Gwybodaeth i Fyfyrwyr Rhyngwladol Newydd

Dylai pob myfyriwr wneud pob ymdrech i gyrraedd y Brifysgol mewn pryd i fynychu'r Digwyddiad Croeso i Fyfyrwyr Rhyngwladol. Bydd hyn fel arfer yn digwydd ar y dydd Sadwrn cyn dyddiad cychwyn eich cwrs (ceir y dyddiad hwn ar eich llythyr cynnig a'ch CAS). Fodd bynnag, bydd cadarnhad o ddyddiad ac amser y digwyddiad pwysig hwn yn cael ei anfon atoch drwy e-bost. Ar y diwrnod hwn, byddwch yn gallu cwblhau eich cofrestriad, casglu eich cerdyn adnabod myfyriwr, cael cyngor ymarferol am fyw yng Nghaerdydd, cael mynediad i'ch amserlen a chwrdd â llawer o fyfyrwyr newydd eraill. Eich wythnos gyntaf yn y Brifysgol yw un o'r wythnosau pwysicaf oherwydd dyma pryd y byddwch yn dysgu am yr hyn y disgwylir gennych fel myfyriwr a'r hyn y gallwch ei ddisgwyl gan y Brifysgol. Byddwch yn cwrdd â'r tîm academaidd ar gyfer eich cwrs, eich cyd-ffrindiau ar y cwrs, byddwch yn gwneud rhywfaint o waith paratoi ar gyfer eich cwrs ac yn ymgysylltu â gwasanaethau'r Brifysgol y bydd eu hangen arnoch drwy gydol eich astudiaethau gyda ni.

Os oes amgylchiadau y tu hwnt i'ch rheolaeth sy'n golygu nad ydych yn gallu cyrraedd mewn pryd, rhaid i chi e-bostio immigrationregs@cardiffmet.ac.uk i esbonio'r rhesymau dros gyrraedd yn hwyr ynghyd â'r dyddiad rydych yn bwriadu teithio. Bydd y tîm yn cysylltu â'ch Ysgol Academaidd i holi a fyddent yn caniatáu ichi gofrestru'n hwyr a rhoi cyngor pellach i chi. Sylwer, nid oes unrhyw sicrwydd y bydd cofrestru yn hwyr yn cael ei gymeradwyo.

Mae'n hanfodol eich bod yn ystyried eich opsiynau llety yn ofalus ac yn deall yn llawn y costau sy'n gysylltiedig â byw yn y DU. Rydym yn argymell yn gryf eich bod yn dechrau ymchwilio i lety yng Nghaerdydd cyn i chi deithio.

Am ragor o wybodaeth am ddod o hyd i lety yng Nghaerdydd ac osgoi unrhyw sgamiau, ewch i: Llety | Prifysgol Metropolitan Caerdydd

Er bod Prifysgol Metropolitan Caerdydd yn cynnig neuaddau preswyl, mae llawer o fyfyrwyr rhyngwladol yn dewis byw oddi ar y campws mewn llety rhent yn breifat, ac mae rhai yn dewis aros gyda ffrindiau neu berthnasau er mwyn arbed costau. Lle bynnag y byddwch yn dewis byw, mae'n bwysig bod eich llety o fewn pellter cymudo rhesymol i'ch campws. Mae'r Brifysgol yn argymell eich bod yn byw o fewn uchafswm cymudo o un awr i Gaerdydd.

Sylwer na fydd lleoliad eich llety yn cael ei dderbyn fel rheswm dilys dros golli dosbarthiadau, ac nid yw'n sail i wneud cais am astudio ar-lein ychwaith. Mae presenoldeb ym mhob dosbarth wyneb yn wyneb yn orfodol ac yn ofyniad o’ch fisa myfyriwr. Byddwch yn astudio cwrs llawn amser, a all gynnwys dosbarthiadau a drefnwyd bob dydd o ddydd Llun i ddydd Gwener. Ni ellir addasu eich amserlen i ddarparu ar gyfer amgylchiadau personol, gan gynnwys eich pellter teithio.

Gallai byw yn rhy bell o Gaerdydd achosi sawl problem:

• Treuliau: Gall trafnidiaeth gyhoeddus pellter hir yn y DU fod yn gostus.
• Amser: Mae ffyrdd a rheilffyrdd yn aml yn profi tagfeydd yn ystod oriau brig, gan arwain at amseroedd teithio hirach.
• Effaith ar astudiaethau: Mae cymudo hir yn cynyddu'r risg o fod yn hwyr neu absenoldeb a gallant arwain at flinder, gan effeithio ar eich gallu i ganolbwyntio ac ymgysylltu'n llawn yn eich astudiaethau.

Fel sy'n ofynnol gan Fisâu a Mewnfudo y DU (UKVI), bydd y brifysgol yn monitro eich presenoldeb a'ch ymgysylltiad yn agos. Nid yw methu â mynychu dosbarthiadau'n rheolaidd oherwydd dewisiadau llety yn dderbyniol a gall arwain at eich tynnu'n ôl o'r cwrs a chanslo eich fisa myfyriwr.

