Technoleg Gwybodaeth - Gradd BSc (Anrh)

Gellir astudio’r radd hon fel gradd amser llawn tair blynedd neu radd pedair blynedd sy’n cynnwys blwyddyn o astudio sylfaenol. Bwriad ein blwyddyn sylfaen yw eich paratoi ar gyfer eich blynyddoedd dilynol o astudio, gan gynnig cyfle i chi gryfhau eich sgiliau, eich gwybodaeth a’ch hyder.

Bydd y flwyddyn sylfaen yn berthnasol i:

1. Myfyrwyr nad ydynt wedi cael y nifer gofynnol o bwyntiau Safon Uwch (neu gyfwerth) i ddechrau ar flwyddyn gyntaf y rhaglen radd.
2. Myfyrwyr hŷn sydd wedi bod allan o’r system addysg ffurfiol ers peth amser.

Darganfyddwch fwy am y flwyddyn sylfaen a’r ffioedd.

Nodwch: Bydd angen i chi wneud cais gan ddefnyddio cod UCAS penodol os ydych yn dymuno ymgymryd â’r 4 blynedd gan gynnwys sylfaen.

Blwyddyn 1

Byddwch yn adeiladu sylfaen dechnegol gref mewn pensaernïaeth gyfrifiadurol, systemau gweithredu, a rhwydweithio. Un o’r prif ffocysau yw’r cyflwyniad i awtomeiddio drwy sgriptio, gan eich dysgu i reoli seilwaith yn effeithlon o’r dechrau.

Mae pob modiwl yn werth 20 credyd, oni nodir yn wahanol.

Modiwlau

• Seilwaith TG a Chaledwedd
• Sgriptio ac Awtomeiddio ar gyfer TG
• Pensaernïaethau a Systemau Gweithredu
• Meddwl Cyfrifiannol
• Archwilio
• Dylunio Gwe a Chronfeydd Data

Blwyddyn 2

Mae’r ail flwyddyn yn canolbwyntio ar weithrediadau cymhwysol, gan gynnwys sylfeini’r cwmwl, rhithioli, a rhwydweithio ar lefel menter. Byddwch yn datblygu sgiliau ‘Diogelwch Systemau’ i amddiffyn llwyfannau yn erbyn bygythiadau modern.

Mae pob modiwl yn werth 20 credyd, oni nodir yn wahanol.

Modiwlau

• Datblygu Hyblyg a DevOps
• Diogelwch Systemau
• Rhwydweithiau a Chyfathrebu
• Dylunio Systemau Gwrthrych-Gyfeiriadol
• Ehangu
• Prosiect Cydweithredol

Blwyddyn 3

Yn eich blwyddyn olaf, byddwch yn cyfuno eich gwybodaeth drwy gwblhau prosiect datblygu mawr. Byddwch yn arbenigo mewn defnyddio’r cwmwl a Rheoli Gwasanaethau TG (ITSM) proffesiynol gan ddefnyddio fframweithiau byd-eang fel ITIL.

Mae pob modiwl yn werth 20 credyd, oni nodir yn wahanol.

Modiwlau

• Prosiect Datblygu (40 credyd)
• Gweithredu Cyfrifiadura Cwmwl
• Rheoli Gwasanaethau TG
• Technoleg Broffesiynol, Gynaliadwy a Moesegol
• Seiberddiogelwch a Chriptograffeg

Anogir dull myfyriwr-ganolog o ddysgu ac addysgu trwy ddefnyddio ystod eang o strategaethau addysgu, megis labordai technegol a phrosiectau unigol a phrosiectau grŵp. Bydd astudiaethau achos go iawn ac anerchiadau gan westeion a fydd yn arbenigwyr o fyd busnes, ac â chefnogaeth Teams a Moodle, ein hamgylcheddau dysgu rhithiol, yn ychwanegu at hyn.

Oherwydd natur y rhaglen, bydd gweithdai ymarferol ar y campws yn allweddol er mwyn datblygu dealltwriaeth a galluoedd technegol myfyrwyr, â sylfeini damcaniaethol sicr yn greiddiol iddyn nhw. Bydd disgwyl i’r myfyrwyr ddatblygu eu gwybodaeth a’u dealltwriaeth ymhellach drwy hunan-astudio cyfeiriedig ac amser ar gyfer dysgu annibynnol – yn ogystal â chyflawni’r gwaith ar yr amserlen – i gael datblygu portffolio proffesiynol o waith prosiect ac arteffactau meddalwedd wrth iddyn nhw symud i swyddi yn raddedigion.

