Ynni a Charbon

Ynni a Charbon

Aerial view of a sports complex featuring a large indoor sports facility, blue athletics track, multiple soccer fields, lush green trees in the foreground, and nearby residential buildings in the background.

01 - 02

Mae Met Caerdydd yn cydnabod ei gyfrifoldeb i fynd i’r afael â newid yn yr hinsawdd, i leihau ei ôl troed carbon ar draws yr ystâd, ac i wella ansawdd aer lleol. Rydym yn adrodd yn gyhoeddus ar ein hallyriadau carbon (Cwmpasau 1-3) yn flynyddol ochr yn ochr â sefydliadau Addysg Uwch eraill y DU ar wefan yr Asiantaeth Ystadegau Addysg Uwch (HESA).

Cynllun Rheoli Carbon

Nod Strategaeth Rheoli Carbon 2024-2030 yw adeiladu ar berfformiad ynni cryf y Brifysgol drwy hyrwyddo effeithlonrwydd ynni arfer gorau, gan arwain trwy esiampl ac ymgysylltu myfyrwyr a staff i feithrin cydgyfrifoldeb dros welliant parhaus mewn cynaliadwyedd ledled Prifysgol Met Caerdydd. Trwy fuddsoddi'n barhaus mewn effeithlonrwydd ynni, bydd y strategaeth hon yn sicrhau gostyngiad cyffredinol o 60% mewn allyriadau carbon o gymharu â llinell sylfaen 2005/06.

Cyllun Rheoli Carbon 2024-2030

Buddsoddiadau Dadbargoneiddio

Yn 2025-2026, mae Prifysgol Metropolitan Caerdydd wedi sicrhau £24.2 miliwn mewn cyllid datgarboneiddio allanol drwy raglen Digarbon Llywodraeth Cymru, gan ddangos ymrwymiad sefydliadol sylweddol i drawsnewid y campws yn gynaliadwy. Mae'r buddsoddiad hwn yn cefnogi'r gwaith o weithredu seilwaith carbon isel, technolegau ynni adnewyddadwy, a mesurau effeithlonrwydd ynni ar draws ystâd y Brifysgol.

System Reoli Amgylcheddol Gwobrau Polisïau Cyhoeddiadau

Mae ein taith lleihau carbon wedi arwain at nifer o gyflawniadau nodedig. Rydym wedi gwneud cynnydd sylweddol o ran lleihau ein hallyriadau Cwmpas 1 a Cwmpas 2, ac ar hyn o bryd rydym yn datblygu gwell systemau i gasglu, dadansoddi ac adrodd ar ein data Cwmpas 3.

Ers 2017, mae'r trydan a brynwn o ffynonellau 100% adnewyddadwy.
Rydym wedi gosod 24 o wefrwyr cerbydau trydan cyflym ar draws ein campysau.
Yn ystod y 7 mlynedd diwethaf, rydym wedi lleihau allyriadau carbon adeiladau Cwmpas 1 a 2 gan 31.4%.
Rydym yn cynhyrchu tua 45,000kWh yn flynyddol o'n paneli solar ffotofoltaidd, gan arbed costau trydan grid o tua £13.5k a 10 tunnell o CO2e y flwyddyn.

Arbedion Ynni 'Hanneru'r Hanner'

Wrth geisio gwella perfformiad adeiladau, gwelodd y tîm Amgylchedd ac Ystadau god tua hanner ynni Met Caerdydd yn cael ei ddefnyddio y tu allan i oriau. O ganlyniad, fe roesom flaenoriaethu i atgyweiriadau gweithredol rhad, gan gynnwys newid amserlenni gwresogi, a oedd yn caniatáu i ni leihau ein defnydd o ynni sylweddol. Mae'r cynllun, sydd wedi arwain at ostyngiad o 22.3% yn y defnydd o nwy, gostyngiad o 7.5% mewn trydan a gostyngiad o 11.3% yn y defnydd o ddŵr, wedi ennill pedair gwobr.

Darllenwch Fwy