Dylunio Cynnyrch - Gradd Meistr MSc/PgD/PgC

Mae myfyrwyr MSc Dylunio Cynnyrch yn astudio'r modiwlau canlynol:

Cymwysteray ymadael:

• I ennill Tystysgrif Ôl-raddedig, rhaid i chi basio Dylunio Uwch ynghyd ag un modiwl 20 credyd arall (60 credyd)
• I ennill Diploma Ôl-raddedig, rhaid i chi basio pob modiwl ac eithrio Prosiect Mawr (120 credyd)
• I ennill MSc Dylunio Cynnyrch, rhaid i chi basio'r holl fodiwlau (180 credyd)

Darlithoedd: Defnyddir darlithoedd i gyflwyno fframweithiau damcaniaethol, strategol, moesegol a thechnegol sy'n sail i arfer dylunio cynnyrch cyfoes. Mae'r sesiynau hyn yn cefnogi dealltwriaeth o ymchwil dan arweiniad dylunio, meddylfryd systemau, a phrosesau AI estynedig, ac fe'u cyflwynir gyda deunydd gweledol ac astudiaethau achos ategol. Lle bo'n briodol, mae darlithoedd yn rhyngweithiol ac yn annog trafodaeth ac ymgysylltiad beirniadol.

Tiwtorialau a Seminarau: Defnyddir tiwtorialau a seminarau i archwilio ymchwil, damcaniaeth ddylunio ac astudiaethau achos, gan gefnogi myfyrwyr i fynd i'r afael â heriau dylunio cymhleth ac aneglur. Mae trafodaethau gyda chyfoedion, beirniadaeth, a dysgu yn seiliedig ar broblemau yn ganolog. Gall ymarferwyr ac ymchwilwyr allanol gyfrannu drwy ddarlithoedd gwadd a dosbarthiadau meistr, a gall ymgysylltiad â'r diwydiant gynnwys briffiau byw a gweithgareddau sy'n seiliedig ar brosiectau.

Gweithdai: Mae gweithdai a sesiynau stiwdio dan oruchwyliaeth yn galluogi myfyrwyr i gymhwyso prosesau dylunio, datblygu sgiliau ymarferol a thechnegol, ac ymgysylltu â datblygu dylunio iterus. Mae hyn yn cynnwys creu prototeipiau, efelychu, dulliau gwerthuso, a defnyddio offer digidol ac offer wedi'u hymestyn gan AI, gyda chefnogaeth staff academaidd a thechnegol.

E-ddysgu: Darperir e-ddysgu drwy Amgylchedd Dysgu Rhithwir y Brifysgol ac mae'n cefnogi dysgu cydamserol ac anghydamserol. Mae hyn yn cynnwys darlithoedd wedi'u recordio ymlaen llaw, deunyddiau dysgu gwrthdro, gweithgareddau dysgu ar-lein, tiwtorialau digidol, a llwyfannau cydweithredol ar gyfer gwaith grŵp.

Oriau Cyswllt: Cefnogir myfyrwyr trwy gefnogaeth academaidd wedi'i hamserlennu, gan gynnwys tiwtorialau, beirniadaethau, goruchwylio ymchwil a sesiynau adborth. Cefnogir cynnydd trwy ryngweithio rheolaidd â staff academaidd ac ymgysylltu mewn gwaith stiwdio a grŵp ar y cyd. Mae cefnogaeth sgiliau academaidd ychwanegol ar gael, gan gynnwys canllawiau ar ddulliau ymchwil, gwaith ysgrifennu, moeseg a dadansoddi data.

Disgwylir i fyfyrwyr gymryd rhan mewn dysgu annibynnol dan arweiniad , gan gynnwys ymchwil, gwaith darllen, paratoi ar gyfer gweithgareddau dysgu, datblygu dyluniadau mewn stiwdios, creu prototeipiau, profi, a pharatoi portffolios, adroddiadau a chyflwyniadau.

Cyfleusterau: Mae myfyrwyr yn elwa o ofod stiwdio pwrpasol yn Ysgol Gelf a Dylunio Caerdydd, ochr yn ochr â mynediad i weithdai, labordai technegol, ac offer arbenigol sy'n cefnogi prototeipio ffisegol a digidol. Mae cyfleusterau'n cefnogi efelychu, offer gwerthuso, a meddalwedd a ddefnyddir mewn ymarfer dylunio cynnyrch cyfoes. Darperir cyflwyniadau i weithdai a chymorth technegol.

