Clwb Pêl-droed Met Caerdydd yn cyhoeddi Bwrdd Cyfarwyddwyr newydd
Mae Tomos Lewis wedi cael ei benodi'n Gadeirydd Bwrdd Cyfarwyddwyr Clwb Pêl-droed Met Caerdydd.
Mae Clwb Pêl-droed Met Caerdydd Cyf wedi cadarnhau penodi aelodau i’w Fwrdd Cyfarwyddwyr newydd yn dilyn proses recriwtio drylwyr.
Mae'r Bwrdd sydd ag un ar ddeg aelod yn cynnwys wyth Cyfarwyddwr Anweithredol, dau Gyfarwyddwr a benodwyd gan y Brifysgol a Chadeirydd y Clwb. Mae'r aelodau'n dod â phrofiad sylweddol ym maes llywodraethu, chwaraeon elitaidd, strategaeth fasnachol, cyllid, cyfathrebu a datblygu perfformiad.
Mae'r symudiad hwn yn rhan o fframwaith llywodraethu diweddaraf sy'n cyd-fynd â Chynllun Datblygu Pum Mlynedd y Clwb a phileri strategol Cymdeithas Bêl-droed Cymru. Mae'r aelodau'n cynnwys:
Cadeirydd
- Tomos Lewis, Partner mewn cwmni cyfreithiol cenedlaethol a chyn Cyfarwyddwr Anweithredol Gymnasteg Cymru
Cyfarwyddwyr
- Ben O’Connell, Cyfarwyddwr Chwaraeon ym Mhrifysgol Metropolitan Caerdydd
- Yr Athro Katie Thirlaway, Dirprwy Is-Ganghellor a Phrofost ym Mhrifysgol Metropolitan Caerdydd
Cyfarwyddwyr Anweithredol
- Dr Kerry Harris, Uwch Ddarlithydd a chyn Cyfarwyddwr Perfformiad Clwb Pêl-droed Merched Met Caerdydd
- Ian Davis, arweinydd masnachol yng Nghlwb Criced Morgannwg a chyn Brif Swyddog Masnachol Cymdeithas Bêl-droed Cymru
- Joanna King, arweinydd Adnoddau Dynol yn Undeb Rygbi Cymru
- James Williams, Prif Weithredwr Athletau Cymru
- Emma Smith, arbenigwr cyfathrebu strategol
- Gwyn Derfel, cyn Reolwr Cyffredinol Uwch Gynghrair JD Cymru
- Adrian Coles, cronfeydd twf a chynghorydd i’r bwrdd
- Russell Hullett, hyfforddwr Trwyddedig UEFA A a chyn arweinydd academi’r Uwch Gynghrair
Wrth wneud sylwadau ar sefydliad y Bwrdd newydd, dywedodd y Cadeirydd Tomos Lewis:
“Bydd ehangder y wybodaeth a'r profiad ar draws ein Bwrdd yn allweddol wrth gefnogi twf parhaus Clwb Pêl-droed Met Caerdydd. Mae gan y Clwb botensial enfawr, ac mae'n anrhydedd i mi i’w gynrychioli mewn cyfnod mor dyngedfennol i bêl-droed domestig Cymru.”
Ychwanegodd Dr Chris Baker, Cyfarwyddwr Systemau Pêl-droed ym Mhrifysgol Metropolitan Caerdydd:
“Mae sefydlu’r Bwrdd hwn yn dod ar adeg dyngedfennol i Glwb Pêl-droed Met Caerdydd. Mae proffesiynoli ein strwythurau a’n prosesau yn ganolog i ddatgloi potensial sylweddol heb ei ddefnyddio’r Clwb.”
Cyfarfu’r Bwrdd am y tro cyntaf yr wythnos diwethaf yng Nghaerdydd a bydd yn gweithio’n agos gydag arweinyddiaeth y Clwb i hyrwyddo twf masnachol, ymgysylltu cymunedol, rhagoriaeth weithredol a datblygu perfformiad.