Papur ac Argraffu

Papur ac Argraffu

01 - 02

Gan gefnogi nodau lleihau carbon a gwerthoedd cynaliadwyedd Prifysgol Metropolitan Caerdydd, mae ein Stwidio Argraffu wedi trawsnewid ei wasanaethau papur ac argraffu i fod yn gwbl Garbon Net Sero.

Argraffu Carbon Sero Net

Mae gan Met Caerdydd ddatrysiad argraffu carbon sero net, mewn partneriaeth â HP. Mae gan HP offeryn sy'n gallu mesur gwaith argraffu prifysgol er mwyn rhoi amcangyfrif o gyfanswm yr allyriadau carbon. Mae'r amcangyfrif yn cynnwys allyriadau gweithgynhyrchu argraffwyr a nwyddau traul, trafnidiaeth, gweithgareddau argraffu gwirioneddol ac ailgylchu rhannau. Mae hyn i gyd yn cael ei wirio gan drydydd parti annibynnol ac mae'n cynnig datrysiad sero net am oes y ddyfais.

Argraffu mwy Clyfar

Mae ein polisi argraffu yn sicrhau bod argraffu ar y campws yn gynaliadwy ac yn effeithlon. Mae'r defnydd o bŵer isel, gyda dyfeisiau'n defnyddio dim ond 0.8W wrth sefyll. Yn ddiofyn, mae'r argraffwyr yn argraffu ar ddwy ochr ac mewn graddau llwyd i annog defnyddwyr i leihau'r defnydd o bapur a deunyddiau traul, ac mae angen 'rhyddhau diogel' ar gyfer yr argraffu ei hun, nodwedd sy'n arbed mwy fyth ar wastraff o'i gymharu ag argraffwyr bwrdd gwaith safonol. Yn ymarferol, mae hyn yn arbed tua 200kg o CO2 i'r brifysgol bob mis, neu bapur su'n cyfateb i werth 2 goeden.

Cardiff Met greenspace featuring a wild raven

Dal Carbon

Mae Met Caerdydd wedi ymrwymo i'r Cynllun Dal Carbon. Mae'r cynllun hwn yn cael ei gynnig ar y cyd a Choed Cadw, ac mae'n cyfrifo'r carbon sy'n cael ei allyrru gan weithgareddau cynhyrchu a dosbarth papur. Ym mis Mehefin 2023, roedd y cynllun hwn wedi codi dros £1.71 miliwn i Goed Cadw, ac wedi ariannu'r gwaith o blannu dros 457 mil o goed!

A stack of white paper in front of a printer

Mae ein papur wedi'i achredu gan yr FSC

Forest Stewardship Council (FSC) yw un o'r cynlluniau mwyaf cydnabyddedig i sicrhau bod coedwigoedd a ddefnyddir i gynhyrchu papur yn cael eu rheoli'n gyfrifol, gan warchod cynefinoedd naturiol a phlanhigion ac anifeiliaid, a pharchu hawliau gweithwyr coedwigaeth a chymunedau lleol. Mae'n darparu safon a ddilyswyd yn annibynnol sy'n olrhain pren a ffeibr pren drwy bob cam o'r gadwyn gyflenwi, o'r goedwig i'r defnyddiwr terfynol.

Cardiff Met-branded Fairtrade merchandise stacked in boxes alongside a

Dillad Masnach Deg

Ers 2024, mae pob dilledyn â brand y Brifysgol arno ac a werthir ar y campws, yn ystod seremonïau graddio neu yn ein siop ar-lein wedi'i ddyfarnu ag achrediad Masnach Deg. Argraffir y dillad ar y safle yn ein Stiwdio ar gampws Llandaf.

Pecynnu Cynaliadwy

Mae ein holl ddeunydd pecynnu yn rhydd rhag plastig, ac rydym yn defnyddio bocsys cardfwrdd a sticeri papur o goetir wedi'i gaffael yn gyfrifol. Mae pob cynnyrch wedi'i ddyfarnu ag adrystiad yr FSC ac mae modd ailgylchu'r cwbl.