Gwybodaeth am yr Wythnos Groeso
Mae’r Wythnos Groeso, sy’n dechrau ddydd Llun 22 Medi, yn cynnig cyfres o weithgareddau a digwyddiadau sydd â’r nod o’ch helpu i ddod i adnabod Met Caerdydd, ymgysylltu â’ch rhaglen astudio a meithrin cysylltiadau â staff a chyd-fyfyrwyr, gan sicrhau eich bod yn setlo i’ch taith academaidd o’r diwrnod cyntaf. Cewch amser hefyd i ddarganfod y ddinas a fydd yn gartref i chi.
Bydd gennym hybiau Wythnos Groeso ar y campws, sef y lle i fynd i ddarganfod popeth sydd angen i chi ei wybod a lle byddwn yn ateb unrhyw gwestiwn sydd gennych chi. Bydd staff a llysgenhadon myfyrwyr ar draws y campws ar gael i’ch cefnogi chi.
Bydd yr hybiau ar agor o 9yb tan 4yp ar ddydd Llun 22 Medi tan ddydd Gwener, 26 Medi. Nodwch y bydd hyb Campws Llandaf yn cau ddydd Mercher 24 Medi a bydd gweithgareddau’n symud i Gyncoed ar gyfer Ffair y Glas Undeb y Myfyrwyr. Peidiwch â’i cholli!
Bydd cyfle i gymryd rhan mewn amrywiaeth o weithgareddau – rhai cymdeithasol a rhai a fydd yn rhoi blas i chi o’r hyn y gallwch chi ei ddisgwyl yn ystod eich astudiaethau ym Met Caerdydd.
Amserlenni yr Wythnos Groeso
Dilynwch y dolenni isod i ddod o hyd i amserlenni yr Wythnos Groeso ar gyfer eich cwrs.
Cwestiynau am yr Wythnos Groeso?
Os yw eich lle wedi'i gadarnhau'n ddiweddar, neu os oes gennych unrhyw gwestiynau am ddechrau'r Wythnos Groeso, mae eich ysgol academaidd yma i'ch gefnogi chi. Gweler eu cyfeiriad e-bost isod.
Ysgol Gelf a Dylunio Caerdydd: CSADAdmin@cardiffmet.ac.uk
Ysgol Addysg a Pholisi Cymdeithasol Caerdydd: CSESPLTSE@cardiffmet.ac.uk
Ysgol Reoli Caerdydd: csmlandt@cardiffmet.ac.uk
Ysgol Chwaraeon a Gwyddorau Iechyd Caerdydd: CSSHSLTSE@cardiffmet.ac.uk
Ysgol Dechnolegau Caerdydd: CSTadministration@cardiffmet.ac.uk