Ar ôl i Chi Wneud Cais
Mae’r adran hon yn cynnwys gwybodaeth am sut y byddwn yn ystyried eich cais ar gyfer ein rhaglenni TAR a bydd hefyd yn rhoi syniad i chi o’r hyn a ddisgwylir gennych drwy’r broses.
Ar gyfer Llwybr Uwchradd TAR i SAC ar gyfer Gweithwyr Ysgol, a TAR/PCE Addysg a Hyfforddiant Ôl-orfodol, gweler y tudalennau perthnasol am wybodaeth.
Byddwn yn anfon diweddariadau pwysig atoch drwy e-bost ar hyd y flwyddyn i roi gwybod i chi am gynnydd eich cais.
Gwnewch yn siŵr bod y cyfeiriad e-bost a roddwyd gennych ar eich cais UCAS yn dal yn gywir. Os bydd eich manylion cyswllt yn newid, mae’n bwysig eich bod yn eu diweddaru gydag UCAS cyn gynted â phosibl er mwyn osgoi colli unrhyw wybodaeth allweddol.
Cofiwch wirio’ch mewnflwch yn rheolaidd – gan gynnwys eich ffolderi sothach neu sbam – a’n hychwanegu at eich rhestr o anfonwyr diogel neu hysbys.
Os oes gennych unrhyw gwestiynau neu os oes angen unrhyw wybodaeth bellach arnoch ar unrhyw adeg, cysylltwch â Derbyniadau ar 029 2041 6010 neu drwy e-bostio holiderbyniadau@metcaerdydd.ac.uk.
Ar ôl i chi gyflwyno'ch cais, byddwn yn ei asesu yn yr adran Derbyniadau ac yn sicrhau eich bod yn cwrdd â'r gofynion academaidd. Yna anfonir eich cais at y Cyfarwyddwr Rhaglen perthnasol ar gyfer y pwnc rydych chi'n gwneud cais amdano, fel y gallant adolygu eich cais gan gynnwys eich profiad gwaith a'ch datganiad personol.
Os ydych chi'n cwrdd â'r gofynion, bydd angen i chi ddod i gyfweliad i gael eich ystyried ar gyfer cynnig ar y rhaglen. Mae llawer o ddarparwyr yn derbyn nifer fawr o geisiadau ac felly ni allant gyfweld â phawb sy'n cwrdd â'r gofynion hanfodol. Yn yr achos hwn, rydym yn dewis ymgeiswyr ar gyfer cyfweliad gan ddefnyddio'r meini prawf academaidd ac anacademaidd.
Gallech gael eich gwahodd i gyfweliad gan bob un o’ch darparwyr hyfforddiant dewisol. Os cewch eich gwahodd i fwy nag un cyfweliad ar yr un diwrnod, cysylltwch â'r ail ddarparwr hyfforddiant i ofyn a ellir aildrefnu eich cyfweliad.
Gallwch ddod o hyd i wybodaeth ar sut i baratoi ar gyfer eich cyfweliad a pha sgiliau y mae angen i chi eu dangos ar dudalennau UCAS - Sut i Baratoi ar gyfer Cyfweliad.
- Fe'ch hysbysir drwy UCAS o'r dyddiad y cawsoch eich galw am gyfweliad. Bydd Met Caerdydd hefyd yn anfon e-bost atoch i’ch hysbysu o fanylion diwrnod y cyfweliad.
- Bydd eich cyfweliad yn cael ei gynnal trwy Dimau MS.
- Fech hysbysir trwy UCAS a Met Caerdydd o ganlyniad eich cyfweliad.
Yn dilyn eich cyfweliad, cewch eich hysbysu o benderfyniad trwy Hyfforddiant Athrawon UCAS a bydd Met Caerdydd hefyd yn anfon llythyr atoch.
Cynnig Amodol
Bydd pob cynnig a wneir ar gyfer rhaglenni TAR yn Amodol ac yn seiliedig ar brawf o gymwysterau a restrir yn ogystal â gwiriad DBS .
Os ydych chi'n dal i astudio ar gyfer eich gradd gyntaf, bydd y cynnig yn amodol ar i chi ennill y dosbarthiad Anrhydedd gofynnol. Os ydych chi'n ailsefyll unrhyw un o'r TGAU gofynnol, bydd rhain hefyd yn cael eu nodi fel amod i'r cynnig. O’u cwblhau, bydd angen i chi anfon prawf o'r cymwysterau hyn at Derbyniadau.
Os yw eich cynnig yn amodol ar y prawf cymwysterau yn unig, mae angen i chi ddangos y cymwysterau a nodir yn eich cais i derbyniadau. Gallwch wneud hyn trwy sganio'ch tystysgrifau a'u hanfon dros e-bost at offers@cardiffmet.ac.uk. Fel arall, gallwch alw heibio i'r i-Zone sydd wedi'i leoli yn y brif dderbynfa ar gampws Llandaf CF5 2YB neu gampws Cyncoed CF23 6XD. Er ein bod yn derbyn llungopïau o dystysgrifau, gallwn ofyn am y rhai gwreiddiol os nad yw'r rhain yn cael eu hystyried yn ddigonol.
Mae angen Tystysgrif DBS Uwch, a fydd hefyd yn amod o'ch cynnig, ar gyfer rhaglenni TAR Cynradd ac Uwchradd. Anfonir gwybodaeth am sut i gwblhau'r broses hon atoch dros e-bost. Syler y bydd y broses hon bellach yn broses electronig ar-lein ac na fydd angen llenwi ffurflenni papur. Am wybodaeth a chanllawiau pellach ar broses ymgeisio datgelu DBS, cyfeiriwch at ein tudalen we DBS.
