Athletau

Mae Met Caerdydd yn un o brifysgolion athletau gorau'r DU, sy’n gorffen ymhlith yn rheolaidd ymhlith y tri uchaf ym Mhencampwriaethau Athletau Dan Do ac Awyr Agored BUCS.

Fel athletwr sy’n fyfyriwr ym Met Caerdydd, byddwch yn rhan o'r unig raglen academaidd yn y DU sydd â mynediad at gyfleuster hyfforddi dan do ac awyr agored llawn, a mynediad at ystod o hyfforddwyr ar draws pob un o’r campau sy'n cynhyrchu athletwyr sy'n cynrychioli Gwledydd Cartref a Phrydain Fawr ar lefel grŵp oedran a lefel uwch.

Mae aelodaeth ar lefel clwb yn cynnwys aelodaeth o'r cyfleuster am y flwyddyn, crys ymarfer, mynediad i raglen gystadlu helaeth, gan gynnwys cyfres Grand Prix Met Caerdydd, Cynghrair XC Gwent,  Digwyddiad Deuol Dan Do, Varsity a chymhwysedd i gynrychioli Met Caerdydd ym 5 digwyddiad Pencampwriaeth BUCS sy’n cael eu cynnal drwy gydol y flwyddyn.

Mae'r clwb hefyd yn cynnal cynnig gweithgareddau hamdden, a gynhelir gan ein pwyllgor profiadol a chyfeillgar a'n hyfforddwyr sy’n fyfyrwyr, i'r rhai sy'n newydd neu'n dychwelyd i fyd athletau.

Cwrdd â'r Tîm

Mae ein Rhaglen Athletau yn cael ei harwain gan Bennaeth Athletau, Rhiannon Hawker, a'i chefnogi gan ein Cydlynydd Clybiau a Chystadlaethau, Emily Thomas.

Phil Warwicker, ein Prif Hyfforddwr Athetau i Blant, sy'n arwain ar gyflwyno'r Rhaglen i Blant a chlwb Saethwyr Caerdydd.

Yn ogystal, rydym yn gweithio gyda nifer o Hyfforddwyr Perfformiad dawnus ac angerddol sy'n darparu hyfforddiant i'n myfyrwyr drwy gydol eu hamser ym Met Caerdydd.  Mae’r tîm hefyd yn gweithio ochr yn ochr â phwyllgor clwb y myfyrwyr i sicrhau bod gan bob athletwr fynediad at gyfleoedd hyfforddi a chystadlu.

Dysgwch fwy am y Tîm Athletau 

Para-athletau ym Met Caerdydd

Mae Athletau Met Caerdydd wedi ymrwymo i gefnogi Para Chwaraeon, ac ymhlith ein cymuned o gyn-fyfyrwyr, mae Aled Davies a Harrison Walsh.  Mae ein darpariaeth perfformiad Para-athletau a chyfleoedd cystadlu wedi'i integreiddio'n llawn â’r rhaglen berfformiad ehangach, ac rydym yn ymdrechu i hwyluso cymaint o gyfleoedd cystadlu â phosibl a gymeradwywyd gan y WPA i athletwyr o fewn ein cystadlaethau ein hunain a Phencampwriaethau BUCS.

Rydym yn gweithio'n agos gyda grŵp o hyfforddwyr ac ymarferwyr sydd â gwybodaeth arbenigol am bara-athletau ac sy'n cefnogi athletwyr i gyfrannu at dimau BUCS tra hefyd yn targedu eu nodau penodol drwy gydol y tymor athletau ehangach.

Rhaglen Perfformiad Athletau

Mae gan Glwb Athletau Met Caerdydd hanes cyfoethog o lwyddiant ym Mhencapwriaety BUCS, ac yn ystod y blynyddoedd diwethaf, mae myfyrwyr presennol a chyn-fyfyrwyr wedi bod yn rhan o dimau a fu’n cystadlu ym Mhencampwriaethau Grwpiau Oedran, Ewrop a byd-eang.

Mae'r rhaglen perfformiad athletau yn cefnogi tua 30 o aelodau ein clwb sy'n cyflawni orau bob blwyddyn gydag ystod eang o wasanaethau perfformiad a gwyddor chwaraeon.

Mae athletwyr sy’n perfformio ar lefel uchel ym Met Caerdydd yn cael eu cefnogi i lwyddo ar y lefel uchaf posibl mewn camp penodol.  Mae'r gefnogaeth a ddarperir yn dibynnu ar lefel perfformiad yr athletwr, gydag athletwyr yn cael eu rhann i ddwy haen o gefnogaeth: Haen 1 – Llwybr Perfformiad ar y Cyd Met Caerdydd ac Athletau Cymru a Haen 2 – Llwybr Datblygu Perfformiad Met Caerdydd.

Yn ogystal ag elwa o fynediad at amseroedd hyfforddi unigryw ein cyfleusterau perfformio, mae aelodau'r rhaglen perfformiad yn derbyn cefnogaeth gwerth miloedd o bunnoedd, gan gynnwys cefnogaeth ac arweiniad yn y meysydd canlynol:

• Ffisiotherapi
• Therapi Meinwe Meddal
• Hyfforddi
• Cryfder a Chyflyru
• Dull o Fyw Athletwyr sy’n perfformio ar lefel uchel
• Ffisioleg
• Biomecaneg
• Seicoleg
• Maeth

Darllenwch y wybodaeth lawn am y rhaglen perfformiad athletau.

Digwyddiadau

Bob blwyddyn, mae Met Caerdydd yn cynnal cyfres o gystadlaethau dan do, ac mae gan ein haelodau fynediad rhad ac am ddim i bob un ohonynt.  Mae digwyddiadau Clasur y Nadolig a Grand Prix Non Thomas hefyd ymhlith y digwyddiadau dan do agored mwyaf blaenllaw a phoblogaidd yng nghalendr gemau'r DU bob blwyddyn.

• Digwyddiad Deuol Met Caerdydd yn erbyn Prifysgol Birmingham
• Clasur Nadolig Met Caerdydd (gan gynnwys Pencampwriaethau 3000m Cymru)
• Grand Prix Non Thomas y Flwyddyn Newydd Met Caerdydd

Clwb Athletau

Ewch i’r Clwb Athletau.

Athletau i Blant

Mae’r Clwb ac Academi Athletau ar gyfer athletwyr ifanc wedi'i leoli yn y Ganolfan Athletau Dan Do Genedlaethol (NIAC).

Mae Athletau i Blant Met Caerdydd wedi' leoli yng Nghyfleusterau Chwaraeon Met Caerdydd. Rydym yn cynnig rhaglenni hamdden a chystadleuol, a’r cyfle i gystadlu ledled Cymru a Lloegr i blant 5 oed a hŷn.

Archebwch sesiynau a chyrsiau athletau i blant ar-lein neu drwy'r Ap Chwaraeon Met Caerdydd.

Dysgwch fwy am ein rhaglen Athletau i Blant.