Rheoli Busnes Rhyngwladol - Gradd Meistr MSc/PgD/PgC

MSc Rheoli Busnes Rhyngwladol

Cwblhewch y 120 credyd o fodiwlau gorfodol a ddysgwyd:

Modiwlau gorfodol (20 credyd yr un)

• Yr Economi Fyd-eang: Masnach a Chyllid Rhyngwladol
• Busnes Rhyngwladol yn y Gymdeithas Ddigidol
• Materion Gwleidyddol Cyfoes mewn Busnes Rhyngwladol
• Strategaethau Busnes Rhyngwladol
• Cynaliadwyedd Corfforaethol Byd-eang
• Datblygiad, Ymarfer a Pherfformiad Proffesiynol

Dewiswch UN modiwl dewisol a addysgir (20 credyd yr un)

• Chwilio am Greadigedd, Arloesedd a Gwahaniaeth
• Cyfeiriad Strategol Byd-eang a Rheoli Newid
• Rheoli Heriau Byd-eang
• Busnes Rhyngwladol Ar Draws Diwylliannau
• Diwygio a Rheoli’r Sector Cyhoeddus

Dewiswch UN modiwl prosiect terfynol (40 credyd yr un)

• Prosiect Ymchwil Rhyngwladol
• Prosiect Ymgynghori
• Cynllun Busnes

MSc Rheoli Busnes Rhyngwladol (Rheolaeth Gyhoeddus)

Ydych chi’n frwd dros siapio dyfodol y gwasanaethau cyhoeddus?

Mae ein llwybr Rheolaeth Gyhoeddus yn cynnig y cyfle i arbenigo mewn rheolaeth y sector cyhoeddus tra’n dod yn fedrus yn ogystal â chael gwybodaeth hanfodol ym maes rheolaeth busnes rhyngwladol.

Taclwch rhai o’r heriau mwyaf sy’n wynebu sefydliadau’r sector cyhoeddus yn lleol, yn genedlaethol ac yn fyd-eang a chwilio am sut y gall llywodraethau a chorfforaethau cyhoeddus ddiwygio i wella gwasanaethau.

Cewch hefyd ddysgu sut i greu strategaethau hirdymor sy’n ystyried anghenion cenedlaethau’r dyfodol, gan symud tuag at gynaliadwyedd hirdymor.

Cwblhewch y 140 credyd o fodiwlau a ddysgwyd gorfodol ac un o’r modiwlau prosiect terfynol 40 credyd:

Modiwlau gorfodol (20 credyd yr un)

• Rheoli Heriau Byd-eang
• Yr Economi Fyd-eang: Masnach a Chyllid Rhyngwladol
• Datblygiad, Ymarfer a Pherfformiad Proffesiynol
• Diwygio a Rheoli’r Sector Cyhoeddus
• Materion Gwleidyddol Cyfoes mewn Busnes Rhyngwladol
• Strategaethau Busnes Rhyngwladol
• Cynaliadwyedd Corfforaethol Byd-eang

Dewiswch UN modiwl prosiect terfynol (40 credyd yr un)

• Prosiect Ymchwil Rhyngwladol
• Prosiect Ymgynghori

Cewch eich dysgu a’ch cefgnogi gan dîm addysgu sydd wrthi’n gwneud ymchwil ac sydd â wybodaeth arbenigol a phrofiad yn y diwydiant rheoli busnes rhyngwladol.

Gyda chymuned amrywiol o fyfyrwyr o ddiwylliannol gwahanol, rydym yn defnyddio amrywiaeth o ddulliau addysgu arloesol wedi’u teilwra i weddu i anghenion pawb.

Rydym yn cynnig dysgu hyblyg o’r ansawdd orau yn Ysgol Reoli Caerdydd trwy gymysgedd o ddulliau addysgu traddodiadol, gan gynnwys darlithoedd, seminarau, a gweithdai, ochr yn ochr ag offer digidol blaengar a llwyfannau dysgu rhithwir.

Mae’r cyfuniad hwn o ddulliau addysgu yn sicrhau bod myfyrwry yn ymgysylltu’n weithredol ac yn datblygu sgiliau hanfodol ar gyfer gyrfaoedd ym maes rheoli busnes rhyngwladol a thu hwnt.

Mae strwythur ein cwrs a’n strategaethau addysgu wedi’u cynllunio i gefnogi dysgu annibynnol wrth i chi symud ymlaen trwy’r cwrs. Hyrwyddir ymagwedd sy’n canolbwyntio ar y myfyriwr trwy astudiaethau achos byd-eang go iawn, prosiectau, ymarferion ymarferol, a chynlluniau busnes.

Byddwch hefyd yn elwa o siaradwyr gwadd a gweithdai dan arweiniad arbenigwyr busnes, gan roi cipolwg ar arferion cyfredol ac ymchwil ym maes rheoli busnes rhyngwladol.