Gofynnwn i'n holl fyfyrwyr ystyried yn ofalus y dewis a'r defnydd o ddeunyddiau yn eu gwaith prosiect o ran gwneud modelau a chreu prototeipiau ac ar gyfer dewis deunyddiau gwirioneddol yng nghyfnodau Dylunio ar gyfer Cynhyrchu eu datblygiadau prosiect. Fel Dylunwyr Cynnyrch, mae effaith y deunyddiau hyn ar yr amgylchedd yn ganolog i'n hystyriaethau cynaliadwyedd a moesegol.

Ar gyfer pob modiwl, mae'r asesiadau fel a ganlyn:

Rheoli Dylunio a Chynllunio Strategol ynghyd â lleoliad gwaith (20 credyd)

Aseiniad cyfwerth â 4000 o eiriau sy'n cynnwys cyflwyniad cyfwerth â 2000 o eiriau (canol y modiwl) ac asesiad ysgrifenedig o 2000 o eiriau (diwedd y modiwl), pob un â phwysoliad o 50%.

Y Broses Dylunio Estynedig (20 credyd)

Aseiniad sy'n cyfateb i 4000 o eiriau yn cynnwys asesiad ysgrifenedig o 2800 o eiriau (70%) a chyflwyniad sy'n cyfateb i 1200 o eiriau (30%), y ddau i’w cyflwyno ar ddiwedd y modiwl.

Dylunio Uwch (40 credyd)

Aseiniad sy'n cyfateb i 8000 o eiriau yn cynnwys portffolio sy'n cyfateb i 6000 o eiriau (70%) a chyflwyniad 15 i 20 munud (30%),  i'w cyflwyno ar ddiwedd y modiwl.

Datblygu a Mireinio Cynnyrch (40 credyd)

Aseiniad sy'n cyfateb i 8000 o eiriau yn cynnwys cyflwyniad sy'n cyfateb i 1800 o eiriau (30%) a phortffolio sy'n cyfateb i 4200 o eiriau (70%),  i'w cyflwyno ar ddiwedd y modiwl.

Prosiect Mawr (60 credyd)

Aseiniad sy'n cyfateb i 12000 o eiriau yn cynnwys map ymchwil sy'n cyfateb i 2000 o eiriau (20%) a gyflwynir yng nghanol y modiwl, a phortffolio wedi'i anodi sy'n cyfateb i 8000 o eiriau (60%) gyda chyflwyniad 20 i 30 munud (20%), i’w cyflwyno ar ddiwedd y modiwl.

Eich dyfodol

Mae'r ymgysylltiad hwn yn helpu i sicrhau bod y rhaglen yn cynnal cysylltiadau cryf â diwydiant ac yn parhau i baratoi graddedigion ar gyfer rolau cyfoes a rolau'r dyfodol o fewn dylunio cynnyrch a sectorau cysylltiedig.

Prif nod y cwrs yw galluogi myfyrwyr i ddatblygu eu gyrfaoedd ym myd dylunio a datblygu cynnyrch proffesiynol. Mantais allweddol wrth gyflawni'r nod hwn yw'r modiwl lleoliad diwydiant.

Ar ôl cwblhau'r cwrs, gall graddedigion ddisgwyl dod o hyd i waith mewn ymgynghoriaethau dylunio neu gwmnïau gweithgynhyrchu unrhyw le yn y byd.

Bydd eich astudiaethau’n eich galluogi i ddatblygu cysylltiadau proffesiynol, arsylwi sut mae ymarferwyr llwyddiannus yn ennill eu bywoliaeth, a mireinio eich sgiliau a'ch syniadau er mantais fasnachol a phroffesiynol. Mae cydweithrediadau trawsddisgyblaethol o'r fath yn eich paratoi ar gyfer byd lle byddwch yn gweithio gyda phobl o bob cefndir. Bydd eich prosiectau a'ch asesiadau byw yn eich helpu i arfer â phwysigrwydd terfynau amser a gweithio i friffiau penodol a manylebau tynn.

