Siarteri a Mentrau Cydraddoldeb

AU Ymlaen

Mae Prifysgol Metropolitan Caerdydd yn Aelod Strategol o AU Ymlaen ac mae wedi ymrwymo i weithio gydag AU Ymlaen i helpu i lunio dyfodol Addysg Uwch, gan ddatblygu diwylliant sy’n hyrwyddo cydraddoldeb, amrywiaeth a chynhwysiant. Trwy ein haelodaeth, gobeithiwn ddysgu, dylanwadu a rhannu arfer gorau gyda Sefydliadau AU o bob rhan o Gymru a gweddill y DU.

Athena Swan

Fel prifysgol, rydym wedi ymrwymo i ddeall a mynd i’r afael â’r rhwystrau sy’n bodoli i’n staff a’n myfyrwyr sy’n ymwneud ag anghydraddoldebau rhywedd.

I gydnabod hyn, derbyniodd y Brifysgol Wobr Arian Athena Swan ym mis Mai 2024.

Rydym hefyd wedi derbyn nifer o wobrau adrannol:

• Ysgol Gelf a Dylunio Caerdydd — Gwobr Adrannol Efydd
• Ysgol Addysg a Pholisi Cymdeithasol Caerdydd — Gwobr Adrannol Efydd
• Ysgol Chwaraeon a Gwyddorau Iechyd Caerdydd (Cyncoed) — Gwobr Arian Adrannol

Siarter Cydraddoldeb Hiliol

Ym mis Tachwedd 2024, derbyniodd Prifysgol Metropolitan Caerdydd Wobr Efydd y Siarter Cydraddoldeb Hiliol gan Advance HE.

Mae’r Siarter Cydraddoldeb Hiliol yn fframwaith sy’n galluogi prifysgolion i nodi ble y gallai rhwystrau sefydliadol a diwylliannol sefyll yn ffordd staff a myfyrwyr sydd wedi’u lleiafrifo yn ôl eu hil.

Hyderus o ran Anabledd

Mae Prifysgol Metropolitan Caerdydd wedi ymrwymo i wella cyfleoedd cyflogaeth a datblygu gyrfa i bobl anabl, ac i gydnabod hyn mae Prifysgol Metropolitan Caerdydd wedi cael ei hardystio fel Cyflogwr Hyderus ar Anabledd Lefel 2.

Mae Hyderus o ran Anabledd yn gynllun llywodraeth sydd wedi’i gynllunio i annog cyflogwyr i recriwtio a chadw pobl anabl a’r rhai sydd â chyflyrau iechyd.

Ragor o wybodaeth am gynllun cyflogwyr Hyderus o ran Anabledd.

AccessAble

Mae Prifysgol Metropolitan Caerdydd wedi ymrwymo i wella hygyrchedd ein campysau ac yn ymwybodol bod anghenion ein staff, ein myfyrwyr a’n hymwelwyr o ran hygyrchedd yn wahanol. Rydym yn deall nad yw’r hyn sy’n hygyrch i un person bob amser yn hygyrch i rywun arall. Er mwyn darparu cymorth, rydym wedi gweithio gydag AccessAble i ddarparu Canllawiau Mynediad Manwl er mwyn rhoi gwybodaeth i bobl am yr hygyrchedd pan fyddant yn ymweld â’n campysau. Mae’r Canllawiau Mynediad Manwl hefyd yn edrych ar y llwybrau y byddwch yn eu defnyddio a’r hyn sydd ar gael y tu mewn.

Canllawiau Mynediad Manwl Prifysgol Metropolitan Caerdydd.

Ymrwymiad Technegwyr

Mae’r grŵp Ymrwymiad Technegwyr arobryn yn ymdrechu i sicrhau gwelededd, cydnabyddiaeth, datblygiad gyrfa a chynaliadwyedd i’n holl staff technegol sy’n gweithio ym maes addysg ac ymchwil. Mae’r grŵp yn cynnwys aelodau o bob ysgol o fewn Prifysgol Metropolitan Caerdydd.

Dewch o hyd i ragor o wybodaeth am y grŵp Ymrwymiad Technegwyr.