Skip to content
Hafan
Newyddion
2026

O gelf haniaethol i ddyfrlliw mynegiannol: Mae Ysgol Gelf a Dylunio Met Caerdydd yn lansio cyrsiau byr ar gyfer y gwanwyn a'r haf

3 Mawrth 2026
A collect of opened and used paint cans sit on a cluttered table filled with art supplies A collect of opened and used paint cans sit on a cluttered table filled with art supplies

Dros gyfnod y gwanwyn a'r haf, bydd cyfle i ddysgwyr sy'n oedolion gymryd rhan mewn amrywiaeth o gyrsiau byr ym Mhrifysgol Metropolitan Caerdydd.

Mae Ysgol Gelf Agored Met Caerdydd yn dychwelyd ar gyfer 2026, gydag ystod eang o gyrsiau byr gyda'r nos ac ar y penwythnosau ar gael. Mae deg cwrs i ddewis ohonynt, gan gynnwys peintio, lluniadu a gwneud printiau.

Three adult learners wearing painters jackets stand around a table in discussion

Mae'r cyrsiau canlynol ar gael i'w harchebu nawr:

  • Cyflwyniad i Lunio, bob dydd Mawrth o’r 21 Ebrill
  • Lluniadu Bywyd, bob dydd Mawrth o’r 2 Mehefin
  • Peintio'r Ffigur Dynol, 16 a 17 Mai
  • Cyflwyniad i Baentio Tirwedd Acrylig, bob dydd Llun o’r 20 Ebrill
  • Cyflwyniad i Baentio Dyfrlliw, bob dydd Iau o’r 23 Ebrill
  • Cyflwyniad i Baentio Olew neu Acrylig – Lliw a Ffurf, bob dydd Mercher o’r 22 Ebrill
  • Dyfrlliw Mynegiannol: Peintio mewn Arddull Rhydd, bob dydd Sadwrn o’r 9 Mai
  • Cyflwyniad i Acryligau: Celf Haniaethol, dydd Sadwrn 6 a dydd Sul 7 Mehefin
  • Printio Colograff, bob dydd Mercher o’r 22 Ebrill
  • Printiau Lino Gostyngiad, bob dydd Mercher o’r 3 Mehefin

Dywedodd Dr Bethan Gordon, Deon Ysgol Gelf a Dylunio Prifysgol Metropolitan Caerdydd: “Wedi’i gyflwyno yn stiwdios a gweithdai proffesiynol Ysgol Gelf a Dylunio Met Caerdydd, mae ein Hysgol Gelf Agored ar agor i bawb o unrhyw gallu. P'un a ydych chi'n artist profiadol, yn adeiladu portffolio ar gyfer astudiaeth gradd neu sylfaen, neu'n codi pensil am y tro cyntaf, mae ein cyrsiau a'n gweithdai yn cynnig y cyfle perffaith i archwilio sgiliau newydd a datblygu eich ymarfer creadigol.”

Mae Ysgol Gelf Agored Met Caerdydd yn cynnal cyrsiau drwy gydol y flwyddyn ar gampws Llandaf y Brifysgol, gan ddechrau fel arfer bob tymor yr hydref, y gwanwyn a'r haf.

I gofrestru ar gyfer y rhestr bostio a derbyn y diweddariadau diweddaraf, anfonwch eich manylion cyswllt drwy e-bostio coas@cardiffmet.ac.uk.

Mae pob cwrs ar gyfer y gwanwyn a'r haf ar gael i'w archebu nawr. Mae'r cyrsiau'n dechrau'r wythnos sy'n cychwyn 20 Ebrill 2026, ac yn rhedeg tan ganol mis Gorffennaf. Mae prisiau'n dechrau o £80.

Mae rhagor o wybodaeth ar gael ar wefan Met Caerdydd.