Ymrestru

Byddwch yn cael e-bost gyda manylion sut i ymrestru ar-lein pan fyddwch chi wedi bodloni holl amodau eich cynnig a bod eich cais wedi'i ddiweddaru. Os ydych chi wedi cael hysbysiad e-bost gyda'ch enw defnyddiwr a'ch cyfrinair, gallwch ddefnyddio'r ddolen ganlynol i ymrestru: Cliciwch yma i gwblhau'r broses ymrestru ar-lein.

Gallwch chi glicio ar y traciwr ymrestru i weld eich statws, lle bydd y golau ‘traffig’ cyntaf yn troi’n wyrdd pan fyddwch chi’n barod i ymrestru.

Fel myfyriwr rhyngwladol, cysylltwch â’n Swyddfa Rhyngwladol a all roi cyngor am y broses ac unrhyw ymholiadau pellach.

Byddai'n ddefnyddiol pe bai gennych chi'r eitemau canlynol gyda chi yn ystod eich wythnos sefydlu:

• Cerdyn adnabod gyda ffotograff arno
• Llythyr Noddwr* – os ydych chi'n cael eich noddi gan eich cyflogwr
• Copïau o'ch cymwysterau – os yw Derbyniadau wedi gofyn amdanynt
• Tystysgrif Geni
• Unrhyw ddogfennau penodol i'ch rhaglen mae’r tîm derbyniadau neu dîm eich cwrs yn gofyn amdani.

*Os na fyddwch chi'n lanlwytho eich llythyr noddwr fel rhan o'ch cofrestriad ar-lein, sganiwch ac e-bostiwch gopi i enrolment@cardiffmet.ac.uk neu ewch â chopi i un o'n parthau-g yn Llandaf neu Gyncoed

Yn yr adran cyfeiriad yn ystod y tymor, os nad ydych chi'n gwybod y cyfeiriad hwn pan fyddwch chi'n ymrestru, gallwch nodi cyfeiriad eich rhieni/eich cyfeiriad parhaol fel eich cyfeiriad yn ystod eich tymor. Unwaith y byddwch chi'n gwybod eich cyfeiriad lle byddwch yn ystod eich cyfnod astudio, gallwch e-bostio Ymrestru a byddwn yn diweddaru hyn i chi. Fel arall, gallwch ddiweddaru eich cyfeiriad drwy eich porth myfyrwyr. Fodd bynnag, bydd gofyn i chi nodi'r math o lety y byddwch chi'n byw ynddo e.e. Neuaddau Preswyl Met Caerdydd (eiddo a gynhelir gan y sefydliad), neuaddau preifat, llety rhent ac ati, felly dewiswch y 'math' priodol o'r gwymplen.

Os hoffech chi dynnu'n ôl o'ch astudiaethau neu eu hatal dros dro, siaradwch â'ch Cyfarwyddwr Rhaglen cyn gynted â phosibl. Os ydych chi'n dal i fod eisiau tynnu'n ôl o'ch astudiaethau neu eu hatal dros dro (gall trosglwyddiad mewnol fod yn opsiwn mwy ffafriol) ar ôl trafod eich opsiynau gyda'ch Cyfarwyddwr Rhaglen, bydd eich Cyfarwyddwr Rhaglen yn llenwi'r ffurflen berthnasol ac yn ei chyflwyno i'r Uned MIS a fydd yn prosesu hyn ac yn anfon y ffurflen ymlaen at y Tîm Ymrestru a fydd yn rhoi gwybod i Cyllid Myfyrwyr, lle bo hynny'n berthnasol. Os ydych chi'n cael cyllid myfyrwyr, cofiwch y bydd eich ffioedd cynhaliaeth a dysgu yn debygol o gael eu heffeithio. Mae'n bwysig iawn eich bod yn rhoi gwybod i ni am eich penderfyniad gan fod angen i Met Caerdydd roi gwybod i Cyllid Myfyrwyr am y newid yn eich amgylchiadau.

Os hoffech chi newid eich modiwl, cysylltwch â'ch Ysgol neu eich Cyfarwyddwr Rhaglen.

