Hyb Deallusrwydd Artiffisial i Staff Met Caerdydd

Trosolwg

Mae Deallusrwydd Artiffisial (AI) yn trawsnewid sut mae prifysgolion yn addysgu, dysgu a gweithio. Ym Mhrifysgol Metropolitan Caerdydd, rydym wedi ymrwymo i gefnogi'r defnydd cyfrifol, moesegol a phwrpasol o ddeallusrwydd artiffisial ar draws ein cymuned.

Mae’r Hyb Deallusrwydd Artiffisial i Staff yn ofod mewnol ar gyfer arweiniad, offer a chyfleoedd datblygu proffesiynol sydd wedi'u cynllunio'n benodol ar gyfer cydweithwyr ym Met Caerdydd. Mae'n helpu staff i wneud penderfyniadau hyderus, gwybodus am Ddeallusrwydd Artiffisial ac yn sicrhau bod ei ddefnydd yn cyd-fynd â'n cenhadaeth, ein gwerthoedd a'n hymrwymiad i uniondeb academaidd.

Beth mae’r Hyb Deallusrwydd Artiffisial mewnol i Staff yn ei ddarparu

Bydd staff sy'n cyrchu'r hyb mewnol yn dod o hyd i’r canlynol:

• Canllawiau ymarferol ar ddefnyddio deallusrwydd artiffisial mewn gwaith o ddydd i ddydd, addysgu a dysgu, ymchwil, asesu a thasgau gweinyddol.
• Gwybodaeth am ddiogelu data, moeseg a defnydd cyfrifol, gan helpu cydweithwyr i lywio risgiau a chydymffurfio â safonau sefydliadol.
• Offer a chymwysiadau deallusrwydd artiffisial a gymeradwywyd gan Met Caerdydd, wedi'u nodi a'u hegluro'n glir.
• Hyfforddiant, deunyddiau dysgu a gweithdai, gan gynnwys modiwlau ar-lein, cyrsiau byr a chyfleoedd meithrin sgiliau.
• Astudiaethau achos ac enghreifftiau sy'n dangos sut mae cydweithwyr ar draws y Brifysgol yn defnyddio deallusrwydd artiffisial mewn modd effeithiol.
• Cyfle i staff gyfrannu awgrymiadau ac achosion defnydd, i helpu i ddatblygu llyfrgell fewnol o gynnwys defnyddiol.
• Cysylltiadau ag adnoddau allanol dibynadwy a mewnwelediadau sector, gan gadw'r wybodaeth ddiweddaraf i gydweithwyr â datblygiadau mewn deallusrwydd artiffisial mewn addysg uwch.

Cyrchu’r Hyb yn Llawn

Os ydych chi’n aelod o staff ym Met Caerdydd, gallwch archwilio’r casgliad llawn o ganllawiau, offer ac adnoddau drwy ymweld â'r Hyb Deallusrwydd Artiffisial i Staff.