Skip to content
Hafan
Ynglyn â Ni
Cynaliadweydd Draft
Addysg ar gyfer Datblygu Cynaliadwy

Addysg ar gyfer Datblygu Cynaliadwy

A member of Cardiff Met staff hosts a sustainability meeting in a lecture hall A member of Cardiff Met staff hosts a sustainability meeting in a lecture hall
01 - 02

Mae Prifysgol Metropolitan Caerdydd wedi ymrwymo i wreiddio Addysg ar gyfer Datblygu Cynaliadwy (ESD) ar draws gweithgareddau dysgu, addysgu, ymchwil ac ymgysylltu, gan sicrhau bod pob graddedig yn dabtlygu'r wybodaeth, y sgiliau, y gwerthoedd a'r hyder sydd eu hangen i gyfrannu at ddyfodol mwy cynaliadwy a theg.


A member of Cardiff Met staff presents a presentation in front of a digital whiteboard
Ymgorffori ADC

Mae Addysg ar gyfer Datblygu Cynaliadwy wedi'i integreiddio drwy ymrwymiad strategol y Brifysgol i gynaliadwyedd a'i dull sefydliadol cyfan, gan alinio gyda Nodau Datblygu Cynaliadwy'r Cenhedloedd Unedig a chenhadaeth ddinesig ehangach y Brifysgol.

Sustainability volunteers sit at an information booth
ADC o fewn y Cwricwlwm

Mae Addysg ar gyfer Datblygu Cynaliadwy wedi'i wreiddio yn nyluniad a chyflwyniad y cwricwlwm ar draws ysgolion academaidd drwy ddysgu rhyngddisgyblaethol, datrys problemau'r byd go iawn, a phrosiectau cynaliadwyedd cymhwysol.

A round wooden building with wooden ramp and surrounding decking
Dysgu Awyr Agored

Mae'r Ganolfan Dysgu Awyr Agored yn cynnig ystod eang o opsiynau dysgu awyr agored, gan gynnwys cyrsiau undydd, gweithdai, ac mae hefyd yn Ysgol Goedwig achrededig. Mae'r cyfleuster yn parhau i fod yn ganolbwynt i ymchwil academaidd i fanteision dysgu yn yr awyr agored.

A young man analyses a computer screen and accompanying architecture plans at a desk A young man analyses a computer screen and accompanying architecture plans at a desk

Labordai Byw

Mae dull Labordy Byw Prifysgol Metropolitan Caerdydd yn galluogi myfyrwyr i ymgysylltu'n uniongyrchol a heriau cynaliadwyedd ar y campws ac o fewn y gymuned ehangach, gan ddefnyddio ystâd, gweithrediadau, a phartneriaethau'r Brifysgol fel maes prawf ar gyfer arloesedd a dysgu drwy brofiad. Mae myfyrwyr yn gweithio ochr yn ochr â staff academaidd, gwasanaethau proffesiynol, awdurdodau lleol, busnesau, a sefydliadau cymunedol i ddatblygu atebion ymarferol sy'n cyfrannu at ganlyniadau cynaliadwyedd amgylcheddol a chymdeithasol.

01 - 04
A lecturer points to the laptop of a student sat at a row of desks during a seminar A lecturer points to the laptop of a student sat at a row of desks during a seminar

Hyfforddiant Llythrennedd Carbon

Yn 2025 a 2026, cwblhaodd myfyrwyr MSc Rheoli Busnes Rhyngwladol Hyfforddiant Llythrennedd Carbon a gynhaliwyd gan arweinwyr cwrs, gan ennill dealltwriaeth sylfaenol am newid yr hinsawdd a sut y gellir ei ymgorffori yn eu hastudiaethau a'u gyrfaoedd yn y dyfodol.

01 - 04

Astudiaethau Achos

Yn ystod y blynyddoedd diwethaf, mae'r tîm Cynaliadwyedd wedi cydweithio â Dysgu ac Addysgu i gwblhau nifer o fentrau ymgysylltu, dysgu yn y byd go iawn a briffiau cwrs penodol.

