Astudio Addysg, Blynyddoedd Cynnar ac Addysgu Cynradd ym Met Caerdydd

Yr Hyn yr Ydym yn ei Gynnig

Ym Met Caerdydd, rydym wedi bod yn darparu graddau Addysg, Blynyddoedd Cynnar ac Addysgu Cynradd ers dros 75 mlynedd ac rydym yn cael ein cydnabod fel un o’r canolfannau addysg a hyfforddiant cychwynnol i athrawon mwyaf yn y DU.

Mae ein portffolio cyffrous o raddau sy’n canolbwyntio ar gyflogadwyedd yn cael eu darparu gan staff sy’n weithgar ym maes ymchwil ac ymarferwyr proffesiynol. Mae gan ein holl gyrsiau leoliadau profiad gwaith gorfodol, sy’n rhoi cyfle i chi ennill profiadau gwaith allweddol mewn ysgolion a lleoliadau addysg amgen. Gyda mynediad at gyfleusterau ardderchog ar y campws, byddwch yn graddio gyda’r wybodaeth a’r sgiliau ymarferol sy’n angenrheidiol ar gyfer eich gyrfa yn y dyfodol.

Astudio yn Gymraeg

Rydym wedi ymrwymo i wella sgiliau iaith Gymraeg ein myfyrwyr ac yn cynnig opsiynau astudio gradd ddwyieithog ym Met Caerdydd.

TAR a Chyrsiau Ôl-raddedig

Mae amryw o lwybrau dilyniant gan gynnwys gradd meistr mewn addysg, ac astudiaeth TAR ar gael ar ôl graddio. Rydym hefyd yn falch o warantu cyfweliad i holl gyn-fyfyrwyr Met Caerdydd sy’n bodloni’r meini prawf mynediad, ar gyfer ein cwrs Cynradd TAR cystadleuol iawn.