Dolenni defnyddiol eraill:

• UKCISA - Llety i fyfyrwyr rhyngwladol
• www.thetrainline.com
• www.cardiffbus.com

Am ragor o wybodaeth am dalu eich ffioedd, dilynwch y ddolen Ffioedd a Chyllid.

Mae'n bwysig eich bod yn bwriadu talu eich ffioedd dysgu ar amser. Gallai methu â thalu ar amser neu glirio'ch balans erbyn y dyddiad cau arwain at sancsiynau a thynnu'n ôl posibl o'ch cwrs. Bydd hyn hefyd yn effeithio ar eich fisa.

Gwyddom fod gwaith rhan-amser yn bwysig i lawer o fyfyrwyr rhyngwladol wrth gefnogi eu hastudiaethau a'u dyheadau gyrfa. Mae ystod eang o gyfleoedd gwaith rhan-amser i fyfyrwyr rhyngwladol yng Nghaerdydd. Ar ôl i chi gofrestru, mae gan Met Caerdydd Wasanaeth Gyrfaoedd pwrpasol a fydd yn gallu rhoi cymorth i chi wrth geisio am waith rhan-amser.

Fodd bynnag, mae'n bwysig nad ydych yn dibynnu ar argaeledd gwaith rhan-amser i ariannu eich bywyd yng Nghaerdydd. Dylech sicrhau bod gennych ddigon o arian i dalu am eich astudiaethau a'ch bywyd yn y DU cyn i chi gyrraedd.

Mae rhagor o wybodaeth am weithio yn ystod eich astudiaethau ar gael yma.

Oes, dylai pob myfyriwr ddod â gliniadur gyda nhw i alluogi ymgysylltiad llawn â'u hastudiaethau.

Mae desg gymorth Met Caerdydd ar gyfer myfyrwyr sydd ag ymholiadau neu broblemau gyda'u cyfarpar TG yn ystod eu hastudiaethau. Maent bob amser yn hapus i helpu.

Gallwch ddod o hyd i ragor o wybodaeth a chyngor ar gymorth ac offer TG a llyfrgelloedd yn ein Cwestiynau Cyffredin i fyfyrwyr newydd  - noder, mae’n bosib na fydd rhai o'r dolenni hyn ar gael tan ar ôl i chi gofrestru.

Os nad ydych wedi cofrestru gyda meddyg yn y DU, ond mae angen meddyginiaeth arnoch, gallwch brynu meddyginiaeth o fferyllfa megis Boots. Dim ond unwaith y bydd gennych gyfeiriad yn y DU y gallwch gofrestru gyda meddyg (meddyg teulu). Pan fyddwch wedi symud i'ch llety, rhaid i chi gofrestru gyda meddygfa sydd wedi'i lleoli ger eich cartref newydd cyn gynted â phosibl, peidiwch ag aros hyd nes eich bod yn sâl. Gallwch ddod o hyd i ragor o wybodaeth yn ein Cwestiynau Cyffredin i fyfyrwyr newydd.

Os ydych yn credu bod angen cymorth meddygol arnoch, gallwch ffonio GIG Cymru drwy ddeialu 111 ar eich ffôn symudol. Byddwch yn cael eich cysylltu â gweithiwr meddygol proffesiynol a all helpu a rhoi cyngor.

Os yw’n sefyllfa argyfwng, ffoniwch 999. Dim ond os yw eich bywyd, neu fywyd rhywun arall mewn perygl uniongyrchol y dylech ffonio'r rhif hwn.

Gall gymryd nifer o wythnosau i fyfyrwyr agor cyfrif banc unwaith y byddant yn cyrraedd y DU. Felly, mae'n hanfodol bod gennych fodd i wneud pryniannau hanfodol pan fyddwch wedi cyrraedd yn gyntaf. Er y bydd angen rhywfaint o arian parod arnoch, am resymau diogelwch, rydym yn argymell nad ydych yn cario symiau mawr o arian parod.

Rydym yn argymell yn gryf eich bod yn cysylltu â'ch banc cyn i chi gyrraedd i agor cyfrif a fydd yn rhoi cerdyn credyd neu ddebyd i chi y gallwch ei ddefnyddio dramor. Er, mae’n bosib na fydd hyn yn ddatrysiad da i chi yn yr hirdymor, bydd yn ddefnyddiol iawn i chi ei ddefnyddio am ychydig wythnosau pan fyddwch yn cyrraedd y DU am y tro cyntaf. Fe welwch fod llawer o lefydd yn y DU, gan gynnwys campysau Met Caerdydd, yn ddi-arian, felly mae'n rhaid bod gennych gerdyn credyd neu ddebyd ar gael i brynu. ​

Na fyddwch. Nid cwrs ar-lein yw eich cwrs. Mae presenoldeb ym mhob sesiwn wyneb yn wyneb yn orfodol ac yn ofyniad hanfodol i'ch rhwymedigaethau cwrs a mewnfudo fel deiliad fisa myfyriwr.

Mae llawer o wybodaeth am fynd o gwmpas Caerdydd ar ein hyb myfyrwyr newydd.

Gallwch hefyd ddarllen mwy am ein lleoliadau campws Llandaf a champws Cyncoed.