Cynhaliwyd dau leoliad gwaith gan y tîm Gweithredu ar y Newid Hinsawdd yn ystod tymor y gwanwyn 2026 fel rhan o fodiwl lleoliad gwaith dewisol Lefel 5 Ysgol Gelf a Dylunio Caerdydd. Treuliodd dau fyfyriwr BA (Anrh) Dylunio a Chyfathrebu Graffig bedair wythnos gyda'r tîm yn ymchwilio i Fasnach Deg ac arferion marchnata gorau, ac yn creu deunyddiau hyrwyddo arloesol, a fydd yn helpu i gyfleu gwerthoedd a mentrau Masnach Deg i fyfyrwyr. Bydd eu canlyniadau hefyd yn cyfrannu at wobr Prifysgol Masnach Deg SOS UK 2028.

Aeth myfyriwr o gwrs BA (Anrh) Pensaernïaeth ar leoliad am fis gyda'r tîm Ystadau i drawsnewid ardal fawr o'r campws yn gysyniadol er mwyn cefnogi bioamrywiaeth leol yn well, yn ogystal â darparu gofod i staff a myfyrwyr gysylltu'n well â natur. Bydd eu canlyniadau'n cael eu hystyried o fewn cynlluniau ehangach yr Adran Eiddo i wella'r campws, a byddant, mewn rhannau llai, yn cael eu gweithredu gan y tîm Cynaliadwyedd er mwyn bodloni meini prawf gwobr Tir Cyfeillgar i Fyd Natur.

Mae’r tîm Cynaliadwyedd wedi rhoi briff ar gyfer modiwl 'Busnes ar Waith' carfan BA (Anrh) Busnes a Rheoli Lefel 5. Tasg y myfyrwyr oedd greu ymgyrch newid ymddygiad ar gyfer lleihau ynni ar y campws. Roedd cyd-destun y prosiect yn cyd-fynd ag uchelgais y Brifysgol i leihau allyriadau Cwmpas 3, yn dilyn gostyngiad sylweddol mewn allyriadau Cwmpas 1 a 2 o ganlyniad i'n prosiect Haneru'r Hanner Amgylchedd ac Ystadau. Canlyniad y prosiect hwn oedd cynllun ymgyrchu ymarferol, seiliedig ar dystiolaeth sydd bellach yn cael ei ystyried gan y tîm Cynaliadwyedd.

Mewn cydweithrediad â'r rhaglen BA (Anrh) Rheoli Busnes Rhyngwladol, gofynnodd y tîm Cynaliadwyedd i fyfyrwyr greu astudiaeth ddichonoldeb sy'n asesu'r dewis arall gorau i gwpanau coffi un defnydd ar y campws trwy ddadansoddi mentrau ledled y wlad. Mae'r mentrau arfaethedig yn cael eu hadolygu gan yr adrannau Arlwyo a Chynaliadwyedd.

Fel rhan o'r modiwl BA (Anrh) Busnes a Rheoli 'Busnes ar Waith', bu'r tîm Cynaliadwyedd yn goruchwylio prosiect lle’r oedd myfyrwyr yn edrych ar weithredu man arlwyo llysieuol ar gampws Llandaf, gan gynnwys yr holl agweddau realistig, e.e. cost, anghenion staffio a lleoliad, sydd angen ystyriaeth mewn strategaeth fusnes.

Three people are gathered in discussion. On the table in front of them is a small humanoid robot. Three people are gathered in discussion. On the table in front of them is a small humanoid robot.

ADC o fewn yr EMS

Ym Mhrifysgol Metropolitan Caerdydd, mae Addysg ar gyfer Datblygu Cynaliadwy (ESD) wedi'i wreiddio yn ein System Rheoli Amgylcheddol (EMS) o dan fframwaith Dysgu a Theithio, lle caiff ei fonitro a'i adolygu fel rhan o'n prosesau adrodd strwythuredig. Caiff cynnydd o ran integreiddio Addysgu ar gyfer Datblygu Cynaliadwy yn y cwricwlwm ei olrhain a'i adrodd drwy'r System Rheoli Amgylcheddol i sicrhau gwelliant parhaus. Arweinir y goruchwylio gan Bethan Gordon sy'n Brif Weithredwr Cynaliadwyedd, trwy weithio ochr yn ochr â'n Tîm Gweithredu ar yr Hinsawdd, gan ddarparu cyfrifoldeb clir am weithrediad, adolygiad, a datblygiad parhaus ar draws y brifysgol.

01 - 04