Ein Cymuned Gymraeg a Chyfleoedd Cymraeg
Mae gennym gymuned Gymraeg fywiog ym Met Caerdydd, sy'n cynnwys siaradwyr a dysgwyr Cymraeg, ac mae digon o gyfleoedd a gweithgareddau i gymryd rhan ynddynt.
Gelli di ddysgu mwy ar ein tudalennau Astudio drwy gyfrwng y Gymraeg.
Datblygu sgiliau Cymraeg i roi hwb i dy yrfa
Mae sgiliau Cymraeg yn hynod werthfawr yng Nghymru, yn broffesiynol ac yn gymdeithasol. Mae gan Lywodraeth Cymru weledigaeth o filiwn o siaradwyr Cymraeg erbyn 2050, felly mae galw cynyddol am sgiliau Cymraeg yn y gweithlu ledled Cymru.
Mae Met Caerdydd yn cynnig llawer o gyfleoedd i ddatblygu, gwella a defnyddio'r sgiliau hyn.
Cymraeg i bawb
Bydd gwersi Cymraeg am ddim ar gael i holl fyfyrwyr Prifysgol Met Caerdydd ym mis Medi 2026. Mae lleoedd yn gyfyngedig iawn a byddant ar gael ar sail y cyntaf i'r felin.
Newydd i'r Gymraeg neu wedi astudio'r Gymraeg mewn ysgol cyfrwng Saesneg?
I fyfyrwyr ar y rhaglenni isod, bydd y gwersi hyn wedi'u teilwra i'ch meysydd astudio a byddant yn rhan o amserlenni’r cwrs:
- BA Addysg Gynradd gyda SAC - myfyrwyr blwyddyn 1 a myfyrwyr blwyddyn 2 a 3 a ymunodd â gwersi Cymraeg y llynedd.
- BSc Therapi Iaith a Lleferydd - myfyrwyr blwyddyn 1 a myfyrwyr blwyddyn 2 a 3 a ymunodd â gwersi Cymraeg y llynedd.
Gall pob myfyriwr arall gofrestru ar gyfer ein gwersi Cymraeg ar ddechrau'r tymor. I gofrestru, dewch draw i stondin Yr Uned Gymraeg yn yr Hwb Wybodaeth yn ystod yr Wythnos Groeso, lle gelli di gofrestru a chael rhagor o wybodaeth.
Wyt ti eisoes yn siarad Cymraeg?
Mae Met Caerdydd eisiau dy gefnogi i ddefnyddio dy Gymraeg fel rhan o dy astudiaethau ac yn dy fywyd bob dydd. Os wyt ti'n rhugl, bron yn rhugl neu'n astudio modiwlau drwy gyfrwng y Gymraeg, galli di ymuno â'n dosbarth Defnyddio eich Cymraeg. Bydd hyn yn helpu i roi hwb i dy hyder mewn Cymraeg ysgrifenedig, Cymraeg academaidd a defnyddio’r iaith yn gyhoeddus.
Wyddost ti?
- Fel myfyriwr Cymraeg, mae gennyt ti hawl i nifer o wasanaethau Cymraeg gan Met Caerdydd.
- Gelli di sefyll unrhyw arholiad neu gwblhau unrhyw asesiad drwy gyfrwng y Gymraeg ar gyfer modiwl a addysgir yn Saesneg. Os hoffet ti wneud hyn, plis rho wybod i dy Gyfarwyddwr Rhaglen o fewn mis cyntaf y flwyddyn academaidd.
- Rydym yn cynnig Tiwtora Academaidd Personol drwy gyfrwng y Gymraeg i bob myfyriwr.
Byddi di'n clywed mwy am y cyfleoedd hyn yn ystod yr Wythnos Groeso.