Dim ond ar ôl i chi fodloni holl amodau eich cynnig y bydd eich lle yn cael ei gadarnhau, yn ddiamod.
Ar ôl i chi glywed oddi wrth eich holl ddewisiadau, rydym yn annog chi ymateb i'ch cynigion a chyn dyddiad cau UCAS ym Mehefin.
Yn anffodus, oherwydd niferoedd cyfyngedig, mae'n bosibl na fydd ymgeiswyr sy'n dewis y brifysgol fel eu dewis yswiriant yn sicr o gael lle.
Os derbyniwch eich cynnig ym Met Caerdydd, byddwn yn anfon gwybodaeth atoch yn ymwneud ag ymuno â'ch rhaglen ym mis Mai/Mehefin. Bydd hyn yn cynnwys gwybodaeth a ffurflenni i'w llenwi ar gyfer eich lleoliad cynradd.
Am ragor o wybodaeth a dyddiadau arholiadau cyfeiriwch at ein tudalen Arholiadau Cywerthedd.
Mae Prifysgol Metropolitan Caerdydd hefyd yn derbyn cymwysterau cywerthedd TGAU a enillwyd drwy arholiadau cywerthedd a gynhelir gan Brifysgol De Cymru. Ewch i wefan Prifysgol De Cymru i gael mwy o wybodaeth.
- Os ydych chi'n fyfyriwr o Gymru sydd am wneud cais am gyllid myfyrwyr, bydd angen i chi gofrestru gyda Chyllid Myfyrwyr Cymru - http://www.studentfinancewales.co.uk/. Argymhellir eich bod yn gwneud cais erbyn dechrau mis Mai i sicrhau eich bod yn derbyn eich rhandaliad cyntaf yn barod ar gyfer dechrau'r tymor.
- Os ydych chi'n fyfyriwr o Loegr sydd am wneud cais am gyllid myfyrwyr, cyfeiriwch at y wybodaeth ar wefan gov.uk ar y ddolen www.gov.uk/student-finance.
- Os ydych chi'n fyfyriwr o'r UE sydd am wneud cais am gyllid myfyrwyr i astudio ym Met Caerdydd, bydd angen i chi gofrestru gyda Chyllid Myfyrwyr ar wefan gov.uk - https://www.gov.uk/student-finance/ eu-students. Argymhellir eich bod yn gwneud cais erbyn dechrau mis Mai i sicrhau eich bod yn derbyn eich rhandaliad cyntaf yn barod ar gyfer dechrau'r tymor.
- Os ydych chi'n ymgeisydd o Ogledd Iwerddon sydd am wneud cais am gyllid myfyrwyr, cyfeiriwch at y wybodaeth ar http://www.studentfinanceni.co.uk/.
- Os ydych chi'n ymgeisydd o'r Alban sydd am wneud cais am gyllid myfyrwyr, cyfeiriwch at y wybodaeth ar http://www.saas.gov.uk/.
- I gael gwybodaeth am gymhellion ariannol a allai fod ar gael i chi, cyfeiriwch at http://www.education.gov.uk/.
Gwna’r Brifysgol bob ymdrech resymol i sicrhau bod y wybodaeth a ddarperir i ymgeiswyr am y rhaglenni a gynigir mor gywir a chyfredol â phosibl. Fodd bynnag, caiff rhaglenni astudio eu hadolygu'n barhaus ac mae'n ddigon posibl y bydd rhai newidiadau’n digwydd rhwng yr amser cyhoeddi a'r amser y bydd y myfyriwr yn cychwyn y rhaglen. Mae rhedeg rhaglenni Prifysgol hefyd yn ddibynnol ar niferoedd, h.y. mae angen i nifer penodol o fyfyrwyr ymgymryd â'r rhaglen er mwyn iddi fod yn hyfyw.
Pan wneir newidiadau neu pan fydd rhaglen yn dirwyn i ben, hysbysir ymgeiswyr o hyn cyn gynted â phosibl, cyn derbyn y cynnig o le, fel bod cyfle i ystyried rhaglen arall ym Met Caerdydd neu rywle arall. Os penderfynir dirwyn rhaglen i ben ar ôl i ymgeiswyr gael cynnig lle, bydd Derbyniadau yn gwneud pob ymdrech i gynnig dewisiadau eraill perthnasol a darparu cymorth i ymgeiswyr ddod o hyd i'r dewis arall hwnnw.
Os cynigir lle iddynt ar raglen y mae'r hyfywedd yn ansicr, ni fydd ymgeiswyr â chynigion diamod yn gallu cofrestru nes bod hyfywedd y cyfnod astudio a gynigir yn cael ei gadarnhau. Bydd ymgeiswyr yr effeithir arnynt yn derbyn diweddariadau a chadarnhad ynghylch pryd y gallant hunan-gofrestru.
I gael rhagor o wybodaeth am newidiadau i raglenni, cyfeiriwch at yr ymwadiad a gynhwysir yn y Llawlyfr Myfyrwyr y byddwch yn ei dderbyn fel rhan o'ch cyfarwyddiadau ymuno yn yr Haf.
Ewch i'n tudalen Telerau ac Amodau i gael gwybodaeth lawn.
Dolenni Defnyddiol
Cymorth ac arweiniad ar wasanaethau cynghori a llesiant myfyrwyr yn ogystal â gwasanaethau anabledd.
Os oes angen llety arnoch tra ar y TAR neu os ydych am gael rhestr o landlordiaid a argymhellir.
Discover Teaching
Gwybodaeth am lwybrau i addysgu yng Nghymru a dilyniant gyrfa ar ôl y TAR.
Inital Teacher Education Blog
Cewch y wybodaeth ddiweddaraf am yr hyn y mae'r adran yn ei wneud ar y blog a Twitter.