Disgwylir i bob myfyriwr gwblhau 'cofnod cyflawniad' cludadwy a defnyddio eu Cynllun Datblygu Personol (CDP) i gefnogi cyflogadwyedd a dysgu gydol oes, fel arfer ar ffurf dyddiadur dysgu, sy'n integreiddio cyfleoedd ar gyfer hunanfyfyrio mewn rhaglenni er mwyn eu helpu i ddatblygu fel dysgwyr effeithiol a hyderus.

Panel Cynghori ar y Diwydiant

Cefnogir y rhaglen MSc Dylunio Cynnyrch gan Banel Cynghori ar y Diwydiant sy'n cynnwys gweithwyr proffesiynol profiadol o bob rhan o'r sectorau dylunio cynnyrch, peirianneg ac arloesi gwasanaethau. Mae'r panel yn darparu canllawiau strategol i sicrhau bod y rhaglen yn parhau i fod yn gyfredol, yn berthnasol i'r diwydiant, ac yn cyd-fynd ag arferion proffesiynol sy'n esblygu.

Mae aelodau Panel Cynghori ar y Diwydiant yn cynnwys:

• Yr Athro Jarred Evans (PDR)
• Dr James Allum (AMRC Cymru)
• Poppy Farrugia (Dylunio Cynnyrch Neatt)
• Amy Richards (DHCW – Trawsnewid Gwasanaethau)

Mae'r panel yn cyfrannu at ddatblygiad ac adolygiad parhaus y rhaglen drwy:

• Gynghori ar gynnwys y cwricwlwm a thueddiadau sy'n dod i'r amlwg yn y diwydiant
• Cefnogi integreiddio sgiliau, offer a methodolegau sy'n berthnasol i'r diwydiant
• Rhoi cipolwg ar arfer proffesiynol, cyflogadwyedd, ac anghenion sgiliau
• Cyfrannu at friffiau byw, darlithoedd gwadd, a gweithgareddau ymgysylltu myfyrwyr lle bo'n briodol

Fel arfer, bydd myfyrwyr wedi ennill gradd gyntaf dosbarth cyntaf neu adran uwch ail ddosbarth (dosbarthiad gradd 1af neu 2.1) mewn pwnc priodol, a/neu brofiad neu statws proffesiynol cyfatebol mewn disgyblaeth Dylunio (yn seiliedig ar Ddysgu Blaenorol Achrededig a aseswyd neu Ddysgu Drwy Brofiad Blaenorol Achrededig a aseswyd), neu ddisgyblaeth sy’n gysylltiedig â’u rhaglen astudio.

Ymgeiswyr Rhyngwladol

Bydd angen i fyfyrwyr nad Saesneg yw eu hiaith gyntaf ddarparu tystiolaeth o ruglder hyd at o leiaf safon IELTS 6.0 neu gyfwerth. I gael manylion llawn am sut i wneud cais a chymwysterau Iaith Saesneg, ewch i’r tudalennau Rhyngwladol ar ein gwefan.

Sut i Wneud Cais

Dylid gwneud ceisiadau ar gyfer y cwrs hwn i’r Brifysgol yn uniongyrchol drwy ein cyfleuster hunanwasanaeth.

Bydd gofyn i chi ddarparu: datganiad am eich gwaith a’ch ymarfer cyfredol a’r diddordebau sy’n ei lywio; datganiad cryno yn amlinellu pam yr hoffech ddilyn y cwrs hwn; amlinelliad o’r prosiect proffesiynol neu ymchwil yr hoffech ei ddatblygu ar y cwrs hwn; a phortffolio o’ch gwaith blaenorol (lle bo’n briodol) i gefnogi eich cais. Gellir cyflwyno delweddau o’ch gwaith neu enghreifftiau o waith ysgrifenedig drwy wefan bersonol neu drwy blatfform ar-lein priodol (e.e. Flickr, Tumblr neu WordPress). Dylid cyfeirio at o leiaf bedair enghraifft wahanol o’ch gwaith. Mae pob myfyriwr yn cael ei gyfweld ar gyfer y cwrs hwn. Lle nad yw cyfweliad wyneb yn wyneb yn bosibl, cynhelir y rhain trwy Microsoft Teams.

I gael rhagor o wybodaeth, ewch i’n tudalennau Sut i Wneud Cais.

Beth sydd wedi’i gynnwys?

