

Bydd cyfleoedd i roi theori ar waith trwy astudiaethau achos bywyd go iawn a lleoliadau gwaith yn eich helpu i drosi gwybodaeth academaidd yn sgiliau a phrofiadau byd go iawn ymarferol i’ch paratoi ar gyfer gyrfa neu astudiaeth bellach mewn Economeg a Chyllid.

Mae cynllunio datblygiad personol hefyd wedi’i ymgorffori yn y radd i ddatblygu a hyrwyddo sgiliau astudio craidd, ac ymagwedd fyfyriol at ddysgu.

Cefnogir pob modiwl trwy Moodle, yr amgylchedd dysgu rhithwir. Mae rhestrau darllen ar gael trwy Leganto.

Cewch eich asesu trwy arholiadau (wedi’u gweld ymlaen llaw neu beidio, llyfr agored, traethodau/atebion byr), profion dosbarth, asesiadau ymarferol, cyflwyniadau (unigol neu grŵp), dadleuon, gwaith cwrs ysgrifenedig, megis adroddiadau unigol neu grŵp.

Mae economegwyr sydd â gwybodaeth ariannol arbenigol yn cael eu gwerthfawrogi’n fawr ym marchnad swyddi heddiw.

Gyda’n gradd Economeg a Chyllid, byddwch wedi’ch paratoi ar gyfer gyrfaoedd mewn buddsoddi, gwasanaethau ariannol, polisi llywodraeth, ymgynghoriaeth a meysydd sy’n tyfu’n gyflym fel FinTech a chynaliadwyedd.

Mae symud ymlaen i astudio ar lefel ôl-raddedig o fewn Ysgol Reoli Caerdydd hefyd yn opsiwn.

Mae profiad byd go iawn wedi’i gynnwys yn y radd trwy dasgau ac asesiadau sy’n efelychu senarios byd go iawn. Manteisiwch ar ein cysylltiadau helaeth â diwydiant drwy ddarlithoedd gwadd gan arbenigwyr yn y diwydiant, teithiau maes a’r cyfle i astudio dramor.

Dysgwch gan ein heconomegwyr a’n darlithwyr arbenigol ariannol yn Ysgol Reoli Caerdydd, sydd nid yn unig yn feddylwyr academaidd ac yn ymchwilwyr gweithgar, ond yn weithwyr proffesiynol sy’n rhannu eu profiad eu hunain yn y diwydiant. Hefyd, bydd gennych sesiynau wythnosol gyda’ch Tiwtor Blwyddyn i’ch helpu i ddatblygu sgiliau cyflogadwyedd a phroffesiynol, yn ogystal â’r rhwydweithiau sydd eu hangen ar gyfer gyrfa lwyddiannus.

Byddwch yn cael y cyfle i ennill profiad gwaith gwerthfawr trwy fodiwl cyfleoedd profiad gwaith gorfodol yn eich ail flwyddyn, rydym hefyd yn cynnig blwyddyn mewn diwydiant rhwng blwyddyn dau a’r flwyddyn olaf i hybu eich cyflogadwyedd.

Cynigion Nodweddiadol

Mae’r gofynion canlynol yn seiliedig ar gynigion nodweddiadol sy’n berthnasol i ddechrau ar flwyddyn 1 y radd.

Os nad ydych yn bodloni’r gofyniad mynediad uchod, rydym hefyd yn cynnig Flwyddyn Sylfaen sy’n caniatáu gwneud cynnydd i Flwyddyn 1.

• Pwyntiau tariff: 112
• Cynnig cyd-destunol: Gweler ein tudalen cynigion cyd-destunol.
• TGAU: Pum TGAU ar Radd C / 4 neu uwch, gan gynnwys Iaith Saesneg / Cymraeg Iaith Gyntaf a Mathemateg / Mathemateg – Rhifedd.
• Gofyniad Iaith Saesneg: IELTS Academaidd 6.0 yn gyffredinol gydag o leiaf 5.5 ym mhob elfen, neu gyfwerth.
• Pynciau Safon Uwch: O leiaf tair Safon Uwch i gynnwys Graddau CCC. Does dim angen pynciau penodol. Ystyrir Bagloriaeth Sgiliau Uwch Cymru fel trydydd pwnc.
• Diploma Cenedlaethol BTEC / Diploma Estynedig Technegol Caergrawnt: DMM
• Lefel T: Teilyngdod.
• Diploma Mynediad i Addysg Uwch: Does dim angen pynciau penodol.
• Diploma Bagloriaeth Ryngwladol (IB): 2 x H5. Does dim angen pynciau penodol.
• Tystysgrif Gadael Iwerddon: 2 x gradd H2. Does dim angen pynciau penodol. Ystyrir pynciau lefel uwch yn unig gydag isafswm gradd H4.
• Advanced Highers yr Alban: Graddau DD. Does dim angen pynciau penodol. Ystyrir Highers yr Alban hefyd, naill ai ar eu pennau eu hunain neu ar y cyd ag Advanced Highers.

Derbynnir cyfuniadau o’r cymwysterau uchod os ydyn nhw’n cwrdd â’n gofynion lleiaf. Os nad yw eich cymwysterau wedi’u rhestru, cysylltwch â Derbyniadau neu cyfeiriwch at Chwiliad Cwrs UCAS.

Mae rhagor o wybodaeth ar gymwysterau Tramor i’w gweld yma.

Os ydych yn ymgeisydd hŷn, mae gennych brofiad perthnasol neu RPL yr hoffech i ni ei ystyried, cysylltwch â Derbyniadau.

Sut i Ymgeisio

Mae rhagor o wybodaeth ar sut i ymgeisio i’w gweld yma.

Ar gyfer ymholiadau cyffredinol, ffoniwch y Tîm Derbyniadau ar 029 2041 6044 neu e-bostiwch holiderbyniadau@metcaerdydd.ac.uk.

Ar gyfer ymholiadau am y cwrs yn benodol, cysylltwch â arweinydd y rhaglen, Dr Surraya Rowe.

• E-bost: srowe@cardiffmet.ac.uk