Hyb Ffisioleg Chwaraeon

Gwella eich perfformiad gyda phrofion ffisiolegol

Mae’r Hwb Ffisioleg Chwaraeon ar Gampws Cyncoed Prifysgol Metropolitan Caerdydd yn mesur eich ymatebion ffisiolegol i ymarfer corff, gan ddarparu data cywir sy’n seiliedig ar dystiolaeth i helpu gwella eich hyfforddiant a’ch perfformiad.

Rydym yn cynnig profion i bawb, gan gynnwys rhedwyr, beicwyr, triathletwyr, ac athletwyr chwaraeon tîm.

Gall technoleg ffitrwydd, gan gynnwys oriorau, ffonau symudol a rhaglenni hyfforddi, ddarparu gwybodaeth ddiddorol iawn, ond mae llawer o’r data hwn yn seiliedig ar amcangyfrifon a rhagfynegiadau. Gan ddefnyddio offer a dulliau ar lefel ymchwil sydd eisoes yn cael eu defnyddio gydag athletwyr elît, gallwn fesur yn uniongyrchol lawer o’r newidynnau sy’n dylanwadu ar berfformiad.

Gall ein profion eich helpu i bennu parthau hyfforddi, deall eich cryfderau a’ch gwendidau, gwerthuso eich lefel ffitrwydd bresennol a monitro eich cynnydd dros amser.

P’un a ydych newydd ddechrau ac eisiau gwybod sut i hyfforddi’n effeithiol, neu’n awyddus i berfformio ar lefel elît, gall ein profion ffisiolegol ddarparu data cywir sy’n seiliedig ar dystiolaeth i dargedu eich hyfforddiant.

Mae ein profion mwyaf cyffredin ar gyfer athletwyr dygnwch yn cynnwys:

• VO₂ max (cyfradd uchaf y defnydd o ocsigen)
• Trothwy lactad
• Effeithlonrwydd rhedeg neu effeithlonrwydd beicio
• Cymariaethau esgidiau perfformiad uchel
• Gellir trefnu gwasanaethau eraill ar sail bwrpasol.

Gweler ac archebwch ein profion ffisiolegol.

Pam dewis Hwb Ffisioleg Chwaraeon Met Caerdydd?

Rydym yn wyddonwyr chwaraeon profiadol â phrofiad ymarferol ac ymchwil o wella perfformiad chwaraeon. Mae ein staff eisoes yn gweithio gydag Athletau Cymru, England Athletics, Triathlon Cymru, ac ym maes pêl-droed. Manteisiwch ar yr arbenigedd hwn i wella eich perfformiad chwaraeon eich hun.

Trwy fentrau Campws Agored a Chenhadaeth Ddinesig Prifysgol Metropolitan Caerdydd, rydym yn darparu profion, monitro, a chyngor i gyrff llywodraethu, clybiau, grwpiau hyfforddi, ac aelodau unigol o’r cyhoedd.

Gallwn ddarparu profion safonol neu bwrpasol a chyngor i wella sawl agwedd perfformiad chwaraeon.