Rydym yn cynnig ystod eang o gyfleusterau arbenigol ar gyfer ein rhaglenni creadigol, gyda stiwdios pwrpasol, gweithdai pwrpasol, ac offer technegol helaeth. Byddwch yn cael mynediad i’r gweithdai hyn yn dilyn sesiynau sefydlu llwyddiannus, a chewch eich cefnogi gan dîm technegol medrus iawn.

Ni chodir ffi stiwdio arnoch a chewch yr holl ddeunyddiau hanfodol sydd eu hangen arnoch i ddysgu’r prosesau y mae eich cwrs yn gofyn amdanynt.

Mae Met Caerdydd yn Gampws Creadigol Adobe®, ac mae gan fyfyrwyr YGDC fynediad i’r Adobe® Creative Cloud llawn heb unrhyw gost ychwanegol.

Rydym yn ymfalchïo yn arwain y ffordd mewn arferion stiwdio a gweithdy cynaliadwy. Boed hynny’n llythrennedd carbon, ailddefnyddio, lleihau gwastraff a gwyddor deunyddiau, byddwch yn cael eich annog i ddefnyddio deunyddiau’n ymwybodol wrth i chi ddatblygu ffordd eich hun o weithio. Bydd y canlynol hefyd yn rhan ohono:

• Stiwdios pwrpasol ar gyfer gwaith annibynnol neu astudiaeth grŵp
• Teithiau astudio yn y DU sy’n ganolog i’ch profiad dysgu
• Cyfleusterau digidol creadigol wedi’u teilwra i’ch cwrs, fel meddalwedd benodol, cyfleusterau argraffu neu offer delweddu digidol
• Cyfleusterau TG a llyfrgell, sy’n cynnwys ystod eang o lyfrau artistiaid, cyhoeddiadau, cyfnodolion, cylchgronau ac adnoddau digidol i gefnogi eich dysgu a’ch ymchwil

Beth yw cost ychwanegol?

Wrth ddatblygu prosiectau unigol, byddwch yn dewis ac yn darparu eich deunyddiau eich hun, y gellir prynu llawer ohonynt am bris cost ar y campws. Byddwn yn eich cefnogi i ddod o hyd i ddeunyddiau ychwanegol yn dibynnu ar eich uchelgeisiau creadigol a’ch cyllideb, ac yn unol â’n harferion cynaliadwy a diogel.

Mae’n bosib y bydd angen offer penodol i’r cwrs arnoch, ond bydd hyn yn amrywio yn dibynnu ar eich ymarfer. Anfonir pecyn ymuno atoch cyn i chi ddechrau, yn cynnwys gwybodaeth fanwl am unrhyw offer a argymhellir gan gynnwys cyngor ar fanylebau gliniaduron. Rydym yn argymell nad ydych yn gwneud pryniannau mawr cyn derbyn y pecyn ymuno neu siarad ag aelod o staff.

Rhai enghreifftiau o gostau ychwanegol:

• Bydd gliniadur neu dabled yn ddefnyddiol i fyfyrwyr a bydd angen iddynt ganiatáu iddynt brynu apiau a meddalwedd
• Teithiau astudio a rhaglenni cyfnewid dewisol yn y DU neu dramor
• Lleoliadau a chostau cysylltiedig fel teithio a llety
• Mynediad dewisol i FabLab Caerdydd sy’n destun taliadau am ddefnyddio offer a deunyddiau
• Costau deunyddiau wrth ddewis defnyddio offer arbenigol yn annibynnol, fel argraffu ffabrig digidol, argraffu 3D a thorri laser
• Costau eraill fel argraffu, copïo a phrynu gwerslyfrau

Am wybodaeth gyfredol am ffioedd dysgu a chymorth ariannol a allai fod ar gael tra byddwch ym Met Caerdydd, ewch i www.metcaerdydd.ac.uk/ffioedd.

Os oes gennych unrhyw gwestiynau yn y cyfamser, cysylltwch â ni.

Ar gyfer ymholiadau cyffredinol, cysylltwch â’r Tîm Derbyniadau ar 029 2041 6010 neu e-bostiwch holiderbyniadau@metcaerdydd.ac.uk.

Ar gyfer ymholiadau cwrs-benodol, cysylltwch â Thiwtor Derbyniadau, Gareth Barham:

• E-bost: gbarham@cardiffmet.ac.uk