Yn ystod y broses gofrestru, gofynnir i ymgeiswyr a myfyrwyr presennol ddatgelu unrhyw euogfarnau newydd neu heb eu datgelu o'r blaen a allai effeithio ar eu hastudiaethau yn y Brifysgol. Darllenwch yr wybodaeth ar ein tudalennau gwe yma.

Ewch i'r Ddolen Help gydag Ymrestru, gan ddyfynnu eich Rhif Cyfeirnod Cwsmer (CRN) a neilltuwyd i chi gan Cyllid Myfyrwyr ynghyd â disgrifiad o'r broblem neu ewch i'r parth-g neu Wasanaethau Myfyrwyr. Os yw eich statws Cyllid Myfyrwyr ar-lein yn dangos fel 'I Ddod' am gyfnod hir, rhowch wybod i ni er mwyn i ni geisio datrys y broblem i chi.

Gallai hynny fod yn digwydd am nifer o resymau, cysylltwch â Derbyniadau er mwyn iddyn nhw fynd i’r afael â’r mater.

Ar ôl i chi gwblhau'r broses ymrestru ar-lein yn llawn, dylech allu defnyddio'r gwasanaethau hyn o fewn 24 awr.

Mae cymhwystra i gael cyllid myfyrwyr ar gyfer ailadrodd blwyddyn o astudio yn dibynnu ar eich hanes astudio blaenorol.

Mewn perthynas â chymorth ffioedd dysgu, mae Cyllid Myfyrwyr yn darparu cyllid gydol cwrs astudio, ac un flwyddyn ychwanegol o dan amgylchiadau penodol. Er enghraifft, os mai 3 blynedd yw hyd eich cwrs, efallai y bydd gennych hawl i gael cyfanswm o 4 blynedd o gyllid (3 + 1 = 4), os oes angen i chi ailadrodd blwyddyn o'ch cwrs, ac nad ydych chi wedi ailadrodd blwyddyn o'r blaen nac wedi astudio ar gwrs Addysg Uwch cyn y cwrs yma.

Wrth wneud cais am gyllid myfyrwyr, bydd eich hawl am gyllid yn ystyried a ydych chi wedi dilyn cwrs blaenorol ar lefel AU, a bydd y cyllid yn cael ei leihau i adlewyrchu hyn.

Dylai ymgeiswyr a myfyrwyr ofyn i Gyllid Myfyrwyr am eu hawl am gyllid bob amser.

I gael rhagor o gyngor ac arweiniad, gallwch e-bostio: moneyadvice@cardiffmet.ac.uk neu drefnu apwyntiad drwy'r ffurflen cais am apwyntiad (o dan Dolenni Cyflym ar eich porth myfyrwyr Met Canolog – bydd angen i ch i ymrestru er mwyn cael mynediad i’r porth hwn) i drafod eich cyllid. Mae rhagor o wybodaeth hefyd ar gael drwy'r dudalen we Gwasanaethau Myfyrwyr.

Mae gwybodaeth ar gael ar dudalen we Gwasanaethau Myfyrwyr.

Os ydych chi wedi anghofio eich enw defnyddiwr, cysylltwch â Desg Gymorth TG ar 029 2041 7000; neu os oes angen i chi ailosod eich cyfrinair, cliciwch yma.

Mae angen i fyfyrwyr israddedig wneud cais am gyllid myfyrwyr ar gyfer pob blwyddyn o'u cwrs a dylent wneud cais am gyllid myfyrwyr cyn gynted â phosibl ar ôl i’r cyfnod gwneud cais agor. Ar ôl i'ch cais am gyllid myfyrwyr gael ei gymeradwyo, dylech gael amserlen dalu ar gyfer unrhyw ffioedd dysgu a/neu gynhaliaeth rydych chi wedi gwneud cais amdanynt gan Gyllid Myfyrwyr. Cyn belled â'ch bod wedi gwneud cais cyn y dyddiad cau a bod eich cais wedi'i gymeradwyo'n llawn, dylai eich taliadau cynhaliaeth cyntaf gael eu talu yn ystod wythnos gyntaf y tymor. Mae taliadau dilynol fel arfer yn cael eu gwneud ar y dyddiadau ar eich Hysbysiad Cyllid Myfyrwyr.