Skip to content
Hafan
Ymchwil
Canolfannau a Grwpiau Ymchwil ac Arloesi
Hyb Ffisioleg Chwaraeon

Hyb Ffisioleg Chwaraeon

A person runs on a treadmill while wearing a breathing mask. A second person stands alongside, next to a computer display and other equipment. A person runs on a treadmill while wearing a breathing mask. A second person stands alongside, next to a computer display and other equipment.
01 - 02
Hyb Ffisioleg Chwaraeon

Pwy ydym ni

Rydym yn wyddonwyr chwaraeon sefydledig gyda phrofiad ymarferol ac ymchwil o wella perfformiad chwaraeon. Mae ein staff eisoes yn gweithio gydag Athletau Cymru ac England Athletics, Triathlon Cymru, ac ym myd pêl-droed; nawr gallwch chithau hefyd gael mynediad at ein harbenigedd i wella eich perfformiad chwaraeon eich hun.

Bydd ein tîm Ffisioleg yn darparu profion, monitro a chyngor i'ch helpu i wella perfformiad ar gyfer chwaraeon hirach.

Gallwn ddarparu profion a chyngor safonol neu bwrpasol i wella'r rhan fwyaf o agweddau ar berfformiad chwaraeon.

Michael Hughes, Ffisiolegydd Chwaraeon

  • Cyn-ffisiolegydd chwaraeon i Gymdeithas Olympaidd Prydain (yn canolbwyntio ar athletau, rhwyfo, chwaraeon raced, chwaraeon gaeaf)
  • Gwaith ymgynghori ar gyfer FIFA, Ffederasiwn Badminton y Byd, Badminton Cymru a Lloegr, Tîm Rali'r Byd Subaru
  • Cydweithrediadau ymchwil gydag Athletau Cymru, Triathlon Cymru, Chwaraeon Cymru
  • Canolbwyntio ar brofion ffitrwydd yn y maes ac yn y labordy
  • PhD mewn ffisioleg chwaraeon sbrint dro ar ôl tro (pêl-droed, hoci, chwaraeon raced, rygbi, pêl-fasged)

Dan Nash, Ffisiolegydd Chwaraeon

  • Ffisiolegydd chwaraeon cyfredol ar gyfer Athletau Cymru a Thriathlon Cymru
  • Gwaith blaenorol gyda Chwaraeon Cymru a Rhwyfo Cymru, yn ogystal â phrofiad gyda rygbi a phêl-droed
  • PhD mewn biomarcwyr blinder a statws iechyd mewn rhedwyr dygnwch wedi'u hyfforddi'n dda
  • Rhedwr rhyngwladol o Gymru a Phrydain Fawr gyda record marathon o 2:15 a deiliad record 50km y DU ar hyn o bryd.

Sut ydym ni'n ei wneud?

Trwy fentrau 'Campws Agored' a 'Chenhadaeth Ddinesig' y Brifysgol, gallwn gynnig ein gwasanaethau i gyrff llywodraethu, clybiau, grwpiau hyfforddi ac aelodau unigol o'r cyhoedd.

Gweithdrefnau prawf ffisioleg

Mae'r gwerth hyn yn dangos eich terfyn uchaf ar gyfer gweithgaredd aerobig ac mae'n elfen hanfodol o ffitrwydd yn y rhan fwyaf o chwaraeon (yn enwedig dygnwch). Byddwch yn ymarfer corff yn ein labordy hyd at y pwynt o flinder (gellier trefnu opsiynau hawns on maent yn llai manwl gywir) a byddwn yn asesu sut mae eich calon a'ch ysgyfaint yn ymateb i'r her. Gallwch hefyd sefydlu eich cyfradd curiad calon uchaf - canlyniad gwerthfawr ar gyfer gosod parthau hyfforddi.

Mae VO2max yn dangos y sylfaen metabolig ar gyfer y rhan fwyaf o chwaraeon a gallwn ddefnyddio canlyniadau i arwain eich hyfforddiant a'ch paratoad.

  • VO2max
  • Cyflymder neu bŵer ar VO2max
  • Cyfradd curiad y galon uchaf

Er bod VO2max yn dangos y 'nenfwd' ar gyfer gweithgaredd aerobig, mae ymatebion y corff i ymarfer corff ar ddwysterau is yr un mor bwysig ar gyfer chwaraeon dygnwch. Byddwn yn profi sut mae eich calon a'ch ysgyfaint yn ymateb i'r dwysterau y byddwch yn dod ar eu traws mewn hyfforddiant a chystadlaethau. Gallwn hefyd fesur ymateb lactad y gwaed i ymarfer corff – mae hwn yn ôl pob tebyg y newidyn mwyaf defnyddiol i'w wybod ar gyfer gosod parthau hyfforddi a gwerthuso eich ffitrwydd dygnwch. Yn olaf, gallwn asesu eich economi/effeithlonrwydd yn ogystal â'r gyfradd rydych chi'n defnyddio carbohydradau a braster.

  • Trothwyon lactad
  • Parthau hyfforddi
  • Economi rhedeg / effeithlonrwydd beicio
  • Cyfraddau ocsideiddio braster a charbohydrad

Mae dyfodiad esgidiau platiog carbon wedi cael effaith fyd-eang ar amser gorau redwyr ledled y byd. Mae'r esgidiau hyn yn gweithio drwy wella'ch economi rhedeg, gan ganiatáu ichi redeg yn gyflymach am yr un faint o wariant ynni. Fodd bynnag, mae dewis helaeth bellach o ran “esgidiau gwych” ac mae’r graddau y mae pob un yn helpu’r rhedwr unigol yn eithaf amrywiol.

Gallwn asesu eich economi rhedeg mewn amrywiaeth o esgidiau (a ddarperir gennych chi) er mwyn canfod pa un fydd yn rhoi'r hwb mwyaf i chi ar ddiwrnod y ras.

Mae’n bosib y bydd angen dewisiadau amgen i brofion labordy ar grwpiau o chwaraewyr chwaraeon tîm, felly gallai profion maes fod yn ddelfrydol i chi. Er enghraifft, gallwn werthuso ffitrwydd mewn amgylchedd hyfforddi mwy nodweddiadol – fel ar gae pêl-droed.

Gallai athletwyr dygnwch hefyd fabwysiadu dewisiadau amgen yn y maes yn lle profion labordy.

Yn y naill achos neu'r llall, dylech gysylltu â ni am fwy o fanylion. Mae enghreifftiau o newidynnau y gallwn eu mesur yn cynnwys:

  • Cyflymder sbrint uchaf
  • Gallu sbrintio dro ar ôl tro
  • Prawf Yo-Yo
  • prawf 30-15
  • Monitro hyfforddiant

Mae ein profion labordy yn weithdrefnau safonol a ddefnyddir i werthuso ffitrwydd ac i helpu i arwain eich hyfforddiant, ond gallwn hefyd brofi priodoldeb eich sesiynau hyfforddi yn dilyn profion labordy. Gyda'r wybodaeth hon gallwch fireinio'ch hyfforddiant ymhellach a sefydlu a ydych chi'n hyfforddi'n gywir.

Gweithdrefnau eraill

Gyda'n cyfleusterau, ein gwybodaeth a'n cydweithwyr, gallwn greu ystod eang o weithdrefnau neu weithgareddau eraill i helpu eich paratoadau. Cysylltwch os oes gennych unrhyw broblemau perfformiad chwaraeon yr ydych yn credu y gallwn ni helpu gyda nhw.

Defnyddiwch y cyfeiriad e-bost isod i wneud archeb.

E-bost: sportphysiologyhub@cardiffmet.ac.uk