Bydd Tîm y Rhaglen yn cefnogi’r myfyrwyr yn academaidd ac yn fugeiliol, o dan arweiniad Cyfarwyddwr y Rhaglen. Bydd Tiwtor Personol o fewn yr Ysgol yn cael ei neilltuo i bob myfyriwr hefyd a fydd yn bwynt cyswllt ar gyfer materion academaidd a bugeiliol cyffredinol. Cefnogir myfyrwyr hefyd gan Hyfforddwyr Myfyrwyr; mae rôl Hyfforddwr Myfyrwyr ar gyfer myfyrwyr cyfredol 2il, 3edd flwyddyn a Meistr sy’n darparu cefnogaeth cymheiriaid mewn Modiwlau.

Bydd y strategaeth asesu ar gyfer y rhaglen yn amrywio i sicrhau’r dull mwyaf priodol ar gyfer pob modiwl a phwnc penodol. Caiff modiwlau eu hasesu drwy gyfuniad o ddulliau, megis arholiadau ffurfiol, aseiniadau rhaglennu ymarferol, aseiniadau ysgrifenedig, adroddiadau technegol, cyflwyniadau, profion yn y dosbarth, asesiadau gan gymheiriaid ac astudiaethau achos.

Caiff graddedigion eu paratoi ar gyfer rolau y mae galw mawr amdanynt megis Pensaer Cwmwl, Peiriannydd DevOps, Peiriannydd Llwyfannau, neu Arweinydd Seilwaith. Mae’r ffocws ‘Tech-Ops’ yn sicrhau eich bod yn barod ar gyfer y sector gwasanaethau TG byd-eang neu astudiaethau Meistr a PhD pellach yn Met Caerdydd.

Cynigion Nodweddiadol

Mae’r gofynion canlynol yn seiliedig ar gynigion nodweddiadol sy’n berthnasol i ddechrau ar flwyddyn 1 y radd.

Os nad ydych yn bodloni’r gofyniad mynediad uchod, rydym hefyd yn cynnig Flwyddyn Sylfaen sy’n caniatáu symud ymlaen i Flwyddyn 1 ar ôl cwblhau’n llwyddiannus.

• Pwyntiau tariff: 104-112
• Cynnig cyd-destunol: Gweler ein tudalen cynigion cyd-destunol.
• TGAU: Pum TGAU ar Radd C / 4 neu uwch, gan gynnwys Iaith Saesneg / Cymraeg Iaith Gyntaf a Mathemateg / Mathemateg – Rhifedd.
• Gofyniad Iaith Saesneg: IELTS Academaidd 6.0 yn gyffredinol gydag o leiaf 5.5 ym mhob elfen, neu gyfwerth.
• Pynciau Safon Uwch: O leiaf tair Safon Uwch i gynnwys Graddau CCC. Does dim angen pynciau penodol. Ystyrir Bagloriaeth Sgiliau Uwch Cymru fel trydydd pwnc.
• Diploma Cenedlaethol BTEC / Diploma Estynedig Technegol Caergrawnt: DMM
• Lefel T: Teilyngdod. Does dim angen pynciau penodol.
• Diploma Mynediad i Addysg Uwch: Does dim angen pynciau penodol.
• Diploma Bagloriaeth Ryngwladol (IB): 2 x H5. Does dim angen pynciau penodol.
• Tystysgrif Gadael Iwerddon: 2 x gradd H2. Does dim angen pynciau penodol. Ystyrir pynciau lefel uwch yn unig gydag isafswm gradd H4.
• Advanced Highers yr Alban: Graddau DD. Does dim angen pynciau penodol. Ystyrir Highers yr Alban hefyd, naill ai ar eu pennau eu hunain neu ar y cyd ag Advanced Highers.

Derbynnir cyfuniadau o’r cymwysterau uchod os ydyn nhw’n cwrdd â’n gofynion lleiaf. Os nad yw eich cymwysterau wedi’u rhestru, cysylltwch â Derbyniadau neu cyfeiriwch at Chwiliad Cwrs UCAS.

Mae rhagor o wybodaeth ar gymwysterau Tramor i’w gweld yma.

Os ydych yn ymgeisydd hŷn, mae gennych brofiad perthnasol neu RPL yr hoffech i ni ei ystyried, cysylltwch â Derbyniadau.

Sut i Ymgeisio

Mae rhagor o wybodaeth ar sut i ymgeisio i’w gweld yma.

Ar gyfer ymholiadau cyffredinol, cysylltwch â’r Tîm Derbyniadau ar 029 2041 6010 neu e-bostiwch holiderbyniadau@metcaerdydd.ac.uk.

Ar gyfer ymholiadau cwrs-benodol, cysylltwch â Chyfarwyddwr y Rhaglen, Stuart McNeil:

• E-bost: smcneil@cardiffmet.ac.uk