Hefyd, mae ein Hwythnosau Gwella yn cynnig digwyddiadau allgyrsiol a gynhelir gan ein gwasanaeth Gyrfaoedd, Canolfan Entrepreneuriaeth, tîm Sgiliau Digidol, Gwasanaethau’r Llyfrgell a Gwybodaeth, Tîm Ymgysylltu Byd-eang a Chynaliadwyedd. Mae’r digwyddiadau hyn yn hyrwyddo dysgu cymdeithasol a dealltwriaeth ryngddiwylliannol i wneud y gorau o’ch profiad ym Met Caerdydd.

Mae ein MSc Rheoli Busnes Rhyngwladol yn defnyddio ystod o wahanol ddulliau asesu megis gwaith cwrs ysgrifenedig, adroddiadau busnes, dadansoddi astudiaethau achos, poster academaidd digidol, podlediadau, blogiau fideo a chyflwyniadau ar y campws a chyflwyniadau rhithwir.

Mae’r dull cyfunol hwn yn eich galluogi i ddangos eich cymwyseddau mewn amrywiaeth o fformatau, gan bwysleisio sgiliau ymarferol a meddwl strategol.

Mae galw mawr am sgiliau rheoli busnes rhyngwladol gan fusnesau ledled y byd.

Bydd ein modiwl datblygiad personol a phroffesiynol yn sicrhau eich bod yn barod am yrfa cyn i chi raddio. Byddwch yn dysgu sgiliau ymarferol ac offer digidol i weithio’n draws-ddiwylliannol a llwyddo ym maes rheolo busnes rhyngwladol.

Ar ôl graddio o’n MSc Rheoli Busnes Rhyngwladol, byddwch mewn sefyllfa dda i ddod o hyd i gyflogaeth yn y meysydd canlynol o amgylch y byd:

• Datblygu Busnes a Strategaeth
• Marchnata neu Reoli Cyfathrebu
• Rheoli ac Ymgynghori
• Cyllid a Rheoli Buddsoddiadau
• Rheoli Cadwyn Gyflenwi a Logisteg
• Rheoli Adnoddau Dynol
• Masnach Ryngwladol a Rheoli Cysylltiadau
• Rheoli Prosiectau
• Rheoli Cynaliadwyedd

Mae cyn-raddedigion wedi sicrhau cyflogaeth fel ymgynghorwyr rheoli, rheolwyr prosiect ac wedi ymuno ag amrywiaeth o gynlluniau cyflogaeth i raddedigion o fewn llawer o gwmnïau blaenllaw yn y DU a thramor.

Dylai pob myfyriwr feddu ar radd gyntaf neu gymhwyster cyfatebol, gydag o leiaf dosbarth 2:2 yn y DU. Er nad yw profiad rheoli yn hanfodol, mae’n ddymunol. Bydd myfyrwyr nad ydynt yn meddu ar gymwysterau o’r fath yn cael eu hasesu o ran eu haddasrwydd trwy gyfweliad a lle bo angen cymryd geirdaon.

Ymgeiswyr Rhyngwladol:

Bydd angen i fyfyrwyr nad yw eu hiaith gyntaf yn Saesneg ddarparu tystiolaeth o rhuglder i safon IELTS 6.0 neu gyfwerth o leiaf. I gael manylion llawn am sut i wneud cais a chymwysterau Saesneg, ewch i’r tudalennau Rhyngwladol.

Gweithdrefn Dethol:

Dewis ar gyfer y cwrs hwn yw drwy ffurflen gais a, lle bo angen, cyfweliad.

Sut i Wneud Cais:

Dylid gwneud ceisiadau ar gyfer y cwrs hwn yn uniongyrchol i’r Brifysgol drwy ein cyfleuster hunanwasanaeth.

Dau gyfeiriad llawn i’w llwytho gyda’ch cais.

Am ragor o wybodaeth ewch i’n tudalennau Sut i Wneud Cais.

Os oes gennych ddiddordeb mewn defnyddio credyd gan sefydliad arall, neu os ydych wedi cael cymwysterau a/neu brofiad i astudio ar gyfer cwrs ym Met Caerdydd, gallwch ddod o hyd i ragor o wybodaeth am hyn yn ogystal â gwybodaeth am sut i wneud cais ar y tudalen RPL.

Ar gyfer ymholiadau cyffredinol, cysylltwch â’r Tîm Derbyniadau ar 029 2041 6010 neu e-bostiwch holiderbyniadau@metcaerdydd.ac.uk.

Ar gyfer ymholiadau cwrs-benodol, cysylltwch ag Arweinydd y Rhaglen, Dr Jun Zhang:

• E-bost: jzhang@cardiffmet.ac.uk